গম্ উপদেজ্ 21:1 - Chakma Bible

¹ লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

গম্ উপদেজ্ 21:1 ပူးပေါင်းရင်းမြစ်များ

২ রাজাবলী 19:33

তে যে পথ্‌তানন্দি এচ্ছে সে পথ্‌তানন্দি ফিরি যেব; এ শঅরত্‌ তে নঅ-সোমেব। মুই লগেপ্রভু এ কধাগান্‌ কঙর্‌।

ইষ্রা 1:1

যিরমিয়রে দিইনে কোইয়্যে লগেপ্রভুর কধানি পূরোণ অবাত্যে পারস্যের রাজা কোরসর রাজাগিরির পত্তম্ বজরত্ লগেপ্রভু কোরসর মনত্ এমন আওজ্ দিলো যিয়েনত্যে তে তার্ বেক রেজ্যত্ মুুয়োদি আর লিগিনে এই ফগদাঙান্ গুরিলো:

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

ইষ্রা 6:22

সাত দিন সং তারা হুজিয়ে-রাজিয়ে সদানেইয়্যে রুটির পরব্ পালেলাক্। তারা হুজিয়ে ভর্‌‍‍‍‍‍পুণোং ওইয়োন, কিত্যে আসিরিয়ার রাজা যেনে ইস্রায়েলর গোজেনর্ ঘরর্ কামত্ তারারে সাহায্য গুরে সেনত্যে লগেপ্রভু তা মনান্ বুদুলি দিয়্যে।

নহিমিয় 1:11

ও প্রভু, কোজোলি গরঙ্‌, তর্‌ এ চাগর্‌বোর তবনালোই আর যিগুনে তর্‌ নাঙান্‌ ভক্তি গুরিনে ইদোত্‌ তুলোন্‌ তর্‌ সে চাগরুনোর্‌ তবনাগানি তুই শুনিচ্‌। তর্‌ চাগর্‌বোরে এচ্ছ্যে ফোলেই দে আর এ রাজাবো ইদু দোয়্যে-মেয়্যের্‌ মানুচ্চো গর্‌।” মুই রাজার আংগুর-রস ভাগগুরি দিয়্যে এলুঙ্‌।

নহিমিয় 2:4

রাজা মরে কলদে, “তুই কি চাজ্‌?” সেক্কে মুই স্বর্গর গোজেনর ইদু তবনা গুরিলুঙ্‌।

নহিমিয় 2:8

ইয়েনিবাদেয়ো তে যেনে তার্‌ ঝাড়-চুগিদিয়্যে আসফর ইদু এক্কান্‌ চিদি দে যেনে তে উবোসনা-ঘরর্‌ কায়-কুরে তাম্বুলানির গেদোর্‌ গাজ্‌ছানিত্তে আর শঅরর্‌ দেবাল আর মর্‌ থেবার্‌ ঘরত্তে মরে গাজ্‌ দে।”মঅ গোজেনর ভালেদির্ আঢ্‌তানি আমা উগুরে এলঅ বিলিনে রাজা মর্‌ বেক্‌ কোজোলিগানি রোক্ষ্যে গুরিলো।

ইষ্টের 2:17

অন্য মিলেগুনোত্তুন্‌ ইষ্টেররে রাজা বেশ্‌ কোচ্‌পেলঅ আর তে অন্য গাবুজ্যে মিলেগুনোত্তুন্‌ রাজার ইদু বেশ্‌ দোয়্যে-মেয়্যে আর কোচ্‌পানা পেলঅ। সেনত্তেই রাজা তা মাদাথ্‌ মুকুট পিনেই দিলো আর বষ্টীর জাগানত্‌ ইষ্টেররে রাণী বানেল।

গীতসংহিতা 105:25

তা মানুচ্চুনোর বিরুদ্বে তে শত্রুগুনোর মনত্ ঈচ্ গরানা জাগেই দিলো, সেক্কেনে তারা তা চাগরুনো সমারে চালাগি গুরিনে চলা ধুরিলাক্।

গীতসংহিতা 106:46

যিগুনে তারারে বান্ন্যন্ তারা ইদু তে তারারে দোয়্যে-মেয়্যেবলা বানেল।

গীতসংহিতা 114:3

সিয়েন দেগিনে লোহিত সাগরান্ ধেই গেলঅ, যর্দন গাঙানে গঙার্ ফিরেল;

গীতসংহিতা 114:5

ও সাগরান্, কি অলঅ তর্? কিত্তে তুই ধেই গেলে? ও যর্দনান, কিত্তে তুই গঙারান্ ফিরেলে?

গীতসংহিতা 74:15

তুই পয়নালা আর চিগোন ছড়াগানির পথ্‌‌‌তানি খুলি দুয়োচ্; ভালোক্ দিনোর বেই যেইয়্যে গাঙানি তুয়ই শুগেই ফেলেয়োচ্।

গীতসংহিতা 93:4

বান পানি গুজুরোনাত্তুন্, সাগর তুবোলত্তুন্ লগেপ্রভু খেমতাবলা, যিবে উগুরে আঘে।

যাত্রা 7:3

মাত্তর্‌ মুই ফরৌণ মনান্‌ একবাবোত্যে গুরি দিম যেনে মুই মিসর দেজত্‌ ভালক্কানি চিহ্নো দেগেই পারঙ্‌ আর আমক্‌ অবার কাম্‌ গুরি পারঙ্‌। তে কনবাবদে তমা কধা ন-শুনিবো। সেনত্যে মুই মিসর্‌ দেজ উগুরে আঢ্ দিম আর অমকদ সাজা-দিইনে মুই মঅ সৈন্যগুনোরে, অত্তাৎ মঅ মানুচ্ ইস্রায়েলীয়গুনোরে সে দেজত্তুন্‌ নিগিলেই আনিম।

গম্ উপদেজ্ 16:1

মান্‌জ্যে মনে মনে সল্লা গরন্, মাত্তর্ মুয়োন্দি সিয়েনি ফগদাং গুরিবার খেমতা লগেপ্রভুত্তুন্ এজে।

গম্ উপদেজ্ 16:9

মান্‌‌জ্যে মনে মনে নিজো পথ্‌তান পৌইদ্যেনে সল্লা গরন, মাত্তর্ তা টেঙ পোইদ্যেবো লগেপ্রভু চালায়।

গম্ উপদেজ্ 20:24

বীরমরত্তুনোর্ আঢিবার পথ্‌তানি যুনি লগেপ্রভু ঠিগ্ গুরি দে, সালে সাধারন মান্‌জ্যে তা নিজোর পথ্‌তান কেধোক্ক্যেন গুরি বুঝিবো?

যিশাইয় 43:19

চঅ, মুই এক্কান নুয়ো কাম গুরিবাত্তে যাঙর্। সিয়েন ইক্কিনে আরাম্ভ অবঅ আর সিয়েন তুমি হবর্ পেবা। মুই ধূল্যেচর চাগালা ভিদিরে পথ বানেম আর ধূল্যেচরত্ গাঙ বোজেই দিম।

যিশাইয় 44:27

মুই গভিন্ পানিগানরে কঙর্, ‘তুই শুগেই যাহ্; মুই তর্ গঙারানরে শুগেই ফেলেম।’

যিরমিয় 39:12

“তারে নিইনে তার দেগাশুনো গুরিবা; তার কনঅ খেতি ন-গুরিবা বরং তে যিয়েনি কবঅ সিয়েনি গুরিবা।”

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

ফগদাং পেইয়্যে 16:12

সে পরেদি ছ লম্বর স্বর্গদূত্‌তো বড়্‌গাঙ ইউফ্রেটিস উগুরে তা কদরাবো উবোত্ গুরিলো। সেক্কে পুগেদি দেজর্ রাজাগুনোর যেবার পধ্‌তান যুক্কোল অবাত্যে সেই গাঙান পানিগান শুগেই গেলঅ।

ফগদাং পেইয়্যে 16:4

যেরেদি তিন লম্বর স্বর্গদূত্‌তো গাঙান উগুরে আর পয়নালাবো উগুরে তা কদরাবো উবোত্ গুরিলো। সেক্কে সিয়েনি লো গাঙ্ আর পয়নালা ওই গেলঅ।