গম্ উপদেজ্ 20:2 - Chakma Bible

² রাজার রাগ্‌কান সিংহ গুজুরোনি ধোক্ক্যেন্; তারে যে রাগ্ তুলি দে তে নিজো পরানানরে দজাত্ ফেলায়।

গম্ উপদেজ্ 20:2 ပူးပေါင်းရင်းမြစ်များ

১ রাজাবলী 2:23

ইয়েনর্ পরেন্দি রাজা শলোমন লগেপ্রভুর নাঙে শমক্‌ খেইনে কলদে, “এ কোজোলিগানত্তে যুনি আদোনিয়র পরাণান নেযা ন-অয় সালে লগেপ্রভু যেনে মরে সাজা দে, আর সিয়েন জদবদেগুরিনে দে।

১ রাজাবলী 2:24

যিবে মঅ বাপ দায়ূদোর সিংহাসনত্‌ মরে দরমর গুরিনে থিদেবর্ গুরি দিয়্যে আর তার এগেম্ মজিম্ মত্তে এক্কো রাজবংশ থিদেবর্ গোজ্যে সেই জেদা লগেপ্রভুর নাঙে কঙর্‌, এচ্চ্যে আদোনিয়রে মারে ফেলা অবঅ।”

গম্ উপদেজ্ 19:12

রাজার রাগ্‌কান সিংহ গুজুরোনি ধোক্ক্যেন্, মাত্তর্ তা দোয়্যেগান যেন ঘাস উগুরে পোজ্যে শিরোপানি।

গম্ উপদেজ্ 8:36

মাত্তর্ যে মরে ন-পায় তে নিজোরে ক্ষতি গরে; যিগুনে মরে ঘিনেন্ তারা বেক্কুনে মরণানরে গমপান্।”

উপদেশক 10:4

শাজন্‌গুরিয়্যেবো যুনি তঅ উগুরে রাগ্ গরে তো তুই তঅ পোজিশনান্ ন-ছাড়িচ্; শান্তভাব থেলে দাঙর্ দাঙর্ অন্যেয়অ খেমা গরা যায়।

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

আমোষ 3:8

সিংহবো গুজুরিলে কন্না ন-দোরেব? প্রভু লগেপ্রভু কবাত্তে কলে কন্না ভাববাদী ইজেবে কধা ন-কোই পারিবো?

হবক্‌‌‌‌কূক 2:10

তুই ভালোক্ জাদরে ভস্ত গুরিনে নিজো পরিবার উগুরে লাজানাগান আন্যস্ আর বাঁজিবার অধিকারান্ আরেই ফেলেয়োচ্।

গণাণা 16:38

পাপ গুরিবার্‌ কারনে যিদুক্কুন মানুচ্‌ মুরি যেইয়োন পৌইরেগর্‌ কদরাগুন্‌ তারার। মাত্তর্‌ সিগুন্‌ লগেপ্রভুর মুজুঙোত্‌ আঝিল্ গরা ওইয়্যে বিলিনে সিগুন্‌ তাঁর নাঙে যুুদো গরা ওইয়্যে। সেনত্তে তুমি সিগুন্‌ পিদেনেই চাগা গুরিনে সিগুন্দোই পূজোবো নাঢি দুয়ো। ইয়েন্‌ যেনে ইস্রায়েলীয়গুনো ইদু এক্কান চিহ্নো ওই থায়।”