গম্ উপদেজ্ 23:18 - Chakma Bible

¹⁸ সালে তর্ ভবিচ্চদর্ আজা আঘে, আর তঅ আজাগান ভাঙি দিয়্যে ন-অবঅ।

গম্ উপদেজ্ 23:18 ပူးပေါင်းရင်းမြစ်များ

গীতসংহিতা 19:11

সিয়েনে তর্ চাগর্‌বোরে উজিয়ার গরে, আর সিয়েনি পালন গুরিলে লাভবান অয়।

গীতসংহিতা 37:37

নিদ্দুযি মানুচ্চুনোর জিংকানিগানি ইন্দি চাহ্; সেই গম্ মানুচ্চুনো ইন্দি চাহ্। যিগুনে সুগ্-শান্দি গম্ পান তারার্ বংশগুন থেবাক্।

গীতসংহিতা 58:11

সিয়েন দেগিনে মান্‌জ্যে কবাক্, “গোজেন ভক্তগুনোর্ জিংকানিত্ ঘেচ্ছেকগুরি বক্‌শিজ্ আঘে; ঘেচ্চেকগুরি এক্কো গোজেন আঘে যিবে পাজিগুনোরে পিত্‌থিমীত বাঁজি থাগদে বিচের গরে।”

গীতসংহিতা 9:18

নাদা মানুচ্চুনোরে উমরত্তে ভুলি গেলে ন-অবঅ; তারার্ আজানি কনদিন্‌‌অ পূরোণ ন-থেবঅ।

গম্ উপদেজ্ 24:14

ইয়েন হবর্ পেবে, জ্ঞানান্ তঅ রিবেঙানত্তে মধু ধোক্ক্যেন্ মিদে; যুনি তুই জ্ঞান পাচ্ সালে তর্ ভবিচ্চদর আজা আঘে, আর তঅ আজাগান ভাঙি দিয়্যে ন-অবঅ।

গম্ উপদেজ্ 24:20

কিত্তে পাজি মানুচ্চুনোর ভবিচ্চদর কনঅ আজা নেই, আর বজং মানুচ্চুনোর জিংকানির-চেরাগ্‌‍কো মুরি যেবঅ।

যিরমিয় 29:11

তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

ইব্রীয় 10:35

সেনত্যে তুমি সাহচ্‌ ন-আড়েইয়ো, কিয়া ইয়েনর পুরস্কারান ভারী মহৎ।