গম্ উপদেজ্ 19:23 - Chakma Bible

²³ লগেপ্রভু উগুরে ভোক্তিবলা দরানে পরিপূরোন জিংকানি ইন্দি নেযায়; যিবের সেই জিংকানিগান আঘে তে ভর্‌‌পুনোং থায়, কনঅ দযা তাইদু এই ন-পারে।

গম্ উপদেজ্ 19:23 ပူးပေါင်းရင်းမြစ်များ

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 19:9

লগেপ্রভু উগুরে যে ভোক্তিবলা দর্, সিয়েন্ সিজি আর জনমত্তে থিদেবর্ গোজ্যে। লগেপ্রভুর রীদি-সুদোমানি সত্য, সিয়েনত্ অন্যেয় কিজু নেই।

গীতসংহিতা 25:13

তে ভালেদির ভিদিরে তা জিংকানিগান্ কাদেব, আর তা বংশধরুনে দেজর্ গিরোজ্ অবাক্।

গীতসংহিতা 85:9

যিগুনে তারে ভোক্তি গরন ঘেচ্চেক্‌গুরি তার উদ্ধোর্ গুরিবার অক্তবো তারা ইদু এচ্চ্যে; সেক্কে তা মহিমাগান আমা দেজত্ বজত্তি গুরিবো।

গীতসংহিতা 90:14

নুয়ো গুরি তর্ অমকদ কোচ্‌পানালোই আমা আওজ্‌ছানি পুরেই দে, যেনে আমি হুজিয়ে গীদ্ গেই পারিই আর হুজিয়ে জিংকানি কাদে পারিই।

গীতসংহিতা 91:10

সেনত্তে তর্ কনঅ সর্বনাশ ন-অবঅ, তঅ ঘর উগুরে কনঅ আঘাত্ ন-পুরিবো;

গীতসংহিতা 91:16

বোউত্ আয়ুলোই মুই তারে হুজি গুরিম; মর্ উদ্ধোরর্ কামানি মুই তারে দেগেম।”

গম্ উপদেজ্ 10:27

লগেপ্রভু উগুরে ভোক্তিবলা দর্ থেলে আয়ু বাড়ায়, মাত্তর্ পাজিগুনোর আয়ুগানি কোমেই দিয়্যে অবঅ।

গম্ উপদেজ্ 11:19

যে গোজেন ভোক্তিলোই আঘে তে দোল্ জিংকানি পায়, মাত্তর্ যে ভান্ন্যেয়দি মনান্ দে তে নিজো মরণান ডাগি আনে।

গম্ উপদেজ্ 12:21

গোজেন ভক্ত মানুচ্চুনোর জিংকানিত্ অমংগল ন-অয়, মাত্তর্ পাজিগুনোর জিংকানিত্ অমংগলে ভরা থায়।

গম্ উপদেজ্ 19:22

মানুচ্ মান্‌জ্যত্তুন্ গম্ কোচ্‌পানা পেবাত্তে চায়; মিজে কধা কোইয়্যেবোত্তুন্ নাঢা মানুচ্চো গম্।

গম্ উপদেজ্ 22:4

নম্রগান আর লগেপ্রভু উগুরে ভোক্তিবলা দর্ ধন, সর্মান আর জিংকানি আনে।

গম্ উপদেজ্ 3:24

ঘুমেবার অক্তত্ তুই ন-দোরেবে, আর তঅ ঘুমান অবদে সুগোর্।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।

রোমীয় 8:28

আমি হবর্ পেই যিগুনে গোজেনরে কোচ্‌পান, অত্তাৎ গোজেনে নিজোর্ আওজ্ মজিম যিগুনোরে ডাক্ক্যে তারার্ ভালেদিত্তে বেক্কানি এক সমারে কাম্ গুরি যার্।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।