গম্ উপদেজ্ 22:5 - Chakma Bible

⁵ কুজুরো মান্‌জ্যর পধেদি থাইদ্যে কাদা আর ফাল্, মাত্তর্ তে নিজোরে উজিয়ারে রাগায় তে সিয়েনিত্তুন্ দূরোত্ থায়।

গম্ উপদেজ্ 22:5 ပူးပေါင်းရင်းမြစ်များ

ইয়োব 18:8

তা টেঙানে তারে জাল ভিদিরে ঠিলি ফেলেব; তে সেই জাল ভিদিরে টেঙ্‌ দিবো।

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

গম্ উপদেজ্ 13:15

যিবের বুদ্ধিগান গম্ তে সর্মান পায়, মাত্তর্ অবিশ্বেজি মানুচ্চুনে শেজ্ ওই যেবাক্।

গম্ উপদেজ্ 13:3

যে তা মুয়োন উজিয়ার গুরি রাগায় তে তা পরাণান্ বাজায়, মাত্তর্ যে উজিয়ার ন-ওইয়্যে গুরি কধা কয় তার দজা অয়।

গম্ উপদেজ্ 15:19

আল্‌সি মান্‌জ্যর পথ্‌তান দ্বিকিত্তেদি কাদা বেড়া দিয়্যে পধ ধোক্ক্যেন, মাত্তর্ গম্ মান্‌জ্যর পথ্‌তান যেন রাজপদ ধোক্ক্যেন।

গম্ উপদেজ্ 16:17

ভান্ন্যেয়ত্তুন্ সুরি যানাগান অলঅ গম্ মান্‌‌জ্যর জিংকানির পথ; যে মানুচ্চো তা জিংকানির পধ ইন্দি খিয়েল রাগায় তে তা পরাণান্ রোক্ষ্যে গরে।

গম্ উপদেজ্ 19:16

যে মানুচ্চো গোজেনর সুদোমানি পালায় তে তার জিংকানিগান রোক্ষ্যে গরে; মাত্তর্ যে তার জিংকানির পথ্‌তান ইন্দি মনান্ ন-দে তে মুরিবো।

গম্ উপদেজ্ 22:4

নম্রগান আর লগেপ্রভু উগুরে ভোক্তিবলা দর্ ধন, সর্মান আর জিংকানি আনে।

গম্ উপদেজ্ 29:6

পাজি মান্‌‌জ্যে নিজোর পাপে ফালত্ পড়ে, মাত্তর্ গোজেন ভক্ত মান্‌‌জ্যে হুজি অন আর গিদ্ গান।

গম্ উপদেজ্ 4:19

মাত্তর্ পাজিগুনোর পথ্‌তানি গভীন আন্ধার ধোক্ক্যেন্; তারা হবর্ ন-পান কুবোন্দোই তারা উজোত্ হান।

যিহোশূয় 23:13

সালে তুমি এ কধাগান গমেডালে জানি লঅ‌, তমা গোজেন লগেপ্রভু এ বেক্‌ জাদ্‌তুনোরে তমা মুজুঙোত্তুন্‌ আর ধাবেই ন-দিবো। সিয়েনর্‌ বদলে তারা এন্‌ জাল্‌ আর ফাল্‌ ওইনে উদিবাক্‌ যিয়েন ভিদিরে তুমি যেইনে ধরা পড়িবা আর তারা অবাক্‌ তমার পিঠ্‌তানির্‌ চাবুক্‌ আর চোগোর্‌ কাদা। যে দোল্‌ দেজ্‌চান তমার্‌ গোজেন লগেপ্রভু তমারে দিয়্যে যেরেন্দি সিয়েনত্তুন্‌ তুমি ভস্ত ওই যেবা।

১ যোহন 5:18

আমি কোই পারিই, গোজেনত্তুন্ যিবের জর্ম ওইয়্যে তে পাপত্ পড়ি ন-থায়। যিবে গোজেনত্তুন্ জোর্মেয়্যে তেয়ই তারে রোক্ষ্যে গরে, আর শদানে তারে ধুরি ন-পারে।