গম্ উপদেজ্ 18:14 - Chakma Bible

¹⁴ অসুগো অক্তত্ মন বলানে মান্‌জ্যরে ধুরি রাগায়, মাত্তর্ ভাঙা মনান্ কন্না সোজ্য গুরি পারে?

গম্ উপদেজ্ 18:14 ပူးပေါင်းရင်းမြစ်များ

ইয়োব 6:4

বেগত্তুন্‌ খেমতাবলা গোজেনর সেল্‌লো মইদু ফুট্যে, মঅ পরাণানে সিবের্‌ বিষছান্‌ খার্‌; গোজেনর দর্‌গরেপারা কামানিয়ে মঅ বিরুদ্ধে সুর্‌ বুদিনে থিয়্যেইয়্যে।

গীতসংহিতা 109:22

মুই দুঘি আর নাদা মানুচ্; মুই মনত্ আঘাত্ পেইয়োং।

গীতসংহিতা 147:3

যিগুনোর্ মনানি ভাঙি যেইয়্যে তে তারারে দোল্ গুরিবো; তারার বেক্ ঘা গানি তেয়ই বানি দে।

গীতসংহিতা 55:5

মরে দর্‌বুগে আর গির্‌গিরেনিয়ে ধোজ্যে; অমকদ দরে মুই জুরো গুরি আগং।

যাত্রা 6:9

মোশি যেইনে এ কধানি ইস্রায়েলীয়গুনোরে জানেল, মাত্তর্‌ চিৎনপুজ্যে চাগর ধোক্ক্যেন কাম্‌ গত্তে গত্তে মন-মরা ওই পোজ্যন্‌ বিলি তারা মোশি কধাগান কান্‌ ন-পাদিলাক্।

গম্ উপদেজ্ 15:13

মনত্ হুজি থেলে মুয়োন্‌অ হুজি লাগে, মাত্তর্ মনত্ দুঘে মন ভাঙি যায়।

গম্ উপদেজ্ 17:22

আজি-হুজি মনানে কিয়্যেগানরে গম্ রাগায়, মাত্তর্ ভাঙা মনানি কিয়্যেগানরে বর্‌বাত্ লাগায়।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 2:7

তুমি বরং ইক্কিনে তারে ক্ষেমা গরঅ আর সান্তনা দুয়ো, যেন অমকদ দুঘোত্ তে আজা ন-আরায়।

যাকোব 1:2

মঅ ভেইয়ুন্, তুমি যেক্কে নানান্ বাবোত্ত্যে পোরোক্ষ্যেত্ পড় সেক্কে সিয়েন ভারী হুজীর বেপার বিলি মনে গোজ্জ্য,

১ পিতর 1:6

খালিক্ যুনিয়ো কিজু সময়োত্যে নানান্ পোরোক্ষ্যেলোই অয়ত ইক্কিনে তমার্ দুঘ্ পাহ্ পড়ের, তো উদ্ধোর্ পেবার আজায় তমা মনানি হুজিয়ে ভুরি উঠ্যে।