গম্ উপদেজ্ 20:3 - Chakma Bible

³ কোল্-কোজ্যে ন-গরন্দে মানুচ্চুনে সর্মান পান্; যিগুনোর বিবেক্ বাজে ধরনর্ তারা বেক্কুনে কোল্-কোজ্যে গুরিবাত্তে যুক্কোল্ থান্।

গম্ উপদেজ্ 20:3 ပူးပေါင်းရင်းမြစ်များ

পত্থম 13:7

সেনত্তে অব্রাম আর লোট য়েমান চোরেয়্যেগুনো ভিদিরে কোল্-কোজ্যে দেগা দিলো। সিয়েনবাদে সে অক্তত্‌ কনানীয় আর পরিষীয়গুনেয়ো সে দেজত্‌ বজত্তি গুরিদাক্।

পত্থম 13:8

সেক্কে অব্রাম লোটরে কলঅ,“চাহ্‌, আমি দ্বিজনে সদর্‌ কুদুম্মো। সেনত্তে আমা ভিদিরে আর আমা য়েমান চোরেয়্যেগুনো ভিদিরে কনঅ কোল্‌-কোজ্যে ন-অনা উচিত্‌।

২ রাজাবলী 14:9

মাত্তর্‌ ইস্রায়েলর রাজা জোবত্‌ যিহূদার রাজারে কোই পাদেল, “লেবাননর এক্কো লাজুরিকাদা লেবাননরঅ এরস গাজ ইদু কোই পাদেল, ‘মঅ পুয়োবো লগে তঅ ঝিবোরে বৌ দে।’ সে পরেন্দি লেবাননর এক্কো ঝার্‌বো য়েমান্‌ এইনে সে লাজুরিকাদাবোরে টেঙোই উরি দিলো।

গম্ উপদেজ্ 14:17

বদমেজাজি মানুচ্ ভুলো ধোক্ক্যেন কাম গরন, আর কুজুরোমি গুরিয়্যেবোরে বেক্কুনে ঘিনান্।

গম্ উপদেজ্ 14:29

যে মানুচ্চো এনেবাদে রাগ্ ন-গরে তে বুদ্ধিবলা, মাত্তর্ যে মানুচ্চো অদাদৎ রাগ্ তুলে তে ভুলান্ ফগদাং গরে।

গম্ উপদেজ্ 16:32

যে সহজে রাগ ন-গরে তে যোদ্ধাত্তুন্অ গম্; যে শঅর্ জিদি নেযায় তাত্তুন্‌অ বেশ্ যে নিজোরে দোঙেই রাগায় তে গম্।

গম্ উপদেজ্ 17:14

কোল্-কোজ্যে বাজানা গদা ভাঙি যেইয়্যে পানি ধোক্ক্যেন্, সেনত্তে তর্কাতর্কি গুরিবার আগেদি সিয়েন বাদ দুয়ো।

গম্ উপদেজ্ 18:6

জ্ঞান নেইয়্যেবোর কধালোই মগদ্দমা অয়, আর তা কধানিত্তে তাত্তুন্ মার্ হা পড়ে।

গম্ উপদেজ্ 19:11

যে মানুচ্চোর বুদ্ধি আঘে সে বুদ্ধিগানে তারে সহজে রাগ গুরিবাত্তে ন-দে; তা বিরুদ্ধে কনজনে দুষ্ গুরিলে সিয়েন ন-ধরানা তা পক্ষে বাঈনী গরে পারা।

গম্ উপদেজ্ 21:24

বাড়্‌বো গুরিয়্যে আর অহংকারগুরিয়্যে মান্‌জ্যর নাঙান অলঅ “ঠাট্টা-মশ্‌কারিগুরিয়্যে”; তে অমকদ বাড়্‌বো গুরিনে কাম গরে।

গম্ উপদেজ্ 26:17

পধেদি যাদে যাদে যে মানুচ্চো অন্যজনে কোল্ বাজাদে নিজে নাগ্ গলায়, তে এমন্ মান্‌জ্য ধোক্ক্যেন যে কুগুরো কান্ ধরে।

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।

যাকোব 3:14

মাত্তর্ তমা রিবেঙানি যুুদি ইংসেলোই ভুরি উদে আর নিজো লুভে ভরা থায় সালে জ্ঞানর্ দেমাগ্ ন-দেগেয়ো, সত্যগানরে মিজে ন-বানেয়ো।

যাকোব 4:1

তমা ভিদিরে কোল্-কোজ্যে আর মারামারি কুত্তুন্ এজে? যেদক্কানি কামনা-বাসনা তমা কিয়্যে ভিদিরে যুদ্ধো গরে সে ভিদিরেত্তুন্ কি সিয়েনি নিগিলি ন-এজে?