গম্ উপদেজ্ 19:12 - Chakma Bible

¹² রাজার রাগ্‌কান সিংহ গুজুরোনি ধোক্ক্যেন্, মাত্তর্ তা দোয়্যেগান যেন ঘাস উগুরে পোজ্যে শিরোপানি।

গম্ উপদেজ্ 19:12 ပူးပေါင်းရင်းမြစ်များ

পত্থম 27:28

গোজেনে যেন তরে আগাজ শিরোপানি দে, আর তঅ ভুইয়ানিত্‌ বোল্‌বোল্যে ওক্‌; সেক্কে তুই বোউত্‌ ফসল আর্‌ নুয়ো আংগুর-রস পেবে।

২ শমূয়েল 23:4

তে বেন্যেমাদান্ মেঘনেইয়্যে বেলান্‌ পহর্‌ ধোক্ক্যেন্‌; ঝড় দিবার্‌ পরেন্দি বেলঅ পহরত্‌ মাদিত্তুন্‌ ঘাস উদে তে সিয়েনি ধোক্ক্যেন্‌।’

ইষ্টের 1:12

রাজার্‌ সেবাগুরিয়্যেগুনে রাজার উগুমে রাণীরে হবর্ দিলে যেরেদি রাণী বষ্টী এবাত্তে রাজী ন-অলঅ। সেক্কে রাজা অমকদ রাগে আগুনো ধোক্ক্যেন ওই গেলঅ।

ইষ্টের 7:8

রাজঘরর্‌ বাগানত্তুন্‌ রাজা হানা ঘরানত্‌ ফিরি এলঅ আর সেক্কেনে ইষ্টেরে যে আসনানত্‌ এলান্‌ দিইনে বোই এলঅ সিয়েন উগুরে হামনে পোজ্যে এলঅ। সেক্কে রাজা রঅ ছাড়িনে কলঅ, “এ মানুচ্চো কি মঅ মুজুঙোত্‌ রাণীর ইজ্জোদ্‌তান্ বর্‌বাদ্ গুরিবো?” রাজার মুয়োত্তুন্‌ এ কধাগান নিগিলেনার্‌ লগে লগে মানুচ্চুনে হামনর মুয়োন্‌ নাঢি দিলাক্‌।

গীতসংহিতা 133:3

মনে অয় সিয়েন হর্মোণ মুড়োবোত্ পোজ্যে শিরপানি যিয়েন ঝুরি পোজ্যে সিয়োন মুড়োবোত্; কিত্তে লগেপ্রভু সিয়েনত্ বর্ দিয়্যে, আর সেই বরান্ অলঅ উমরর্ জিংকানি।

গীতসংহিতা 72:6

ঘাস কাবি নেযেয়্যে ভূইয়ো উগুরে ঝড় পড়িলে যেধোক্ক্যেন অয় তে যেন সেধোক্ক্যেন অয়; তে যেন মাদি ভিস্যে ঝড়নাল ধোক্ক্যেন অয়।

গম্ উপদেজ্ 20:2

রাজার রাগ্‌কান সিংহ গুজুরোনি ধোক্ক্যেন্; তারে যে রাগ্ তুলি দে তে নিজো পরানানরে দজাত্ ফেলায়।

গম্ উপদেজ্ 28:15

গুজুরি উদেদে সিংহবো আর আক্রমন গুরিয়্যে ভালুক্কো যেধোক্ক্যেন্, সেধোক্ক্যেন্ সেই পাজি মানুচ্চো যে নাঢা মানুচ্চুনোর শাজন্ গুরিয়্যে অয়।

উপদেশক 8:4

রাজার্ কধানি যেক্কেনে বেক্কানিত্তুন্ দাঙর্ সেক্কেনে কন্না তারে কোই পারে, “তুই কি গোজ্যস্?”

যিশাইয় 18:4

লগেপ্রভু মরে কোইয়্যেদে, “তেল্‌তেল্যে আগাজত্ রোদো তেজ ধোক্ক্যেন্, হরান্যেত্ খেত্-খেত্তি কাবিবার অক্তত্ খুয়ো মেঘ ধোক্ক্যেন্ মুই জুরো গুরিনে মঅ থেবার জাগানত্তুন্ চেই থেম্।”

দানিয়েল 5:19

তারে সেই খেমতা দিইনে বেক্ জাদ্‌‌‌তুনোর্, দেজর আর ভাষার মানুচ্চুনে তা মুজুঙোত্ দরে গির্‌গিরেদাক। তে যিবেরে আওজ্ তারে মারে ফেলেদ, যিবেরে আওজ্ তারে জেদা রাগেদ, যিবেরে আওজ্ তারে দাঙর্ পধত্ তুলিদো আর যিবেরে আওজ্ তারে তলেদি লামেই দিদো।‌‌

দানিয়েল 6:24

যে মানুচ্চুনে ইংসে গুরিনে দানিয়েলরে দুষ দুয়োন্ রাজার উগুমে তারারে আনা অলঅ আর মোগ্ আহ্ ঝি-পুয়ো সুমুত্তো তারারে সেই সিংহ গাদত্ ফেলেই দিয়্যে অলঅ। তারা সেই গাদত্ পত্তে ন-পত্তে সিংহগুনে তারারে আক্রমণ গুরিনে তারার্ আড়্‌গোড়াগুন সং নিগুজ্ গুরি দিলাক্।

হোশেয় 14:5

মুই ইস্রায়েল ইধু শিরো পানি ধোক্ক্যেন ওম্; তে লিলি ফুলো ধোক্ক্যেন ফুদিবো। লেবানন এরস গাজ ধোক্ক্যেন তে তার্ শিঙোরানি তলেদি লামেই দিবো।

মীখা 5:7

ভালোক্ জাদ ভিদিরে যাকোবর্ বাঁজি থেইয়্যে মানুচ্চুন অবাক্ লগেপ্রভুত্তুন্ এচ্চ্যে শিরো পানি ধোক্ক্যেন, ঘাস উগুরে ঝড় পড়েদে ধোক্ক্যেন যিয়েনি মান্‌‌‌জ্যর উগুম ন-পড়ে বা সিয়েনি উগুরে নির্ভর ন-গরে।

দ্বি’লম্বর বিররণ 33:28

ইস্রায়েলে সিয়েনত্যেই গমেডালে থেবঅ। যাকোবর থান্‌জাঙান্‌ থেবঅ দজাগানর্-দুযির্‌ বারেন্দি; সিয়েনত্‌ থেবঅ ভালোক্কুন্‌ শোজ্য আর নুয়ো আংগুরো-রস, তা উগুরে আগাজর শিরোপানি ঝুরি পুরিবো।