গম্ উপদেজ্ 22:7 - Chakma Bible

⁷ নাঢা মান্‌জ্য উগুরে তাগোয়্যেবো সদ্দার্ অয়, আর সুদি টেঙা নিয়েবো দিয়্যেবোর চাগর্ অয়।

গম্ উপদেজ্ 22:7 ပူးပေါင်းရင်းမြစ်များ

২ রাজাবলী 4:1

শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

গম্ উপদেজ্ 18:23

নাঢা মান্‌জ্যে দোয়্যে পেবাত্তে কোজোলি গরন্, মাত্তর্ তাগোয়্যেবো অগমানে দরমর গুরি জোব্ দে।

গম্ উপদেজ্ 22:16

ধন পেবাত্তে যে মানুচ্চো নাঢা মান্‌জ্য উগুরে অত্যেচার গরে বা যে মানুচ্চো তাগোয়্যেগুনোরে দান গরে তারার দ্বিয়ো জনর্ অভাব অয়।

গম্ উপদেজ্ 22:22

এক্কো মানুচ্ অসহায় বিলিনে জোর্ গুরি তা জিনিসছানি ন-নেযেয়ো, আর বিচের-জাগাত্ অভাবীর সর্বনাশ ন-গোজ্য;

যিশাইয় 24:2

সেদিন্যে ধর্মগুরু আর সাধারন মানুচ্চুনোর্, গিরোজ্ আর চাগরুনোর, ঘর মিলেবোর আর চাগরানিবোর, দোগানদার আর কিনিয়্যেবোর, যে উদোজ্যে টেঙা লয় আর যিবে উদোজ্যে টেঙা দে তারার আর সুদি টেঙা লোইয়্যেবোর আর সুদি টেঙা দিয়্যেবোর বেক্কুনোর অবস্থা এক্কুই অবঅ।

আমোষ 2:6

লগেপ্রভু কত্তে, ইস্রায়েলর তিনেন্ পাপ, এন্ কি, চেরান পাপর্ কারনে মুই হামাক্কায় তারে সাজা দিম। তা মানুচ্চুনে টেঙা-পোজেত্যে গম্ মানুচ্চুনোরে আর টেঙর্ এক জড়া জদাত্তে নাঢাগুনোরে বেজন্।

আমোষ 4:1

ও শমরিয়ার মুড়ো উগুরে বাশনর গোরু শর্‌‌‌‌‌‌মাগুনো ধোক্ক্যেন মিলেগুন, তুমি শুনো। তুমি নাঢাগুনোরে অত্যেচার গরঅ আর অভাবীগুনোরে চুর্‌‌মার গরঅ আর তমা নেগ্‌‌‌‌‌‌কুনোরে কঅ, “আমাত্তে মদ আনি দুয়ো।”

আমোষ 8:4

তুমি যিগুনে অভাবীগুনোর টেঙোই মাড়র্ আর নাঢাগুনোরে শেজ্ গুরি দুয়োর্, তুমি শুনো।

আমোষ 8:6

রূবোলোই নাঢা মান্‌‌‌‌জ্যরে আর এক জড়া জদালোই অভাবীরে কিনি নেযেম আর ঝান্দালোই ফেলে দিয়্যে গমুন্ তারা ইধু বেজি দিম।”

মথি লেখ্যে গম্ হবর্ 18:25

তা কজ্জ শুজিবার্ খেমতা ন-এলঅ। সেক্কে সে গিরোজ্‌সো উগুম গুরিলো যেন সে মানুচ্চোরে আর তা মোক্কোরে আহ্ পুয়ো-ঝিগুনোরে আর তার্ যিয়েনি আঘে বেক্কানি বিজিনে পাওনা উজোল্ গরা অয়।

যাকোব 2:6

অদচ সেই নাঢা মানুচ্চুনোরে তুমি অগমান গোজ্জ্য। মাত্তর্ তাগোয়্যে মানুচ্চুনে কি তমারে দুঘ্ ন-দুয়োন্ আর আদালদত্ টানি ন-নেযান্?

যাকোব 5:1

তাগোয়্যে মানুচ্চুন্, তুমি শুনো। তমা উগুরে যে দুঘ্‌কানি এজের্ সিয়েনিত্যে কানঅ আর আবিলেচ্ গরঅ।

যাকোব 5:4

তমা খেদত্ যে কাম গুরিয়্যেগুনে ফসল কাপ্প্যন্ তুমি তারারে বেতন ন-দুয়ো; আর চঅ, সেই বেতনুনে ইক্কিনে রঅ ছাড়িনে তমারে দুষি বানাদন্। বেগত্তুন্ খেমতাবলা প্রভুর কানত্ সেই কাম গুরিয়্যেগুনোর রঅ ছাড়ানাগানি লুম্মেগোই।