গম্ উপদেজ্ 18:18 - Chakma Bible

¹⁸ পোরোক্ক্যে চেইনে কোল্-কোজ্যেগানি থামা অয় আর দ্বিবে বোলি তপ্পে ভিদিরে মিমাংসা গরা অয়।

গম্ উপদেজ্ 18:18 ပူးပေါင်းရင်းမြစ်များ

১ বংশধর 24:31

ইগুনেয়ো রাজা দায়ূদ, সাদোক, অহীমেলক আর ধর্মগুরু আর লেবীয়গুনোর বংশ-নেতাগুনোর মুজুঙোত্‌ ইগুনো ভেইয়ুনোরে, অত্তাৎ হারোণ বংশর মানুচ্চুনো ধোক্ক্যেন গুরিনে চাম্বা চেয়োন্‌। দাঙর্‌ ভেইবো ওক্‌ বা চিগোন্‌ ভেইবো ওক্‌ তারা বেক্কুনোত্তে এক্কুই চাম্বা চাহ্ ওইয়্যে।

১ বংশধর 6:63

রূবেণ, গাদ আর সবূলূন-গুট্টির চাগালাত্তুন্‌ চাম্বা চেইনে বারগান শঅর্‌ আর আদাম বংশ অনুসারে মরারি বংশ মানুচ্চুনোরে দিয়্যে অলঅ।

নহিমিয় 11:1

মানুচ্চুনোর নেতাগুনে যিরূশালেমত্‌ বজত্তি গুরিদাক্‌। বাদবাগি মানুচ্চুনে চাম্বা চেলাক্‌ যেনে তারা ভিদিরে পত্তি দশজনে একজন পবিত্র শঅর্‌ যিরূশালেমত্‌ বজত্তি গুরি পারন্‌, আর বাদবাগি নয়জনে তারার্‌ নিজোর নিজোর্‌ আদামত্‌ থেবাক্‌।

গম্ উপদেজ্ 16:33

মান্‌‌জ্যে পোরোক্ক্যে চান, মাত্তর্ সিয়েনর জোব্‌‌পান লগেপ্রভু ঠিগ্ গরে।

গম্ উপদেজ্ 18:17

মগদ্দমা চলিবার অক্তত্ যে পত্তমে নিজোর তপ্পেদি কধা কয় তা কধাগান সত্য বিলিনে মনে অয়, যেদক্কন সং আর এক্কো এইনে তারে পুযোর্ ন-গরে।

গম্ উপদেজ্ 18:19

ভেইলোই অগমান্ ওইয়্যে ভেই দরমর শঅরত্তুন্ বেশ্ দর; আর কোল্-কোজ্যে রাজঘর গেদোর দরমর লাগাড়াবো ধোক্ক্যেন্।

যিহোশূয় 14:2

লগেপ্রভু মোশিরে দিইনে যেধোক্ক্যেন উগুম দিয়্যে সেধোক্ক্যেন ইস্রায়েলীয়গুনোরে সাড়ে নয় গুট্টির ভিদিরে চাম্বা চেইনে সোম্বোত্তিগানি ভাগ গুরি দিয়্যে ওইয়্যে।

১ শমূয়েল 14:41

শৌল সেক্কে ইস্রায়েলীয়গুনোর গোজেন লগেপ্রভুরে কলঅ, “ইয়েনর আজল্‌ জোব্‌পান্‌ মরে দে।” সেক্কে দুষছান্ পুরিলো শৌল আর যোনাথন উগুরে আর বাদবাগি মানুচ্চুনে ছড়ান্‌ পেলাক্।

১ শমূয়েল 14:42

শৌল কলদে, “মর্‌ আর মর্‌ পূঅ যোনাথনর্ মধ্যে লটারী দিয়্যে ওক্।” সেক্কে যোনাথন উগুরে দুষছান্‌ পুরিলো।