গম্ উপদেজ্ 23:20 - Chakma Bible

²⁰ যিগুনে বেশ্ গুরিনে আংগুরো-রস হান্ বা যিগুনে বেশ্ পেদুক্ আর বেশ্ য়েরা হান্, তুই তারা সমারে ন-মিজেস্;

গম্ উপদেজ্ 23:20 ပူးပေါင်းရင်းမြစ်များ

গম্ উপদেজ্ 20:1

যে মানুচ্চো আংগুর-রস হেইনে মাত্তল্ অয় তে ঠাট্টা-মশ্‌কারি গরে, আর যিবে মদ হায় তে অমকদ কোল্-কোজ্যে গরে; ইয়েনি হেইনে যে মাত্তল্ অয় তে জ্ঞানি নয়।

গম্ উপদেজ্ 21:17

যে মানুচ্চো আমোদ-প্রমোদ গম্ পায় তে নাঢা অবঅ; যে মানুচ্চো আংগুর-রস আর তুম্বাজ্ তেল্ গমপায় তে কনদিন্অ তাগোয়্যে ওই ন-পারিবো।

গম্ উপদেজ্ 23:2

যুনি তুই পেটুক্ অচ্ সালে উজিয়ার্! তুই নিজোরে দোঙেই রাগেইনে হেচ্।

গম্ উপদেজ্ 28:7

যে পুয়োবো সুদোমানি মানে তে বুদ্ধিবলা, মাত্তর্ যে পুয়োবো পেদুক্কুনোর সমাজ্যে তে তা বাব্‌‌পোর অসর্মান আনে।

যিশাইয় 22:13

মাত্তর্ চঅ, সিয়েনত্ রঙ্গ ফুত্তি আর রঅ রঅ ছঅ ছঅ চলের্, আর গোরু ভেড়া কাবিনে আহ্ য়েরা আর আংগুর-রস হানা চলের্। তুমি কত্তে, “এজঅ, আমি হানা-দানা গুরিই, কিত্তে কেল্যে আমি মুরি যেবং।”

যিশাইয় 5:11

অভিশাব্ পোড়োক্ সে মানুচ্চুনোর্, যিগুনে মদ হেবাত্তে বেন্যে পোত্যে উদোন্ আর বোউত্ রেত্‌সম্বাগ সং বোইনে আংগুর-রস হান্, যেদক্কন্ সং সিয়েন হেইনে তারা গরম ওই ন-উদোন্।

যিশাইয় 5:22

অভিশাব্ পোড়োক্ সেই মানুচ্চুনোর্, যিগুনে আংগুর-রস হেবার্ অক্তত্ কাবিদ্যং আর মদ মিজেইদ্যে কামত্ কাবিল্,

মথি লেখ্যে গম্ হবর্ 24:49

সে জুবোত্ তে তার্ সমাজ্যে-চাগরুনোরে মার্‌‌‌পিট্ গরানা আরাম্ভ গুরিলো আর মাত্তলুনো সমারে মদ হা ধুরিলো।

লূকে লেখ্যে গম্ হবর্ 15:13

কিজু দিন পরেদি চিগোন্ পুয়োবো তা সম্বোত্তিগান্ বেজিনে টেঙা-পৌইজ্যে লোইনে দূর্ দেজত্ গেলঅ। সিধু তে ভান্ন্যেই গুরি জিংকানি কাদেইনে তার্ বেক্‌ টেঙা-পোইজ্যেগুন্ উড়েই দিলো।

লূকে লেখ্যে গম্ হবর্ 16:19

এক্কো থাগোইয়্যে মানুচ্‌ এলঅ। তে বিগুনী কাবর্ আর নানান্ বাবোত্যে মংগা মংগা কাবর্-চুগোর্ উরিদো। পত্তিদিন্ খুব দুমধাম্ গুরি ফুত্তি গুরিদো।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

রোমীয় 13:13

রঅ ছাড়িনে মদ হানা আর মাত্তল্ ওইনে নয়, সিনেলী আর যাগুলুক্যে জিংকানিত্ নয়, কোল্-কোজ্যে আর ইংসেলোই নয়, মাত্তর্ যিগুনে দিনো পহ্‌রত্ আঢাউদো গরন্, এজঅ, আমি তারা ধোক্ক্যেন্ গমেডালে জিংকানি কাদেই।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

দ্বি’লম্বর বিররণ 21:20

তারা সে বুড়ো নেতাগুনোরে কবাক্কে, আমার এ পূঅবো অমকদ একবুস্যে আর শাজন ন-মানিয়ে; তে আমারে অগ্রাজ্য গুরি চলে। তে মাত্তল্ আর টেঙা-পৌইজ্যে উড়েই দে।