গম্ উপদেজ্ 19:25 - Chakma Bible

²⁵ ঠাট্টা-মশ্‌কারি গুরিয়্যেবোরে পিদিলে ভুল্ মানুচ্চো উজিয়ার অয়; বুদ্ধিবলারে সংশোধন গুরিলে তে জ্ঞান পেবঅ।

গম্ উপদেজ্ 19:25 ပူးပေါင်းရင်းမြစ်များ

গীতসংহিতা 141:5

এক্কো গোজেনভক্ত মান্‌জ্যে মরে আঘাত্ গোরোক্, সিয়েন অবঅ বিশ্বেজর্ কাম। তে মরে গেইল্ দোক্, সিয়েন অবঅ মঅ মাঢাত্ তেল দেদে ধোক্ক্যেন্; মঅ মাঢাবো সিয়েনরে এলাফেলা ন-গোরোক্। তো মর্ তবনাগানি নিত্য অন্যেইগুরিয়্যেগুনো কামানির বিরুদ্ধে থেবঅ।

গম্ উপদেজ্ 1:5

-জ্ঞানীগুনে এ উপদেজ্‌ছানি শুনোদোক্ আর শিক্ষ্যে পাদোক্, আর বুদ্ধিবলাগুনে শুনিনে পধেদি যাদে কাবিল্ ওদোক্-

গম্ উপদেজ্ 15:5

বাজে মান্‌জ্যে তা বাব শাজনানরে তুচ্চো গরে, মাত্তর্ উজিয়ার বলা মান্‌জ্যে সংশোধনর কধানি শুনে।

গম্ উপদেজ্ 17:10

জ্ঞাননেইয়্যে মান্‌জ্য ইদু চাবুগোর্ একশত্তান্ ঘা যেত্তমান্ ন-লাগে, একপল্লা গেইল্ হেলে বুদ্ধিমানর তাত্তুন্ বেশ্ লাগে।

গম্ উপদেজ্ 21:11

ঠাট্টা-মশ্‌কারি গুরিয়্যেবোরে সাজা দিলে ভুল্ মানুচ্চো জ্ঞান পায়; জ্ঞানীবোরে উপদেজ্ দিলে তে বুদ্ধি পায়।

গম্ উপদেজ্ 9:7

ঠাট্টা-ঈচ্ গুরিয়্যেবোরে যে ঠিগ্ গুরিবাত্তে যায় তে অগমান অয়; পাজি মানুচ্চুনোর দুজ্‌ছানি যে দেগেই দে তারে সে পাজি মানুচ্চো দুষি বানায়।

দ্বি’লম্বর বিররণ 13:11

সেক্কে ইস্রায়েলীয়গুনে বেক্কুনে সেই কধাগান শুনিনে দোরেবাক্‌ আর তমা ভিদিরে কনজনে আর এ ধোক্ক্যেন ভান্ন্যেই কাম্‌ ন-গুরিবাক।

দ্বি’লম্বর বিররণ 21:21

সেক্কে সিদুগোর্ বেক্‌ মরত্তুনে তারে পাত্তর্‌ মেলা দিইনে মারে ফেলেবাক। ইঙিরিনে তমা ভিদিরেত্তুন সে ভান্ন্যেইয়ানি শেজ্‌ গুরি দিয়্যে পুরিবো। সেক্কে ইস্রায়েলীয়গুনে বেক্কুনে এ কধাগান শুনিনে দোরেবাক্।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।