গম্ উপদেজ্ 20:27 - Chakma Bible

²⁷ মান্‌জ্যর আত্মাগান্ অলঅ লগেপ্রভুর চেরাগ; সিয়েন মান্‌জ্য মনর্ গভীনোত্ তোগেই চাই।

গম্ উপদেজ্ 20:27 ပူးပေါင်းရင်းမြစ်များ

পত্থম 2:7

পরেদি লগেপ্রভু গোজেনে মাদিলোই এক্কো মরদ্‌ মানুচ্‌ বানেল আর তা নাগত্‌ ফুন্‌ দিইনে তা ভিদিরে পরাণান্‌ ভোরেই দিলো। সেক্কে সে মানুচ্চো এক্কো জেদা প্রাণি অলঅ।

ইয়োব 32:8

সত্যি মান্‌জ্য ভিদিরে আত্মা আঘে, আর বেগত্তুন্ খেমতাবলা গোজেনর নিজেসে তারে বুঝিবার বল্ দিয়্যে।

গম্ উপদেজ্ 20:28

বিশ্বেজ্ আর সততাগানে রাজারে গমেডালে রাগায়; বিশ্বেজ্‌ছোই তা সিংহাসনান থির্ থায়।

গম্ উপদেজ্ 20:30

অমকদ মের্ হেলে ভান্ন্যেয়ানি যায়, আর মনত্ দুঘ্ পেলে মনর্ গভীন্ জাগায়ানি সাংসাঙে ওই যায়।

রোমীয় 2:15

ইয়েনত্ দেগা যায়, রীদি-সুদোম মজিম যিয়েন গরানা উজিত্ সিয়েন তারা মনত্ লেগা আঘে। তারার্ বিবেক্-অ সেই এক্কুই সাক্ষ্য দে। তারার্ চিন্তেগানিয়ে কনঅ কনঅ সময় তারারে দুষী গরে, আরঅ কনঅ কনঅ সময় তারা পক্ষেয়ো থায়।

১ করিন্হীয় 2:11

মান্‌জ্য ভিদিরে এমন্‌ কন্না আঘে, যে অন্য মান্‌জ্যর্ মন কধা কোই পারে? মান্‌জ্য ভিদিরে যে আত্মাগান্ আঘে তেয়ই বানা তার্ নিজোর্ মনর্ কধা কোই পারে। সে বাবোত্যে, গোজেনর্ আত্মা বাদে গোজেনর্ মন কধা অন্য কনজনে কোই ন-পারন।