গম্ উপদেজ্ 20:7 - Chakma Bible

⁷ গোজেন ভক্ত মান্‌জ্যে গমেডালে চলে; বর্ পেইয়্যে তার বংশগুন!

গম্ উপদেজ্ 20:7 ပူးပေါင်းရင်းမြစ်များ

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

গীতসংহিতা 112:2

তা গুট্টিগুনে পিত্‌থিমীত্ খেমতাবলা অবাক্; মনানি যিবের দোল্ তা গুট্টিবো বর্ পেবঅ।

গীতসংহিতা 15:2

তেয়ই যগাজ্যে, যিবে গমেডালে জিংকানি কাদায়, গম কাম্ গরে, মনত্তুন্ সত্য কধা কয়,

গীতসংহিতা 26:1

ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 26:11

মাত্তর্ মুই গমেডালে আঢা-উদো গরং; মরে তারার্ আঢত্তুন্ উদ্ধোর্ গর্; আর মঅ উগুরে দোয়্যে গর্।

গীতসংহিতা 37:26

গোজেন ভক্তগুনে আমিঝে দোয়্যেলু অন্ আর উদোর্ দুয়োন্; তারার্ বংশধরুনে আশিদবাদ্ পেবাক্।

গম্ উপদেজ্ 13:22

গম্ মান্‌জ্যে তা নাদিন-পুদিনুনোত্তে অধিকার থোই যায়, মাত্তর্ পাপীগুনো ধনানি গোজেন ভক্তগুনোত্তে থুবো অয়।

গম্ উপদেজ্ 14:2

যে গমেডালে চলে তে লগেপ্রভুরে ভোক্তিগুরিনে দরায়, মাত্তর্ যে বেঙা পধেদি আঢে তে তারে ঈচ্ গরে।

গম্ উপদেজ্ 14:26

লগেপ্রভু উগুরে ভোক্তিবলা দরত্তুন্ দোল্ আজা এজে আর তা ঝি-পুয়োগুনোত্তে আশ্রয়র জাগা থায়।

গম্ উপদেজ্ 19:1

যে বিবেচনা নেইয়্যে মানুচ্চো বেঙা-টেরা কধা কয় তাত্তুন্ সেই নাঢা মানুচ্চো গম্ যে গমেডালে আঢাউদো গরে।

যিশাইয় 33:15

তেয়ই বজত্তি গুরি পারে, যে মানুচ্চো গমেডালে আঢাউদো গরে আর যিয়েন ঠিগ্ সিয়েন কয়, যে মানুচ্চো জুলুম গুরিনে লাভ্ পানাগান ঘিনাই আর ঘুষ্ নেযানাত্তুন্ আঢ্‌তান সোরেই রাগায়, যে মানুচ্চো খুনোর্ কুজুরোমির্ কধা শুনোনাত্তুন্ কানানি নাঢি রাগায় আর বজং কাম গরদে দেগানাত্তুন্ চোগ্‌‌‌‌‌কুন নাঢি রাগায়। ‌‌

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।