গম্ উপদেজ্ 22:23 - Chakma Bible

²³ কিত্তে লগেপ্রভু মাম্‌লাত্ তারার তপ্পে নিবো, আর যিগুনে তারা জিনিসছানি কাড়ি নেযান্ তে তারা পরাণান্ কাড়ি নিবো।

গম্ উপদেজ্ 22:23 ပူးပေါင်းရင်းမြစ်များ

গীতসংহিতা 103:6

লগেপ্রভু যগাজ্যে কাম গরে; তে গমেডালে অত্যেচারিগুনোর বিচের গরে।

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 12:6

লগেপ্রভুর কধাত্ ভেজাল্ নেই; সিয়েন্ যেন আগুন্দোই পুজ্যে রুবো, সাত্পল্লা গুরি শুদ্ধো গোজ্যে রুবো।

গীতসংহিতা 140:12

মুই হবর্ পাং লগেপ্রভু দুঘিমানুচ্চুনোর্ তপ্পে রায় দিবো আর নাঢা মানুচ্চুনোত্তে দোল্ বিচের গুরিবো।

গীতসংহিতা 140:13

গম্ মানুচ্চুনে হামাক্কাই তরে বাঈনী গুরিবাক্, আর যিগুনে দোল্ মনর্ মানুচ্ তারা তঅ মুজুঙোত্ বজত্তি গুরিবাক্।

গীতসংহিতা 35:1

ও লগেপ্রভু, যিগুনে মর্ বিপক্ষে তুইয়ো তারার্ বিপক্ষে থাগ্; যিগুনে মঅ বিরুদ্ধে যুদ্ধো গরন্ তুইয়ো তারা বিরুদ্ধে যুদ্ধো গর্।

গীতসংহিতা 35:10

মর্ কিয়্যেগানে সেক্কেনে কবদে, “ও লগেপ্রভু, আর কন্না আগে তঅ ধোক্ক্যেন্? তুয়ই দঅ দুখি মানুচ্চুনোরে উদ্ধোর গরচ্ তারার্ শত্রুগুনোর্ আঢত্তুন্ যিগুনে তারাত্তুনো বেশ্ বোলী; যিগুনে লুদোন্ তারা আঢত্তুন্ তুই দুখি আর নেইয়্যে মানুচ্চুনোরে উদ্ধোর্ গুরি থাচ্।”

গীতসংহিতা 43:1

ও গোজেন, তুই উজিত্ মজিম বিচের গর্, আর এ ভোক্তিনেইয়্যে জাদ্‌‌তুনোর বিরুদ্ধে মর্ পক্ষ ওইনে কধা কঅ; দগাবাজ্ আর পাজি মানুচ্চুনোর আঢত্তুন্ তুই মরে বাঁজা।

গীতসংহিতা 68:5

গোজেনে তার পবিত্র থেবার জাগানত্ মা-বাপ নেইয়্যেগুনোর বাপ্ আর রানিমিলেগুনোর পক্কে গুজিলোইয়্যে।

যাত্রা 22:22

“কনঅ‌ রানিমিলেরে বা কনঅ মা-বাপ্‌ নেইয়্যে পূঅরে বা ঝিরে দুখ্‌ ন-দুয়ো।”

যাত্রা 22:23

যুনি সিয়েন গরঅ‌ আর তে মইদু এইনে কানে সালে হামাক্কায়্‌ মুই তার্‌ কানানিগান শুনিম।

গম্ উপদেজ্ 21:7

পাজিগুনোর অমকদ অত্যেচার তারারে ভস্ত ইন্দি টানি নেযায়, কিত্তে তারা গমেডালে চলিবাত্তে অস্বিগের্ গরন্।

গম্ উপদেজ্ 23:11

কিত্তে তারার্ উদ্ধোর্ গুরিয়্যেবো খেমতাবলা; তে তঅ বিরুদ্ধে মগদ্দমাত্ কুদুম্মো ইজেবে তারার তপ্পে নিবো।

যিশাইয় 33:1

ও ভস্তগুরিয়্যে, তরে অভিশাব্ দুয়োং! তুই ভস্ত ন-ওইনেয়ো ভস্ত গোজ্যস্; তঅ উগুরে বেঈমানি গরা ন-অয় তো তুই বেঈমানি গোজ্যস্। ভস্তর্ কামানি থুম্ গুরিলে তরে ভস্ত গরা অবঅ; বেঈমানি গরানা থুম্ অলে তঅ উগুরে বেঈমানি গরা অবঅ।

যিরমিয় 30:16

“মাত্তর্ যিগুনে তরে শেজ্ গুরি দেদন্ তারারে বেক্কুনোরে শেজ্ গুরি ফেলা অবঅ; তর্ বেক শত্রুগুনে বন্দীদজাত্ যেবাক্। যিগুনে তরে লুদেয়োন তারারেয়ো লুদো অবঅ; যিগুনে তঅ জিনিস্‌চানি কাড়ি নেযাদন্ মুই তারা জিনিস্‌‌‌‌‌চানিয়ো কাড়ি নিবাত্তে দিম। মান্‌‌‌‌‌জ্যে তরে কবাক্, ‘ইয়েন সেই দূর্ গুরি দিয়্যে সিয়োনান যিয়েনরে কনজনে ন-তগান্, ‌

যিরমিয় 50:34

মাত্তর্ তারার উদ্ধোর্ গুরিয়্যেবো খেমতাবলা; তা নাঙান্ বেগত্তুন খেমতাবলা লগেপ্রভু। তে দরমরগুরি তারার তপ্পে ওকালতি গুরিবো যেনে তারার দেজত্ শান্তি আর বাবিল আদাম্মেগুনোত্তে অশান্তি আনি পারে।”

যিরমিয় 51:36

সেনত্তে লগেপ্রভু কত্তে, ও যিরূশালেম, মুই তর্ তপ্পে ওম্ আর তর্ ওইনে হেনা সুজিম্; মুই তা সাগরান শুগেই ফেলেম আর বেক্ পয়নালাগুন শুগুনো বানেম।

মীখা 7:9

ইক্কিনে আমি লগেপ্রভুর রাগ্‌কান বুওর্, কিত্যেই আমি তা বিরুদ্ধে পাপ গোজ্যেই, মাত্তর্ যেরেদি তে আমা তপ্পে কধা কোইনে আমা অধিকারানি থিদেবর্ গুরিবো। তে আমারে পহ্‌রত্ নিগিলেই আনিবো আর আমি তার্ ন্যায়বিচের্ দেগিবোং।

হবক্‌‌‌‌কূক 2:8

তুই ভালোক্ জাদর্ ধন-সোম্বোত্তিগানি লুদেয়োচ্ বিলি সেই বেক্ জাদর্ বাঁজি থেইয়্যে মানুচ্চুনে তর্ ধন-সোম্বোত্তিগানি লুদেবাক্। ইয়েনর্ কারনান্ অলঅ, তুই মান্‌জ্যর লো ঝোরেয়োচ্; তুই নানান্ দেজ্, শঅর্ আর সিয়েনি ভিদিরে বেক্ মানুচ্চুনোরে অত্যেচার গোজ্যস্।

মালাখি 3:5

বেগত্তুন্ খেমতাবলা লগেপ্রভু কত্তে, সেক্কে মুই বিচের্ গুরিবাত্তে তমা ইদু এইম্; সে অক্তত্ যাদুগুরিয়্যেগুন, বেশ্যেমিগুরিয়্যেগুন, মিজে সাক্ষীদিয়্যেগুন আর যিগুনে চাগরুনোরে ঠগান্, যিগুনে রানি মিলেগুনোরে আর মা-বাপ্ নেইয়্যেগুনোরে অত্যেচার গরন্ আর বিদেশীগুনোরে ন্যায়বিচের্ পেবাত্তে ন-দুয়োন, অত্তাৎ যিগুনে মরে ন-দরান্ তারা বেক্কুনো বিরুদ্ধে মুই সাক্ষী দিবাত্তে দেরি ন-গুরিম।

১ শমূয়েল 24:12

লগেপ্রভুই যেনে মর্‌ আর তর্‌ বিচের্‌ গরে আর মঅ উগুরে তুই যে অন্যেয় গোজ্যচ্‌ সিয়েনর ফল দে; তো মুই তঅ বিরুদ্ধে আঢ্ ন-তুলিম।

১ শমূয়েল 24:15

লগেপ্রভুই যেনে বিচের্‌ গুরিনে মর্‌ আহ্‌ তর্‌ পৌইদ্যেনে রায় দে। তেয়ই যেনে মর্‌ কামানি দেগিনে মর্‌ পক্ষেন্দি থিয়্যেই আর তর্‌ আঢত্তুন্‌ মরে রোক্ষ্যে গরে।”

১ শমূয়েল 25:39

নাবলর্ মরাণার হবর্‌ পেইনে দায়ূদে কলঅ, “লগেপ্রভুর বাঈনী ওক্‌। তে নাবলর্ বিরুদ্ধে মর্‌ পক্ষেন্দি থিয়েইয়্যে, কিত্যে নাবলে মরে অগমান গোজ্যে, আর নাবলর্ অন্যেয়ানরে নাবল উগুরে ফিরেই দিয়্যে।” পরেন্দি দায়ূদে অবীমেলকরে লবার্‌ সল্লাগান্ তাইদু মানুচ্‌ পাধেই দিলো।