গম্ উপদেজ্ 19:21 - Chakma Bible

²¹ মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

গম্ উপদেজ্ 19:21 ပူးပေါင်းရင်းမြစ်များ

পত্থম 50:20

তুমি মর্ অমংগল চেইয়ো, মাত্তর্‌ গোজেনে সিয়েনর্ ভিদিরেদি মংগল গুরিবার সল্লা গোজ্যে যেন ভালোক্কুন মান্‌জোর্ পরাণ রোক্ষ্যে পায়; আর এচ্চ্যে সিয়েনোই অর্‌।

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

ইষ্টের 9:25

মাত্তর্‌ হামনর কুজুরোমিগানি যেক্কে রাজার কানত্‌ যেইয়্যে সেক্কে তে লিগিনে উগুম্‌ দিয়্যেগান্ যেনে যিহূদীগুনোর বিরুদ্ধে হামনে যে কুজুরোমিগান্ ফন্দি গোজ্যে সিয়েনি তার্‌ নিজো মাধাত্‌ পড়ে আর তারে আহ্‌ তা পূঅগুনোরে ফাসি দিয়্যে অয়।

ইয়োব 23:13

মাত্তর্ তে বেক্কানিত্ থির্ থায়, কনজনে তারে মানা গুরি ন-পারন্; তার্ যিয়েন হুজি তে সিয়েনই গুরিদো।

গীতসংহিতা 21:11

যুনিয়ো তারা তর্ বিরুদ্ধে শদানর্ কুজুরোমি আর ভান্ন্যেই চিন্তে গোজ্যন্, তো তারা সিয়েনিত্ ফোলেই ন-পারিবাক্;

গীতসংহিতা 83:4

তারা কদন্, “আদঅ, আমি জাদ্ ইজেবে তারারে শেজ্ গুরি দিই, যেন ইস্রায়েলর নাঙান্ আর কারঅ মনত্ ন-থায়।”

গম্ উপদেজ্ 12:2

গম্ মান্‌জ্যে লগেপ্রভু ইত্তুন্ দোয়্যে পায়, মাত্তর্ যে কুজুরোমি গরে লগেপ্রভু তারে দুষি বিলিনে ঠিগ্ গরে।

গম্ উপদেজ্ 16:1

মান্‌জ্যে মনে মনে সল্লা গরন্, মাত্তর্ মুয়োন্দি সিয়েনি ফগদাং গুরিবার খেমতা লগেপ্রভুত্তুন্ এজে।

গম্ উপদেজ্ 16:9

মান্‌‌জ্যে মনে মনে নিজো পথ্‌তান পৌইদ্যেনে সল্লা গরন, মাত্তর্ তা টেঙ পোইদ্যেবো লগেপ্রভু চালায়।

গম্ উপদেজ্ 19:22

মানুচ্ মান্‌জ্যত্তুন্ গম্ কোচ্‌পানা পেবাত্তে চায়; মিজে কধা কোইয়্যেবোত্তুন্ নাঢা মানুচ্চো গম্।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

উপদেশক 7:29

বানা ইয়েন্ মুই হবর্ পেলুং, গোজেনে মান্‌জ্যরে গমেডালে বানেয়্যে, মাত্তর্ মানুচ্ নানান্ বাবোত্যে চালাগিগুরি পিজেদি যেয়োন্দোই।

যিশাইয় 14:24

বেগত্তুন্ খেমতাবলা লগেপ্রভু শমক্ গুরি কোইয়্যেদে, “ঘেচ্চেকগুরি, মুই যেবাবোত্যেগুরি ঠিগ্ গোজ্যং সেবাবোত্যেগুরি ঘুদিবো, আর সিয়েন থির্ থেবঅ।

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিরমিয় 44:29

মুই লগেপ্রভু তমাত্তে এক্কান চিহ্নো দিম্, এ জাগানত্ তমারে সাজা দিম্ যেনে তুমি হবর্ পঅ তমা বিরুদ্ধে মুই যে অমংগলর্ দর্ দেগেয়োং সিয়েন ঠিগ্ থেবঅ। সে চিহ্নোগান অলঅ ইয়েন-

যিহিষ্কেল 20:32

তুমি কোই থাগঅ, তুমি জগদর্ অন্য জাদর্ মানুচ্চুনো ধোক্ক্যেন অবাত্তে চঅ যিগুনে গাজ্ আর পাত্তর পূজো গরন্। মাত্তর্ তমা মনত্ যিয়েনি আঘে সিয়েনি কনদিন্‌অ ন-অবঅ।

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।