গম্ উপদেজ্ 19:11 - Chakma Bible

¹¹ যে মানুচ্চোর বুদ্ধি আঘে সে বুদ্ধিগানে তারে সহজে রাগ গুরিবাত্তে ন-দে; তা বিরুদ্ধে কনজনে দুষ্ গুরিলে সিয়েন ন-ধরানা তা পক্ষে বাঈনী গরে পারা।

গম্ উপদেজ্ 19:11 ပူးပေါင်းရင်းမြစ်များ

২ রাজাবলী 5:12

দামেস্কর অবানা আর পর্পর গাঙান্‌ কি ইস্রায়েলর গাঙর্‌ পানিগানিত্তুন্‌ গম্‌ নয়? সিদু গাদিনে কি মুই সিজি ওই ন-পারিদুং?” ইয়েন্‌ কোইনে তে রাগ গুরিনে ফিরি গেলঅ।

গম্ উপদেজ্ 11:13

যে পররে সজ্জায় তে গুমুড়ো কধানি কোই দে, মাত্তর্ বিশ্বেজি মান্‌জ্যে কধানি গুমুড়োত রাগান্।

গম্ উপদেজ্ 12:16

যিবের চিদে-চজ্জানি বাজে তে তার লবাদোস্যেগানি ফগদাং গুরি ফেলায়, মাত্তর্ উজিয়ারবলা মানুচ্ নিজোর অগমানানি নাঢি দে।

গম্ উপদেজ্ 14:29

যে মানুচ্চো এনেবাদে রাগ্ ন-গরে তে বুদ্ধিবলা, মাত্তর্ যে মানুচ্চো অদাদৎ রাগ্ তুলে তে ভুলান্ ফগদাং গরে।

গম্ উপদেজ্ 15:18

রাগী মান্‌জ্যে কোল্-কোজ্যে বাজান্, মাত্তর্ যে মান্‌জ্যে সহজে রাগ ন-গরে তে কোল্-কোজ্যে থামেই দে।

গম্ উপদেজ্ 16:32

যে সহজে রাগ ন-গরে তে যোদ্ধাত্তুন্অ গম্; যে শঅর্ জিদি নেযায় তাত্তুন্‌অ বেশ্ যে নিজোরে দোঙেই রাগায় তে গম্।

গম্ উপদেজ্ 17:14

কোল্-কোজ্যে বাজানা গদা ভাঙি যেইয়্যে পানি ধোক্ক্যেন্, সেনত্তে তর্কাতর্কি গুরিবার আগেদি সিয়েন বাদ দুয়ো।

গম্ উপদেজ্ 20:22

তুই ন-কোজ্, “এ অন্যেয়ানর হেনা শুজিম্।” লগেপ্রভুত্তে বাজ্জেই থাগ্, তে সেই দজানত্তুন্ তরে রোক্ষ্যে গুরিবো।

গম্ উপদেজ্ 20:3

কোল্-কোজ্যে ন-গরন্দে মানুচ্চুনে সর্মান পান্; যিগুনোর বিবেক্ বাজে ধরনর্ তারা বেক্কুনে কোল্-কোজ্যে গুরিবাত্তে যুক্কোল্ থান্।

গম্ উপদেজ্ 25:21

তঅ শত্রুর যুনি পেট্ পুড়ে তারে হেবাত্তে দে, যুনি তার পানি তিরেস্ পায় তারে পানি দে;

গম্ উপদেজ্ 29:11

বিবেচনা নেইয়্যে মান্‌‌জ্যে তা রাগ্‌‌কান বেক্কান ফগদাং গরে, মাত্তর্ জ্ঞানী মান্‌‌জ্যে তা রাগ্‌‌কান দোঙেই রাগায়।

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।

যাকোব 1:19

মর্ কোচ্‌‌পেইয়্যে ভেইয়ুন্, মর্ এ কধাগান খিয়েল্ গরঅ-তুমি বেক্কুনে শুনিবাত্যে আওজি অ, মাত্তর্ যাদিমাদি গুরি কধা কবাত্যে ন-যেয়ো বা রাগ ন-গোজ্জ্য;