গম্ উপদেজ্ 21:12 - Chakma Bible

¹² ন্যায়বলা গোজেনে পাজি পরিবার মানুচ্চুনোরে চোগে চোগে রাগায় আরে তে পাজিগুনোরে ভস্ত গরে।

গম্ উপদেজ্ 21:12 ပူးပေါင်းရင်းမြစ်များ

পত্থম 19:29

এধোক্ক্যেনগুরি লোটে যিয়েনত্‌ বজত্তি গুরিদো গোজেনে সে সংজাগানর্ শঅরানি ভস্ত গুরিবার্‌ সলাবোত্‌ অব্রাহাম কধানি ভাবিনে লোটরে সিদুগোর দজাত্তুন্‌ সোরেই আনিলো।

ইয়োব 5:3

অজ্ঞানী মানুচ্চুনোরে মুই ভালেদি অদে দেগিলুং আর সেক্কেয়ই তা ঘরানরে অভিশাব্‌ বিলিনে ফগদাঙ্‌ গুরিলুং।

ইয়োব 8:15

তে যুনি তা উগুরে ভর্‌ দে সালে সিয়েন্‌ ভাঙি পুরিবো, যুনি তে সিয়েন্‌ আজাবোদে ধরে সালে সিয়েনে তারে ধুরি রাগেই ন-পারিবো।

গীতসংহিতা 107:43

যে জ্ঞানী তে ইয়েনি পৌইদ্যেনে মনযোগ দোক্ আর লগেপ্রভুর অমকদ কোচ্‌পানার পৌইদ্যেনে গমেডালে খিয়েল্ গোরোদোক্।

গীতসংহিতা 52:5

মাত্তর্ গোজেনে তরে উমরত্তে ভস্ত গুরিবো; তে তরে টানি আনিবো, তর্ তাম্বুলোত্তুন্ কারি আনিবো, জেদাগুনোর দেজত্তুন্ তরে উগুরে ফেলেব।

গম্ উপদেজ্ 13:6

গোজেন উগুরে ভোক্তি গম মানুচ্চুনোরে রোক্ষ্যে গরে, মাত্তর্ পাজি কামানিয়ে পাপিগুনোর দজা ঘদায়।

গম্ উপদেজ্ 14:11

পাজিগুনোর ঘরানি ভস্ত ওই যেবঅ, মাত্তর্ গম্ মানুচ্চুনোর তাম্বুলানি দাঙরত্তুন্ আরঅ দাঙর্ অবঅ।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

গম্ উপদেজ্ 29:16

পাজি মানুচ্চুন্ বাড়িলে পাপ বেজ্ অয়, মাত্তর্ গোজন ভক্ত মান্‌‌জ্যে তারার ভস্তগান দেগন্।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

আমোষ 4:11

মুই তমা গোজেন যেবাবোত্যেগুরি সদোম আর ঘমোরাগানরে ভস্ত গোজ্যং সেবাবোত্যেগুরি তমারে বোউত্ জনরে ভস্ত গুরিলুং। তুমি ওইয়ো আগুনোত্তুন্ তুলি লোইয়্যে জ্বোল্‌‌‌জোল্যে দার্‌‌‌বো ধোক্ক্যেন, তো তুমি মইদু ফিরি ন-এলা।

১ করিন্হীয় 10:5

তো গোজেনে সেই মানুচ্চুনো ভিদিরে বেশির্ ভাগ মান্‌জ্য উগুরে হুজী ন-এলঅ। সেনত্তে তারার্ মরা কিয়্যেনি ধূল্যেচর-চাগালাত্ পড়ি রলঅ।