গম্ উপদেজ্ 19:16 - Chakma Bible

¹⁶ যে মানুচ্চো গোজেনর সুদোমানি পালায় তে তার জিংকানিগান রোক্ষ্যে গরে; মাত্তর্ যে তার জিংকানির পথ্‌তান ইন্দি মনান্ ন-দে তে মুরিবো।

গম্ উপদেজ্ 19:16 ပူးပေါင်းရင်းမြစ်များ

ইয়োব 5:2

হাঙেলেত্যে জ্ঞাননেইয়্যে মানুচ্চুনোরে শেজ্‌ গুরি দে আর ইংসে-নিন্দে বেদমা মানুচ্চুনোরে মারে ফেলায়।

গম্ উপদেজ্ 13:13

যে মানুচ্চো গোজেন কধানি বাজে মনে গরে তে নিজো দজাগান্ ডাগি আনে, মাত্তর্ যে মানুচ্চো গমেডালে দোরেইনে গোজেন উগুমানি মানে তে তার পাওনা পায়।

গম্ উপদেজ্ 15:32

যে মান্‌জ্যে শাজন্ এলাফেলা গরে তে নিজোরে তুচ্চো গরে, মাত্তর্ যে মান্‌জ্যে সংশোধন কধানি শুনে তে বুদ্ধি পায়।

গম্ উপদেজ্ 16:17

ভান্ন্যেয়ত্তুন্ সুরি যানাগান অলঅ গম্ মান্‌‌জ্যর জিংকানির পথ; যে মানুচ্চো তা জিংকানির পধ ইন্দি খিয়েল রাগায় তে তা পরাণান্ রোক্ষ্যে গরে।

গম্ উপদেজ্ 21:16

যে মানুচ্চো বুদ্ধিবলা পথ্‌তান ছাড়িনে অন্য কিত্তেদি যায় তে মরাগুনো লগে থেবঅ।

গম্ উপদেজ্ 21:23

যে তার মুয়োন আর জিলান্ উজিয়ারে রাগায় তে দজাত্তুন্ নিজোরে রোক্ষ্যে গরে।

গম্ উপদেজ্ 22:5

কুজুরো মান্‌জ্যর পধেদি থাইদ্যে কাদা আর ফাল্, মাত্তর্ তে নিজোরে উজিয়ারে রাগায় তে সিয়েনিত্তুন্ দূরোত্ থায়।

গম্ উপদেজ্ 29:18

যিয়েনত্ ভাববাদীগুনোর ভিদিরেদি গোজেনে তার সত্যগান ফগদাং ন-গরে সে জাগার মানুচ্চুনে হযবরল অন; মাত্তর্ সে মানুচ্চো বর্ পেইয়্যে যে লগেপ্রভুর সুদোমানি মানি চলে।

গম্ উপদেজ্ 3:1

মঅ পুয়োবো, তুই মঅ শিক্ষ্যেনি ভুলি ন-যেচ্, বেক্ মনান্ দিইনে তুই মঅ উগুমানি পালা;

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

উপদেশক 8:5

যে তার্ উগুমানি পালায় তার্ কনঅ ক্ষতি ন-অবঅ। জ্ঞানী মান্‌জ্যর্ মনানিয়ে যগাজ্যে সময় আর কামর্ সুদোমানি হবর্ পায়।

যিরমিয় 7:23

মাত্তর্ মুই তারারে এ উগুমান দুয়োং, তুমি মঅ কধামজিম আঢঅ, সেক্কে মুই তমার গোজেন ওম্ আর তুমি মঅ মানুচ্ অবা। মুই যে পধেদি আঢিবাত্তে উগুম দুয়োং সে পধেদি আঢঅ যেনে তমার ভালেদি অয়।

যিহিষ্কেল 33:5

তূরীর রঅ শুনিনেয়ো তে উজিয়ার ন-অয় বিলিনে তার মরণত্তে তে নিজেই দায়ী থেবঅ। তে যুনি উজিয়ার অদঅ সালে নিজোরে রোক্ষ্যে গুরি পারিদো।

মথি লেখ্যে গম্ হবর্ 16:26

যুনি তুই পুরো পিত্‌থিমীগান পেইনেয়ো সিয়েনর বদলে আজল্ জিংকানিগান্ আরাস্ সালে সিয়েনর্ কি লাভ্ অলঅ? নিশ্চই নয়! সালে কেধোক্ক্যেন গুরি এক্কো মান্‌জ্যে তা জিংকানিগান ফিরি পেবঅ?

লূকে লেখ্যে গম্ হবর্ 10:28

যীশু তারে কলঅ, “তুই ঠিগ্ জোব্‌পান দুয়োচ্। যুনি তুই সিয়েন্ গুরি থাচ্ সালে জিংকানি পেবে।”

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

যোহন 14:15

তুমি যুনি মরে কোচ্‌পঅ সালে মর্ বেক্‌ উগুমানি পালেবা।

১ করিন্হীয় 7:19

চুনু মাঢা কাবিলে বা কি আর ন-কাবিলে বা কি, গোজেনর্ উগুম পালানা অলঅ আজল্ কধা।

১ যোহন 3:22

সিয়েনত্যে আমি যিয়েনি মাগিবোং সিয়েনি তাত্তুন্ পেবং, কিয়া তে যেদক্কানি উগুম দিয়্যে সিয়েনি আমি পালন গুরিই আর তে যেদক্কানি কামত্ হুজি অয় আমি সিয়েনি গুরিই।

১ যোহন 5:3

গোজেনর্ উগুমানি পালানা অলঅ গোজেনরে কোচ্‌পানা।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।