গম্ উপদেজ্ 22:29 - Chakma Bible

²⁹ তুই কি এধোক্ক্যেন কনঅ মান্‌জ্যরে দেখ্যচ্ যে কাবিল্ আঢ্‌তোই কাম্ গরে? তে রাজাগুনোত্তে কাম্ গুরিবো, সাধারণ মানুচ্চুনোর অধীনোত্ কাম্ ন-গুরিবো।

গম্ উপদেজ্ 22:29 ပူးပေါင်းရင်းမြစ်များ

পত্থম 41:38

ফরৌণ তা চাগরুনোরে কলঅ, “এ মানুচ্চুনো ভিদিরে এমন্ কিজু আঘে যিয়েন্‌ এ পিত্‌থিমীত্‌ নেই। ইবে ধোক্ক্যেন আর কারে আমি তোগেই পেবং?”

পত্থম 41:46

যোষেফে যেক্কে মিসর রাজা ফরৌণ কামত্‌ মিজেল সেক্কে তা বয়জ্‌ এলদে ত্রিশ বজর। তে ফরৌণ রাজ তেম্মাঙত্তুন্‌ নিগিলিনে মিসর দেজ বেক্‌ জাগানি ঘুরি এলগোই।

পত্থম 47:6

গোদা মিসর দেজ্‌ছান্‌ দঅ তঅ মুজুঙোত্‌ পড়ি আঘে। দেজর্‌ বেগত্তুন্‌ গম্‌ জাগানত্‌ তঅ বাপ্পো আর ভেইয়ুনোরে বজত্তি গুরিবাত্তে দে। তারা গোশনত্‌ বজত্তি গোরোদোক্‌। তারা ভিদিরে যগাজ্যে মানুচ্‌ পেলে তারা উগুরে মঅ য়েমান পালুনোর্ ভারানঅ দিজ্।”

২ শমূয়েল 2:32

তারা অসাহেলরে তুলি নেযেইনে বৈৎলেহমত্‌ গেলাক্ আর তা বাবর্‌ গোর্‌বোত্‌ তারে গারেলাক্। সে পরেন্দি যোয়াবে আর তা মানুচ্চুনে গদা রেত্তো আঢিনে বেন্যেমাদান্ হিব্রোণত যেইনে লুমিলাক্।

১ রাজাবলী 10:8

তঅ মানুচ্চুনে কদক্‌ সুগী! যিগুনে নিত্য তঅ মুজুঙোত্‌ থান্‌ আর তর্‌ জ্ঞানর কধানি শুনোন্‌ তর্‌ সে কামগুরিয়্যেগুনে কদক্‌ ভাগ্যত্যে!

১ রাজাবলী 11:28

সে অক্তত্‌ যারবিয়ামে সিদু কাম গোজ্যে আর তা কামর্‌ বেশ্‌ সুনাঙ্‌ এলঅ। শলোমনে যেক্কে দেগিলো, গাবুজ্যেবো বেশ্‌ কামর্‌ মানুচ্‌ সেক্কে তে তারে যোষেফ বংশর বেক্‌ গাবুরুনোরে দেগাশুনো গুরিবার ভারান্‌ দিলো।

১ বংশধর 4:23

শেলা বংশর মানুচ্চুনো ভিদিরে যিগুনে নতায়ীম আর গদেরাত বজত্তি গুরিদাক্‌ তারা এলাক্‌ কুলি। রাজার কামানি গুরিবাত্তে তারা সিদু থেদাক্‌।

গম্ উপদেজ্ 10:4

আল‌্‍‍সি জিনিসচানে মান্‌জ্যরে নাঢা গরে, মাত্তর্ কাম গুরিলে ধন-সোম্বোত্তি এজে। ‌‌

গম্ উপদেজ্ 12:24

কামগুরিয়্যে মানুচ্চুনে কাবিদ্যংগিরি গরন্, মাত্তর্ আল্‌সি মানুচ্চুনে পর অধিনোত্ অন্।

গম্ উপদেজ্ 23:1

তুই যেক্কে শাজন্‌গুরিয়্যেবো লগে হেবাত্তে বুজিবে, সেক্কে তঅ মুজুঙোত্ কি আঘে সিয়েন গমেডালে খিয়েল্ গুরিবে।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

দানিয়েল 1:19

রাজা তারা লগে কধা কোইনে বুঝিলোদে, আর কনজন দানিয়েল, হনানিয়, মীশায়েল আর অসরিয়র্ সং সং নয়; সেনত্তে এ চেরজনরে রাজা কামত্ নেযা অলঅ।

দানিয়েল 1:4

সে গাবুজ্যেগুনোত্তুন্ উয়ো পড়িবো থুদো নেইয়্যে, দোল্, জ্ঞানী আর বুদ্ধিবলা, বেক্ শিক্ষ্যেনি শিগিবাত্তে চোট্‌পোট্যে আর রাজদরবারত্ কাম গুরিবার যগাজ্যে। অসপনস্‌‌‌রে উগুম দিয়্যে অলঅ যেনে তে এ গাবুজ্যেগুনোরে বাবিলীয়গুনোর কধা আর পুদি পৌইদ্যেনে শিক্ষ্যে দুয়োন্।

মথি লেখ্যে গম্ হবর্ 25:21

সেক্কে তা গিরোজ্‌‌সো তারে কলঅ, দোল্ কাম গোজ্যস্, তুই গম্ আর বিশ্বেজি চাগর্। তুই কম্ টেঙালোই বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মঅ হুজির্ ভাগীদার্ অ।

মথি লেখ্যে গম্ হবর্ 25:23

সেক্কে তা গিরোজ্‌সো তারে কলঅ, গম্ কাম গোজ্যস্। তুই গম্ আর বিশ্বেজি চাগর্। তুই কম পৌইদ্যেনে বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মর্ হুজির্ ভাগীদার্ অগি।

রোমীয় 12:11

গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ।

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।

১ শমূয়েল 16:21

দায়ূদে শৌলর ইদু এইনে তা কামত্‌ অদে অদে থেলঅ। শৌল তারে অমহদ কোচ্‌পা ধুরিলো আর তে শৌলর এক্কো বন্দুক বোইয়্যে অলঅ।

১ শমূয়েল 17:31

দায়ূদে যিয়েনি কোইয়্যে সিয়েনি অন্যগুনে শুনিনে শৌলরে জানেলাক্। সেক্কে শৌল তারে ডাগিবাত্তে পাদেল।