গম্ উপদেজ্ 22:4 - Chakma Bible

⁴ নম্রগান আর লগেপ্রভু উগুরে ভোক্তিবলা দর্ ধন, সর্মান আর জিংকানি আনে।

গম্ উপদেজ্ 22:4 ပူးပေါင်းရင်းမြစ်များ

গম্ উপদেজ্ 19:23

লগেপ্রভু উগুরে ভোক্তিবলা দরানে পরিপূরোন জিংকানি ইন্দি নেযায়; যিবের সেই জিংকানিগান আঘে তে ভর্‌‌পুনোং থায়, কনঅ দযা তাইদু এই ন-পারে।

গম্ উপদেজ্ 21:20

বুদ্ধিমান ঘরত্ মূল্যবান ধন আর তুম্বাজ্ তেল্ জমা থায়, মাত্তর্ সিয়েন যুনি বিবেচনা নেইয়্যে মান্‌জ্য ঘরত্ থায় সালে তে বেক্কানি শেজ্ গুরি ফেলায়।

গম্ উপদেজ্ 21:21

যে মানুচ্চো আওজ্ গুরিনে সততা আর বিশ্বেজ্ পধেদি চলে তে জিংকানি, আশীদ্‌বাদ্ আর সর্মান পায়।

গম্ উপদেজ্ 22:3

উজিয়ারবলা মান্‌জ্যে দজা দেগিনে আশ্রয় নেযায়, মাত্তর্ ভুল্ মানুচ্চুনে দজা দেগিনেয়ো চলন্ আর সেনত্তে সাজা পান্।

গম্ উপদেজ্ 22:5

কুজুরো মান্‌জ্যর পধেদি থাইদ্যে কাদা আর ফাল্, মাত্তর্ তে নিজোরে উজিয়ারে রাগায় তে সিয়েনিত্তুন্ দূরোত্ থায়।

গম্ উপদেজ্ 29:23

বাড়্‌বো গরানাগানে মান্‌‌‌‌‌‌জ্যরে তলে ফেলায়, মাত্তর্ নম্র স্বভাবর মান্‌‌জ্যে সর্মান পান্।

গম্ উপদেজ্ 3:16

তার্ ডেন্ আঢেদি আঘে বোউত্ আয়ু, বাঙ্ আঢেদি আঘে ধন আর সর্মান।

গম্ উপদেজ্ 31:30

দোল্ বেবহার ছলনা গুরি পারে, দোলান্ জিংকানিবর্ নয়, মাত্তর্ যে মিলেবো লগেপ্রভুরে ভোক্তি গুরিনে দরায় তে বাঈনী গরা খায়।

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

দানিয়েল 4:36

যেক্কে মর্ মনান্ ফিরি এলঅ সেক্কে মর্ রেজ্যর সর্মানত্তে মর্ সয়-সাগোজ্যে আর বাঈনী গরানা মরে ফিরেই দিয়্যে অলঅ। মর্ মন্ত্রীগুনে আর আজল্ মানুচ্চুনে মরে তোগেইনে নিগিলেলাক্ আর মরে আরঅ সিংহাসনত্ বজা অলঅ আর মুই আগত্তুন্‌অ বেশ্ মহান ওলুং।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

যাকোব 4:10

প্রভুর মুজুঙোত্ নিজোরে তলে গরঅ, সালে তেয়ই তমারে তুলি ধুরিবো।

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”