গম্ উপদেজ্ 17:6 - Chakma Bible

⁶ নাদিন-পুদিনুন্ বুড়োগুনোর ভবিচ্চদ, আর বাব্‌পো তা পুয়ো-ঝিগুনোরে বাড়্‌বো গুরিবার কধা।

গম্ উপদেজ্ 17:6 ပူးပေါင်းရင်းမြစ်များ

পত্থম 48:11

তে যোষেফরে কলঅ, “মুই আর তঅ মুয়োন্‌ দিগিম্‌ বিলিনে ন-ভাবং, মাত্তর্‌ গোজেনে বানা তরে নয়, তঅ পুয়োগুনোরেয়ো মরে দেগিবাত্তে সুযোগ দিলো।”

পত্থম 50:23

তে ইফ্রয়িম তিন গুট্টি সং চেই যেইয়্যে। ইয়েনবাদে মাখীরোর্ পুয়ো-ঝিগুনোরেয়ো জর্মর্‌ পরেদি যোষেফ ইধু রাগা ওইয়্যে। মাখীরে এলঅ মনঃশির্ পুয়ো।

১ রাজাবলী 11:12

মাত্তর্‌ তঅ বাপ্পো দায়ূদোর কধা মনত্‌ গুরিনে তঅ জিংকানিত্‌ মুই সিয়েন ন-গুরিম্‌, মাত্তর্‌ তঅ পূঅবোর্‌ আঢত্তুন্‌ মুই সিয়েনি কারি লোম্‌।

১ রাজাবলী 15:4

তো দায়ূদো কধানি মনত্‌ ন-পড়িনে তা গোজেন্‌ লগেপ্রভু তারে যিরূশালেমত্‌ ইক্কো মানেক্‌ দিলো, অত্তাৎ তার সিংহাসনত্‌ বুজিবাত্তে তারে ইক্কো পূঅ দিলো আর যিরূশালেমানরে ভস্ত অনার্ আঢত্তুন্‌ রোক্ষ্যে গুরিলো,

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

গম্ উপদেজ্ 13:22

গম্ মান্‌জ্যে তা নাদিন-পুদিনুনোত্তে অধিকার থোই যায়, মাত্তর্ পাপীগুনো ধনানি গোজেন ভক্তগুনোত্তে থুবো অয়।

গম্ উপদেজ্ 16:31

পাগানা চুল অলদে দোল্ অনার মুকুট; গোজেন উগুরে ভোক্তিবলা জিংকানি কাদেইনে সিয়েন পাহ্ যায়।

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’