গম্ উপদেজ্ 21:13 - Chakma Bible

¹³ যে মানুচ্চো নাঢা মানুচ্চুনোর কানানিলোই কানান্ ঢিবে দি রাগায়, তে যেক্কে নিজে কানিবো সেক্কেনে কনজনে সিয়েনি ন-শুনিবা।

গম্ উপদেজ্ 21:13 ပူးပေါင်းရင်းမြစ်များ

নহিমিয় 5:13

মঅ পোজাক্‌কানর্‌ মুজুঙোন্দিগান্‌ মুই ঝাড়িনে কলুঙ্‌, “যিগুনে এ সমক্‌কান্ রোক্ষ্যে ন-গুরিবাক্‌ গোজেনে তারারে পত্তিজনরে তারার্‌ ঘরানি আর সোম্বোত্তিত্তুন্‌ এধোক্কেন্‌ গুরিনে ঝাড়ি ফেলেব। এবাবোত্যে মানুচ্চুনোরে এধোক্কেন্‌ গুরিনে ঝাড়ি ফেলা অবঅ আর তারার্‌ বেক্কানি শেজ্‌ গরা অবঅ।” এ কধানি শুনিনে বেক্‌ মানুচ্চুনে কলাক্‌, “আমেন,” আর তারা লগেপ্রভুর বাঈনী গুরিলাক্‌। মুরুব্বী মানুচ্চুনে তারার্‌ শমক্‌ অনুসারে কাম্‌ গুরিলাক্‌।

ইয়োব 29:12

কিত্যে বল্ পেবাত্তে যে নাদা মানুচ্চুনে কানন্ আর যে বাপ-মা নেইয়্যেগুনোরে বলদিয়্যে কনজন ন-এলাক্, তারারে মুই রোক্ষ্যে গুরিদুং।

গীতসংহিতা 18:41

তারা বল্ পেবাত্তে রঅ ছাড়দন্, মাত্তর্ কনজনে তারারে রোক্ষ্যে গুরিবাত্তে ন-এজন্। তারা লগেপ্রভু ইদু রঅ ছাড়দন্, মাত্তর্ তেয়ো তারারে জোব্ ন-দে।

গীতসংহিতা 58:4

সাপ বিষো ধোক্ক্যেন তারার বিষ্‌ছানি; তারা যেন বহ্‌রা আজাব সাপ যে নিজো কানান্ ঢিবে দি রাগেয়্যে।

গম্ উপদেজ্ 1:28

“ভুল্ মানুচ্চুনে সেক্কে মরে ডাগিবাক্ মাত্তর্ মুই শমক্ ন-দিম; তারা মরে তোগেবাক্ মাত্তর্ মরে তোগেইনে ন-পেবাক্।

গম্ উপদেজ্ 28:27

যে মানুচ্চো নাঢা মান্‌‌জ্যরে দান গরে তার অভাব ন-অয়, মাত্তর্ যে তারারে দেগিনেয়ো ন-দেগেত্তে দগ্ থায় তে বোউত অভিশাব্ কুড়োয়।

মথি লেখ্যে গম্ হবর্ 6:14

তুমি যুনি অন্যগুনো দুষ্‌চানি খেমা গরঅ সালে তমা সর্গর্ বাপ্পো তমারেয়ো খেমা গুরিবো।

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

লূকে লেখ্যে গম্ হবর্ 13:25

ঘর গিরোজ্‌সো যেক্কে উদিনে দুয়োরান্ বানিবো সেক্কে তুমি বারেদি থিয়্যেইনে দুয়োরানত্ বাজ্জ্যেদে বাজ্জ্যেদে কবা, প্রভু, আমাত্যে দুয়োরান্ খুলি দে। মাত্তর্ তে তমারে এ জোব্‌পান দিবো, তুমি কুত্তুন্ এচ্চ্য মুই কোই ন-পারং।

প্রেরিত্‌ 7:57

ইয়েন্দোই তারা কানত্ আংগুল্ দিলাক্ আর রঅ ছাড়িনে একসমারে স্তিফান উগুরে ঝাবেই পল্ল্যাক্।

১ যোহন 3:17

এই জগদত্ হেইনে-উরিনে পিনিনে বাঁজি থাইদ্যে ধোক্ক্যেন অবস্থা যিবের্ আঘে, তে তার্ ভেইয়ুনোর অভাব দেগিনেয়ো যুনি চোগ্‌কুন নাঢি থায় সালে কেধোক্ক্যেন গুরি তা মনভিদিরে গোজেন উগুরে কোচ্‌পানা থেই পারে?