গম্ উপদেজ্ 2:13 - Chakma Bible

¹³ যিগুনে আন্ধার পধেদি আঢিবাত্তে উজু পথ্‌তান্ বাদ দুয়োন,

গম্ উপদেজ্ 2:13 ပူးပေါင်းရင်းမြစ်များ

গীতসংহিতা 14:3

তে দেগিলোদে, বেক্কুনে গম পদত্তুন্ সুরি যেইয়োন্, বেক্কুনে একসমারে বজং ওই যেইয়োন; গম কাম্ গরন এবাবোত্যে কনজন নেই, একজনঅ নেই।

গীতসংহিতা 36:3

তারার্ মুয়ো কধানি বজং আর ছলনালোই ভরা; বুদ্ধিবলা ধোক্ক্যেন চলানা তারা বাদ দুয়োন্, আর বাদ দুয়োন্দে গম্ কাম গরানা।

গীতসংহিতা 82:5

শাজন্‌গুরিয়্যেগুনোর জ্ঞান আর বিচের বুদ্ধি বিলিনে কিচ্ছু নেই, তারা আন্ধারত্ ঘুরদন্; পিত্‌থিমীর বেক তলাগান গির্‌গিরের্।

গম্ উপদেজ্ 21:16

যে মানুচ্চো বুদ্ধিবলা পথ্‌তান ছাড়িনে অন্য কিত্তেদি যায় তে মরাগুনো লগে থেবঅ।

গম্ উপদেজ্ 4:19

মাত্তর্ পাজিগুনোর পথ্‌তানি গভীন আন্ধার ধোক্ক্যেন্; তারা হবর্ ন-পান কুবোন্দোই তারা উজোত্ হান।

যিশাইয় 59:8

তারা সুগ্-শান্দির পথ্‌‍‌‌‌‌তান হবর্ ন-পান্; তারা পদথ্ কনঅ ন্যায়বিচের নেই। তারা নিজো পথ্‌‍‌‌‌‌তান বেঙা-তেরা গোজ্যন্; যিগুনে সে পধেদি চলন তারা সুগ্-শান্দি কি সিয়েন হবর্ ন-পান।

যিহিষ্কেল 18:26

যুনি এক্কো গম্ মানুচ্ তা সততাত্তুন্ ফিরিনে পাপ গরে আর মরে, সালে তে তার্ পাপত্তে মুরিবো।

সফনিয় 1:6

যিগুনে লগেপ্রভুর পিজেদি চলানাত্তুন্ ফিরি যেইয়োন আর তার্ আওজ্ মজিম ন-চলন্ আহ্ তার্ আওজ্‌চান জানিবাত্তেয়ো ন-চান তারারে মুই শেজ্ গুরি দিম।”

যোহন 1:6

গোজেনে যোহন নাঙে এক্কো মান্‌‌জ্যরে পাধেয়্যে।

যোহন 12:35

যীশু তারারে কলঅ, “আর কয়েক্ দিনোত্তে পহ্‌রান্ তমা সমারে সমারে আঘে। পহ্‌রান্ তমা ইধু থাদে সময়োত্ আঢা মারঅ যেন আন্ধারানে তমারে জিদি ন-পারে। যে আন্ধারত্ আঢে তে কুদু যার্ সিয়েন হবর্ ন-পায়।

রোমীয় 1:21

মান্‌জ্যে তা পৌইদ্যেনে জানিবার্ পরেদিয়ো গোজেন ইজেবে তারে বাঈনীয়ো ন-গরন, আর ভালেদিয়ো ন-জানান্। তারার্ চিন্তেগানি বাজে ওই যেইয়্যে আর তারার্ বুদ্ধি-নেইয়্যে মনানি আন্ধারে ভুরি যেইয়্যে।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।