গম্ উপদেজ্ 22:16 - Chakma Bible

¹⁶ ধন পেবাত্তে যে মানুচ্চো নাঢা মান্‌জ্য উগুরে অত্যেচার গরে বা যে মানুচ্চো তাগোয়্যেগুনোরে দান গরে তারার দ্বিয়ো জনর্ অভাব অয়।

গম্ উপদেজ্ 22:16 ပူးပေါင်းရင်းမြစ်များ

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

গম্ উপদেজ্ 28:22

যে মানুচ্চো লুভি তে তাগোয়্যে অবাত্তে হিজে-হিচ্চ্যে বাজায়, মাত্তর্ তে হবর্ ন-পায় অভাব্‌পানে তাত্তে বাজ্জেই আঘে।

গম্ উপদেজ্ 28:3

যে নাঢা মানুচ্চুনোর নেতা নাঢা মানুচ্চুনো উগুরে অত্যেচার গরে তে এমন ঝড়র্ নালা ধোক্ক্যেন্ যিয়েনর পরেদি আর কনঅ খেত্‌‌খেত্তি ন-থায়।

উপদেশক 5:8

তঅ চাগালাত্ যুনি কনঅ নাঢা মান্‌জ্যরে অত্যেচার্ অদে দেগচ্ বা কনজনরে ন্যায়বিচের্ বা তার পেবার্ অধিকার ন-পাদে দেগচ্ মাত্তর্ ন-দোরেচ্, কিত্তে এক্কো কামগুরিয়্যে উগুরে দাঙর্ আর এক্কো কামগুরিয়্যে আঘে আর তারার্ দ্বিজন উগুরে আরঅ দাঙর্ দাঙর্ নেতা আগন্।

লূকে লেখ্যে গম্ হবর্ 16:24

সেক্কে তে রঅ ছাড়িনে কলঅ, বাবা অব্রাহাম, মরে দোয়্যে গর্। লাসাররে পাধেই দে যেন তে তা আঙুলো মাঢাগুন্ পানিত্ ভুরেইনে মঅ জিলান্ ঠান্ডা গরে। এই আগুনোত্ মুই অমকদ দুঘ্ পাঙর্।”

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।