গম্ উপদেজ্ 23:15 - Chakma Bible

¹⁵ মঅ পুয়োবো, তঅ মনান্ যুনি জ্ঞানে ভর্‌পুনং অয় সালে মঅ মনান্ সুগি অবঅ, অয়, মুই সুগি ওম্।

গম্ উপদেজ্ 23:15 ပူးပေါင်းရင်းမြစ်များ

গম্ উপদেজ্ 1:10

পুয়োবো মর্, পাপিগুনে যুনি তরে ভান্ন্যেই পধেদি নিবাত্তে চান তুই রাজি ন-ওচ্।

গম্ উপদেজ্ 10:1

শলোমনর্ গম্ উপদেজ্। জ্ঞানীবলা পুয়ো বাবরে হুজি গরে, মাত্তর্ ভুল-বেদমা পুয়ো মাগুনো জিংকানিত্ দুগ্ আনন্।

গম্ উপদেজ্ 15:20

জ্ঞানী পুয়ো বাবর্ জিংকানিত্ হুজি আনে, মাত্তর্ জ্ঞাননেইয়্যে মান্‌জ্যে মাবোরে ঈচ্ গরে।

গম্ উপদেজ্ 2:1

মঅ পুয়োবো, তুই যুনি মঅ কধাগান শুনোচ্ আর তঅ মনান ভিদিরে মর্ বেক উগুমানি থুবেই রাগাচ্,

গম্ উপদেজ্ 27:11

মঅ পুয়োবো, তুই জ্ঞানবলা অ আর মঅ মনানরে হুজি গর্; সেক্কে যিগুনে মরে ঈচ্ গরন্ তারারে মুই জোব্ দি পারিম্।

গম্ উপদেজ্ 29:3

যে মানুচ্চো জ্ঞান কোচ্‌‌পায় তে তা বাবরে হুজি গরায়, মাত্তর্ যে বেশ্যেগুনো লগে থায় তে তার ধন বরবাত্ লাগায়।

গম্ উপদেজ্ 4:1

ঝি-পুয়োগুন, বাবঅ উপদেজ্‌ছানি শুনো, বিচেরবুদ্ধি পেবাত্তে মনযোগ্ দুয়ো।

যিরমিয় 32:41

মুই হুজি মনে তারারে ভালেদি গুরিম আর মর্ বেক মনান্-পরানান্ দিইনে এ দেজত্ হামাক্কায় তারারে চারা ধোক্ক্যেন লাগেই দিম।

সফনিয় 3:17

তর্ গোজেন লগেপ্রভু তঅ ভিদিরে আঘে, তার রোক্ষ্যে গুরিবার খেমতা আঘে। তে তঅ পৌইদ্যেনে অমকদ হুজি অবঅ, আর তার গভীন্ কোচ্‌‌পানালোই তে অলর্ অবঅ। তে তঅ বেপারানিলোই হুজির-গান গুরিবো।”

মথি লেখ্যে গম্ হবর্ 9:2

মানুচ্চুনে সেক্কে বিচ্ছোনত্ পড়ি থেইয়্যে এক্কো বেসৎ-পীড়েল্যেরে তাইধু আনিলাক্। সে মানুচ্চুনোর বিশ্বেজ্ দেগিনে যীশু সেই পীড়েল্যেবোরে কলঅ, “সাহচ গর্, ও গাবুজ্যে, তঅ পাপ্‌পান খেমা গরা অলঅ।”

লূকে লেখ্যে গম্ হবর্ 15:32

হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

যোহন 15:11

এ বেক্‌ কধানি মুই তমারে কলুং যেন মঅ হুজীগান্ তমা মনত্ থায় আর তমার হুজীগান্ পূরোণ্ অয়।

যোহন 21:5

তে শিচ্চ্যগুনোরে কলঅ, “মঅ সমাজ্যেগুন্, কনঅ কিজু ন-পঅ?” তারা কলাক্, “নাঢে, ন-পেই।”

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

২ যোহন 1:4

বাবা আমারে যে উগুমানি দিয়্যে সেই ধগে তর্ কয়েক্কো পুয়ো-ছা গোজেনর্ সত্যর্ পধেদি চলদন্ দেগিনে মুই ভারী হুজি ওইয়োং।