গম্ উপদেজ্ 19:28 - Chakma Bible

²⁸ পাজি সাক্ষিগুনে দোল্ বিচেরানি ঈচ্ গরন্; পাজিগুনে ভান্ন্যেই কামত্ থান।

গম্ উপদেজ্ 19:28 ပူးပေါင်းရင်းမြစ်များ

১ রাজাবলী 16:27

অম্রির অন্য বেক্‌ কামর কধানি আর যুদ্ধোত্‌ তার জিদেনার কধানি “ইস্রায়েলর রাজাগুনোর বিজগ্‌” নাঙে বোইবোত্‌ লেগা আঘে।

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

ইয়োব 15:16

সালে মানুচ্‌ যে অমকদ বজঙ্‌ আর পানি ধোক্ক্যেন্ বজঙানি খান্‌, তে কনমতে খাটি ওই ন-পারে।

ইয়োব 34:7

ইয়োব ধোক্ক্যেন কনজন আগন যিবে পানি ধোক্ক্যেন গুরিনে ঠাট্টা-তামাজা হেইয়্যে?

গীতসংহিতা 10:11

তে মনে মনে কয়, “ইন্দি গোজেনর্ খিয়েল্ নেই; তে মুয়োন্ ফিরেই আঘে, কনদিন্‌‌অ ন-দেগিবো।”

গীতসংহিতা 10:5

নিত্য তে ফলাইদে পধেদি উজেই যায়; তা চোখকুন্ তর্ শাজন্-বেবস্থাগানরে লাঘ্ ন-পায়, কিয়া সিয়েন্ বোউত্ উগুরে; তার্ বেক্ শত্রুগুনোরে তে ঈচ্ গরে।

গম্ উপদেজ্ 15:14

যিবের মনত্ বিচেরবুদ্ধি আঘে তে জ্ঞান তগায়, মাত্তর্ জ্ঞাননেইয়্যেগুনোর হানাগান অলঅ ভুল্ কামানি।

গম্ উপদেজ্ 16:27

চিগোন মন মানুচ্ বজং কাম গুরিবাত্তে কুজুরোমি গরে; তা কধাবাত্তানি পুড়ি দেদে আগুনো ধোক্ক্যেন্।

গম্ উপদেজ্ 19:27

মর্ পুয়োবো, যুনি তুই শাজন্ ন-মানচ্ সালে তুই জ্ঞানর শিক্ষ্যেত্তুন্ অন্যকিত্তেন্দি সুরি যেবে।

হোশেয় 4:8

মঅ মানুচ্চুনোর পাপর কারনে তারা লাভবান অন্ বিলিনে তারা মঅ মানুচ্চুনোরে পাপ গুরিবাত্তে উচ্চোমি দুয়োন্।