গম্ উপদেজ্ 21:19 - Chakma Bible

¹⁹ কোল্ বাজেয়্যে আর বজং স্বভাবর মোগো লগে বজত্তি গরানাত্তুন্ ধূল্যেচরত্ যেইনে বজত্তি গরানা গম্।

গম্ উপদেজ্ 21:19 ပူးပေါင်းရင်းမြစ်များ

গম্ উপদেজ্ 19:13

বিবেচনা নেইয়্যে পুয়ো তা বাবর সর্বনাশর কারন অয়, আর কোজ্যে বাজেয়্যে মোগ্ টপ্ টপ্ গুরি ফুদো পড়েদে ধোক্ক্যেন্।

গম্ উপদেজ্ 21:9

কোল্ বাজেয়্যে মোগো লগে বজত্তি গরানাত্তুন্ বরং ছাদ উগুরে এক কনাত্ গায় গায় বজত্তি গরানা গম্।

গম্ উপদেজ্ 27:15

কোল্-কোজ্যে গুরিয়্যে মোগ্ আর ঝড় দিনোত্ টপ্ টপ্ গুরি পানি পড়ানা- দুনোগান্ এক্কুই।

গম্ উপদেজ্ 30:23

ঈচ্ গরা হেইয়্যে মিলে যেক্কেনে তে মোগোর্ অধিকার পায়, আর চাগরানিবো যেক্কেনে তে গিরোজ জাগায়ান পায়।

যিরমিয় 9:2

হায়, ধূল্যেচর-চাগালাত্ যেইয়্যেগুনোর থেবার জাগান ধোক্ক্যেন মর্ যুনি এক্কান জাগা থেদঅ! সালে মঅ মানুচ্চুনোরে ছাড়িনে মুই সিয়েনত্ যেই পারিদুং, কিত্তে তারা বেক্কুনে সিনেলী আর বেঈমানর দল।