গম্ উপদেজ্ 23:34 - Chakma Bible

³⁴ তুই অবে বড়্ গাঙত্ ঘুম যেইয়্যে মান্‌জ্য ধোক্ক্যেন্, বা মাস্তুল উগুরে পুরি থেইয়্যে মান্‌জ্য ধোক্ক্যেন্।

গম্ উপদেজ্ 23:34 ပူးပေါင်းရင်းမြစ်များ

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

১ রাজাবলী 16:9

সিম্রি নাঙে তার্‌ ইক্কো সেনাপতি তা বিরুদ্ধে কুজুরোমি গুরিলো। এলার্‌ যেদক্কানি রথ এলঅ তার্‌ অদ্দেক্‌ ভারান্‌ এলদে সিম্রির উগুরে। এলা এ সময়োত্‌ অর্সার ঘরত্‌ মাত্তল্‌ অবাত্তে মদ হার্‌। এ অর্সার উগুরে তির্সার রাজঘরর্‌ দেগাশুনোর্‌ ভারান্‌ এলঅ।

যাত্রা 15:8

তর্‌ নিশ্বেজর্ থেলায় পানিগান্ এগত্তর্‌ ওই উদিলো। তুবোল্লোই ভোজ্যে বেক্‌ পানিগান খুদো ধোক্ক্যেন ওইনে ঠিয়্যেই গেলঅ, আর তলা ন-পেইয়্যে পানিগান্‌ জমা অলঅ সাগরর্‌ বুগোত্‌।

গম্ উপদেজ্ 23:33

তঅ চোগ্‌‌কুনে সেক্কে আমক্ অবার কান্ড দেগিবাক্ আর মনানে উগুদো যাবুদো কধা ভাবিবো।

গম্ উপদেজ্ 23:35

তুই কবে, “তারা মরে আঘাত্ গোজ্যন্ মাত্তর্ মুই পিড়ে ন-পাং, মরে তারা মাজ্যন্ মাত্তর্ মুই তার্ ন-পাং। কক্কনে মুই জাগি উদিনে আরঅ মদ্ তোগেবাত্তে যেম্?”

গম্ উপদেজ্ 31:4

ও লমূয়েল, রাজাগুনোর তপ্পে, অয়, রাজাগুনোর তপ্পে আংগুর-রস হানা যগাজ্যে নয়; মদ্ হেবাত্তে চানা শাজন্‌গুরিয়্যেগুনোর তপ্পে যগাজ্যে নয়।

যোয়েল 1:5

ও মাত্তল্‌বলাগুন, জাগি উদো আর কানাকুদি গরঅ। ও বেক্ মদ খুরুন, তুমি তাজা আংগুর-রজর্ মদত্তে আবিলেচ্ গরঅ, কিত্যে সিয়েন তমা মুয়োত্তুন্ কাড়ি নেযা ওইয়্যে।

মথি লেখ্যে গম্ হবর্ 24:38

পানিবান্ অবার্ আগেদি দিনুনোত্ নোহ জাহাজত্ ন-সমানা সং মান্‌জ্যে হানা-দানা গোজ্যন্, মিলে-মরদে লোলি গোজ্যন্।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।