গম্ উপদেজ্ 2:6 - Chakma Bible

⁶ কিত্তে লগেপ্রভু গম বুদ্ধি দান গরে, তা মুয়োত্তুন্ জ্ঞান আর বিচের বুদ্ধি নিগিলি এজে।

গম্ উপদেজ্ 2:6 ပူးပေါင်းရင်းမြစ်များ

১ রাজাবলী 10:24

গোজেনে শলোমনর্‌ মনানত্‌ যে জ্ঞানান্‌ দিয়্যে সে জ্ঞানবলা কধা বাত্তানি শুনিবাত্তে পিত্তিমীর বেক্‌ দেজর্‌ মানুচ্চুনে তা লগে দেগা গুরিবাত্তে চেট্ট্যা গুরিদাক্‌।

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

১ রাজাবলী 3:9

সেনত্তে তঅ মানুচ্চুনোরে শাজন্ গুরিবাত্তে আর কুবোন্‌ ঠিগ্ বা কুবোন্‌ ভুল সিয়েনি জানিবাত্তে তুই তঅ চাগর্‌বোর্‌ মনানত্‌ বুঝিবার খেমতা দে; কিত্যে কার সাধ্য আঘে তর্‌ এ দাঙর্‌ জাদ্‌তোরে শাজন্ গরে?”

১ রাজাবলী 4:29

গোজেন শলোমনরে সাগর পার ধূল্যেকণা ধোক্ক্যেন বোউত্‌ জ্ঞান, বিচের্‌বুদ্ধি আর বুঝিবার খেমতা দান গুরিলো।

১ বংশধর 22:12

লগেপ্রভু তঅ উগুরে যেক্কেনে ইস্রায়েলর শাজন্ গুরিবার্ ভারান্‌ দিবো সেক্কে যেনে তে তরে বুদ্ধি-বিবেচনা আর বুঝিবার বলান্‌ দে যেনে তুই তর্‌ গোজেন লগেপ্রভুর রীদি-সুদোম মানিনে চলি পারচ্‌।

ইষ্রা 7:25

ও ইষ্রা, গোজেনর্ বেপারে তর্ যে জ্ঞানান্ আঘে সেই মজিম্ তুই ইউফ্রেটিস গাঙর্ পোজিম্ পারর্ বেক মানুচ্চুনোরে বিচেরত্যে এমন কামগুরিয়্যে আর বিচেরক্ নেযেবে যিগুনে তর্ গোজেনর্ দিয়্যে রীদি-সুদোম জানন্। যিগুনে সিয়েনি ন জানন্ তুমি তারারে সিয়েনি শিক্ষ্যে দিবা।

নহিমিয় 7:5

যেরেন্দি গোজেনে মর্‌ মনানত্‌ আওজ্ দিলো যেনে মুই মুরুব্বীগুনোরে, নেতাগুনোরে আর নাদা মানুচ্চুনোরে এগত্তর্‌ গুরিনে তারার্‌ বংশ-নাঙানি লিগি পারং। যিগুনে পত্তমে ফিরি এচ্ছ্যন্‌ সে মানুচ্চুনোর্‌ বংশ-নাঙানি পেলুঙ্‌। সিয়েনত্‌ যিয়েনি লেগা এলঅ সিয়েনি অলদে:

ইয়োব 12:13

মাত্তর্‌ জ্ঞান্‌ আর বলান্‌ গোজেনর; সল্লা আর বুদ্ধি তার্‌।

ইয়োব 12:16

বল্‌ আর জ্ঞানান তার্‌; যিবেরে ছলনা গরা ওইয়্যে আর যিবে ছলনা গরে তারা দ্বিজনে তা আধত্‌ তলে।

ইয়োব 22:22

তা মুয়োত্তুন্‌ উপদেজ্ মানি লঅ, আর তা কধাগান্‌ তঅ মনত্‌ রাগা।

ইয়োব 32:8

সত্যি মান্‌জ্য ভিদিরে আত্মা আঘে, আর বেগত্তুন্ খেমতাবলা গোজেনর নিজেসে তারে বুঝিবার বল্ দিয়্যে।

গীতসংহিতা 119:104

তর্ সুদোমানিত্তুন্ মুই বিচেরবুদ্ধি পাং, সেনত্তে মুই বেক্ মিজে পধেন্দি যানাগান ঘিনাং।

গীতসংহিতা 119:34

মরে বুঝোনা খেমতাগান দে, যেনে মুই তর্ উগুম মজিম চলি পারং আর মন দিইনে সিয়েনি পালেই পারং।

গীতসংহিতা 119:98

তর্ বেক উগুমানি মঅ শত্রুগুনোত্তুন্ বেশ্ মরে চালাগ্ বানায়, কিত্তে সিয়েনি নিত্য মঅ সমারে সমারে আঘে।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

গীতসংহিতা 19:8

লগেপ্রভুর বেক্ সুদোমানিয়ে উজু পধেদি চালায় আর মনানরে হুজি রাগায়। লগেপ্রভুর উগুমান খাটি, সিয়েনে মনানরে ফোট্‌‌ফোট্যে রাগায়।

গীতসংহিতা 51:6

তুই মনান ভিদিরে সত্যগান দেগিবাত্তে চাজ্; তুয়ই মর্ মনানর্ গভীনোত্ জ্ঞানান্ দে।

গীতসংহিতা 94:10

যিবে বেক জাদ্‌তুনোরে শাজন্ গরে আর মান্‌জ্যরে শিক্ষ্যে দে তে কি সাজা ন-দিইনে থেবঅ?

যাত্রা 31:3

মুই এই বৎসলেলরে গোজেনর্‌ আত্মালোই পরিপূরোণ গোজ্যং। মুই তারে জ্ঞান, বুদ্ধি, অভিজ্ঞতা আর নানান্‌ বাবত্যে কালিগরি কামর্‌ খেমতা দিইনে রাগেয়োং।

গম্ উপদেজ্ 6:23

কিত্তে এ উগুমানি চেরাগ ধোক্ক্যেন, এ শিক্ষ্যেগানি পহর্ ধোক্ক্যেন্, আর অমকদ গেইল্ দিইনে শাজন্ গরানা অলঅ জিংকানির পথ্‌তান।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

যিশাইয় 54:13

তর্ বেক পুয়োগুন্ লগেপ্রভুর শিচ্চ্য অবাক্ আর তঅ পুয়োগুনোর্ জদবদে ভালেদি অবঅ।

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

দানিয়েল 1:17

এ চের্‌জন গাবুজ্যেরে নানান্ বাবোত্যে সাহিত্য আর বিদ্যেদি জ্ঞানবান গুরিবার আর বুঝিবার খেমতা দিলো; আর দানিয়েলে নানান্ বাবোত্যে দর্শন আর স্ববন পৌইদ্যেনে বুঝি পারিদো।

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

দানিয়েল 2:23

ও মর্ পূরোণি মানুচ্চুনোর গোজেন, মুই তরে ভালেদি জানাং, তরে বাঈনী গরং, কিত্যে তুই মরে জ্ঞান আর খেমতা দুয়োচ্; আমি তইদু যিয়েনি জানিবাত্তে চেইয়্যেই সিয়েনি তুই মরে জানেয়োচ্; রাজার স্ববন বিষয়ে তুই আমারে জানেয়োচ্।”

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

যোহন 6:45

ভাববাদীগুনোর্ বোইবোত্ লেগা আঘে, ‘তারা বেক্কুনে গোজেনত্তুন্ শিক্ষ্যে পেবাক্।’ যে কেঅ বাবত্তুন্ শুনিনে শিক্ষ্যে পেইয়্যে তেয়ই মইধু এজে।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।