গম্ উপদেজ্ 23:10 - Chakma Bible

¹⁰ দুযিগানর পুরোনা চিহ্নো-পাত্তর্ তুই সোরেই ন-দিচ্ বা বাপ্‌-মা নেইয়্যেগুনোর ভূইয়ানি গজক্ ন-গুরিচ্,

গম্ উপদেজ্ 23:10 ပူးပေါင်းရင်းမြစ်များ

ইয়োব 22:9

তো তুই রানি মিলেগুনোরে সুদো আত্যে বিদেয় গুরিদে আর মা-বাপ নেইয়্যেগুনোর অধিকারান্‌ কাড়ি নেযেদে।

ইয়োব 24:9

বাপনেইয়্যে চিজিবোরে সেই শদানুনে মা বুগোত্তুন্ কাড়ি নেযান্ আর কজ্জত্যে নাঢা মানুচ্চুনোর পুঅগুনোরে বন্ধক্ রাগান।

ইয়োব 6:27

তুমি মা-বাপ্‌ নেইয়্যে গুনোরে চাম্বা চেইনে থাগঅ আর সমাজ্যেবোরে বিজি দিবাত্তে চঅ।

গীতসংহিতা 94:6

রানিমিলে আর বিদেশিগুনোরে তারা মারে ফেল্যন্ আর মা-বাপ নেইয়্যে গুনোরে খুন গোজ্যন্।

যাত্রা 22:22

“কনঅ‌ রানিমিলেরে বা কনঅ মা-বাপ্‌ নেইয়্যে পূঅরে বা ঝিরে দুখ্‌ ন-দুয়ো।”

গম্ উপদেজ্ 15:25

লগেপ্রভু বাড়্‌বো গুরিয়্যেগুনোর ঘরানি ভাঙি ফেলায়, মাত্তর্ তে রানিমিলে দুযিগান ঠিগ্ রাগায়।

গম্ উপদেজ্ 22:28

তর্ পূরোণি মানুচ্চুনে দুযিগানর যে চিহ্নো-পাত্তরুন্ থিদেবর্ গুরি যেইয়োন্, সে চিহ্নোগান তুই সোরেই ন-দিচ্।

যিরমিয় 22:3

লগেপ্রভু কোইয়্যেদে, ‘যিয়েন ন্যায্য আর ঠিগ্ তুমি সিয়েনই গরঅ। যিবেরে লুদো ওইয়্যে তারে তা অত্যেচারিগুনোর আঢত্তুন উদ্ধোর গরঅ। বিদেশী, মা-বাপ নেইয়্যে আর রানিমিলেগুনো উগুরে কনঅ অন্যেয় বা অত্যেচার ন-গোজ্য আর এ জাগাত্ নিদ্দুযির্ লো ন-ঝোরেয়ো।

যিরমিয় 7:5

যুনি ঘেচ্চেকগুরি তুমি তমার আচার-বেবহার আর কামানি বদল আর গমেডালে একজন আরেকজন সমারে বেবহার গরঅ,

যিরমিয় 7:6

যুনি বিদেশি, মা-বাপ নেইয়্যে বা রানিমিলেগুনোরে অত্যেচার ন-গোজ্য আর এ দেজত্ নিদ্দুযিগুনোর লো ন-ঝোরেয়ো আর দেব-দেবেদাগুনোর পিজেদি যেইনে নিজোরে খেতি ন-গোজ্য,

সখরিয় 7:10

তুমি রানিমিলে, মা-বাপ নেইয়্যে, বিদেশী আর নাঢা মানুচ্চুনো উগুরে অত্যেচার ন-গোজ্য; মনে মনে এক আর একজন বিরুদ্ধে কুজুরোমি ন-গোজ্য।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

দ্বি’লম্বর বিররণ 19:14

তমার গোজেন লগেপ্রভু যে দেজ্‌ছান গজক্ গুরিবাত্তে তমারে দের্‌ সিয়েনত্‌ তমা পুরোণি মানুচ্চুনোর রাগেয়্যে কনঅ দুঝির-চিহ্নো তুমি ন-সোরেবা।

দ্বি’লম্বর বিররণ 27:17

সে মানুচ্চো অভিশাবখেইয়্যে, যে অন্য মান্‌জ্যর ভুইয়োর দুঝির-চিহ্নোগানি সোরেই দে। সেক্কে বেক্কুনে কবাক, আমেন।

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।