গম্ উপদেজ্ 19:26 - Chakma Bible

²⁶ যে পুয়োবো বাবঅ উগুরে অত্যেচার গরে আর মাবোরে ধাবেই দে, তে তারা উগুরে লাজানাগান্ আর অগমানান্ ডাগি আনে।

গম্ উপদেজ্ 19:26 ပူးပေါင်းရင်းမြစ်များ

গম্ উপদেজ্ 10:1

শলোমনর্ গম্ উপদেজ্। জ্ঞানীবলা পুয়ো বাবরে হুজি গরে, মাত্তর্ ভুল-বেদমা পুয়ো মাগুনো জিংকানিত্ দুগ্ আনন্।

গম্ উপদেজ্ 10:5

জ্ঞানীবলা পুয়ো হ্‍রান্যেত্ ফসল তুবেই রাগায়, মাত্তর্ লাজেয়্যে পুয়ো ফসল কাবিবার অক্তত্ ঘুমোত্ পুড়ি থায়।

গম্ উপদেজ্ 17:2

পরিবারত্ অসর্মান আনেদে পুয়োবো উগুরে বুদ্ধিবলা চাগর্‌বো সদ্দার্ অয়, আর ভেইয়ুনো সমারে তেয়ো সোম্বোত্তির্ ভাগ্ পায়।

গম্ উপদেজ্ 17:25

বিবেচনানেইয়্যে পুয়ো বাবর্ কাঙেলেত্যে অয়, আর যিবে তারে পেদত্ রাগেয়্যে তা মনান্ তে তিদে গুরি দে।

গম্ উপদেজ্ 19:27

মর্ পুয়োবো, যুনি তুই শাজন্ ন-মানচ্ সালে তুই জ্ঞানর শিক্ষ্যেত্তুন্ অন্যকিত্তেন্দি সুরি যেবে।

গম্ উপদেজ্ 28:14

যে মানুচ্চো অন্যেয় গুরিবাত্তে নিত্য দরায় তে বর্ পেইয়্যে, মাত্তর্ যে তার মনানরে চিৎ ন-পুজ্যে গরে আর অন্যেয় গুরিবাত্তে ন-দরায় তে দজাত্ পড়ে।

গম্ উপদেজ্ 28:24

যে কনঅ জনে মা-বাবঅ জিনিস চুর্ গুরিনে কন্দে, “ইয়েন অন্যেয় নয়,” তে ভস্ত গুরিয়্যেবোর্ সমাজ্যে।

গম্ উপদেজ্ 28:7

যে পুয়োবো সুদোমানি মানে তে বুদ্ধিবলা, মাত্তর্ যে পুয়োবো পেদুক্কুনোর সমাজ্যে তে তা বাব্‌‌পোর অসর্মান আনে।

গম্ উপদেজ্ 30:11

এবাবোত্যে বোউত্ মানুচ্ আগন্ যিগুনে এধোক্ক্যেন্- তারা বাবরে অভিশাব্ দুয়োন আর মাবোর্ মংগল ন-চান্,

গম্ উপদেজ্ 30:17

যে চোগ্‌‌কুনে বাবরে ঠাট্টা গরন্ আর মাবোর বাধ্য অবাত্তে ঈচ্ গুরিনে অস্বিগের্ গরন্, সে চোগ্‌‌কুন কলগ কবাগুনে কুদি কাদায় নিগিলে দিবাক্, আর শকুন ছঅগুনে সিগুন হেই ফেলেবাক্।

লূকে লেখ্যে গম্ হবর্ 15:30

মাত্তর্ তর্ এ পুয়োবো, যে বেশ্যে মিলেগুনো পিজেদি তর্ টেঙা-পোইজ্যেগুন্ উড়েই দিয়্যে, তে যেক্কে এলঅ তুই তাত্যে পক্তা-মক্তা গোরুছবো কাবিলে।