গম্ উপদেজ্ 2:9 - Chakma Bible

⁹ যুনি তুই মঅ কধাগান শুনোচ্, সালে বুঝি পারিবে কুবোন্ যগাজ্যে, দোল্ আর গম আর বুঝি পারিবে ভালেদির্ বেক পধ্‌তানি;

গম্ উপদেজ্ 2:9 ပူးပေါင်းရင်းမြစ်များ

গীতসংহিতা 119:105

তর্ কধানি মর্ পধ দেগেবার বাত্তি, মর্ আঢিবার পধ্‌তান পহর্।

গীতসংহিতা 119:99

মর্ বেক মাস্তরুনোত্তুন্ বেশ্ মুই জ্ঞানবলা, কিত্তে তর্ বেক কধানিলোই মুই ধ্যান গরং।

গীতসংহিতা 25:12

কন্না সেই মানুচ্চো, যে লগেপ্রভুরে ভোক্তি গরে? কন্ পথ্‌তান্ তাত্তুন্ বেঈ নেযা পড়িবো সিয়েন তুই তারে দেগেই দিবে।

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গম্ উপদেজ্ 28:5

বজং মানুচ্চুনে ন্যায়বিচের পৌইদ্যেনে ন-বুঝোন্, মাত্তর্ যিগুনে লগেপ্রভুর আওজ্ মজিম্ চলন্ তারার গম-ভান্ন্যেই বুঝিবার খেমতা আগে।

গম্ উপদেজ্ 4:12

সেনত্তে আঢিবার অক্তত্ টেঙান বাড়াদে কনঅ অসুবিধে ন-পেবে, দাবা দিবার অক্তত্ উজোত্ ন-হেবে।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

গম্ উপদেজ্ 8:20

মুই ন্যায়র পধেদি চলং, ন্যায়বিচেরর পথ্‌তান্ ধুরি চলং।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 48:17

লগেপ্রভু, তমা উদ্ধোরগুরিয়্যে, ইস্রায়েলর সেই সুদ্ধো-সাংগ মানুচ্চো এ কধাগান কোইয়্যেদে, “মুই তমা গোজেন লগেপ্রভু; তমা উপকারত্তে মুই তমারে শিক্ষ্যে দুয়োঙ্। যে পধেদি তমাত্তুন্ চলা পুরিবো মুই সে পধেদি তমারে চালাং।

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।