গম্ উপদেজ্ 16:24 - Chakma Bible

²⁴ মিদে কধা মু বাহ্ ধোক্ক্যেন্; মনানত্তে সিয়েন মধুর আর কিয়্যেগানরে গম্ রাগায়।

গম্ উপদেজ্ 16:24 ပူးပေါင်းရင်းမြစ်များ

গীতসংহিতা 119:103

তর্ বেক এগেমানি মঅ জিলানত্ কেজান্ মিদে লাগে! সিয়েন মর্ মুয়োন্দি মধুত্তুন্অ বেশ্ মিদে লাগে।

গীতসংহিতা 19:10

সিয়েন সনাত্তুন্‌অ, ভালোক্কানি খাটি সনাত্তুন্‌অ বেশ্ বেশ্ আওজ্ গোজ্যে জিনিস। সিয়েন মধুত্তুন্অ বেশ্ মিদে, মুবাত্তুন্ ঝোজ্যে মধুত্তুন্অ বেশ্ মিদে।

গম্ উপদেজ্ 12:18

আপাদাজ্যে কধা ছুরি ধোক্ক্যেন্ বুগোত্ ফুদে, মাত্তর্ জ্ঞানীগুনোর্ কধা গম্ লাগে।

গম্ উপদেজ্ 15:23

যে মানুচ্চো যগাজ্যে জোব্ দি পারে তে হুজি অয়; যগাজ্যেগুরি কোইয়্যে কধানি কেজান্ গম!

গম্ উপদেজ্ 15:26

লগেপ্রভু বেক্ কুজুরোমিগানি ঘিনায়, মাত্তর্ ভালেদির কধাবাত্তানি তা চোগেদি দোল্।

গম্ উপদেজ্ 17:22

আজি-হুজি মনানে কিয়্যেগানরে গম্ রাগায়, মাত্তর্ ভাঙা মনানি কিয়্যেগানরে বর্‌বাত্ লাগায়।

গম্ উপদেজ্ 23:16

যেক্কে তঅ মুয়োনে ঠিগ্ কধা কবঅ সেক্কে মঅ মনানে হুজি অবঅ।

গম্ উপদেজ্ 27:9

তুম্বাজ্ তেল আর আগর্‌বাট্টি্‌‌বো মনানরে হুজি রাগায়; ঠিগ্ সেধোক্ক্যেন সমাজ্যের্ দিয়্যে উবদেজ্ সমাজ্যে ইদু মিদে লাগে।

গম্ উপদেজ্ 3:8

সেক্কে তুই পক্তামক্তা অবে আর তঅ আড়ুন্ মগজবলা অবাক্।

গম্ উপদেজ্ 4:22

যিগুনে এবাবোত্যে গরন্ তারাত্তে সিয়েনি অয় জিংকানি, সিয়েনিয়ে তারারে পক্তামক্তা গরে।

উপদেশক 12:10

তে যগাজ্যে রঅ তোগেয়্যে, আর তে যিয়েন্ লেখ্যে সিয়েন্ খাটি আর সত্য।

পরমগীত 4:11

মর্ বৌবো, তঅ ঠুট্‌তোত্তুন্ ফুদো ফুদো মধু ঝরে। তঅ জিলান তলে আগেদে দুধ আর মধু; তঅ কাবড় বাজ্‌ছান লেবানন ঝারর্ তুম্বাজ ধোক্ক্যেন্। ‌

যিরমিয় 15:16

তঅ কধানি ফগদাং অলে পরেদি মুই সিয়েনি মনত্ গুজি ললুং; সে কধানি এলদে হুজির্ আর মঅ মনর্ সুগ, কিত্তে ও বেগত্তুন্ খেমতাবলা গোজেন লগেপ্রভু, মুই দঅ তরই।

দ্বি’লম্বর বিররণ 32:2

মর্‌ শিখ্যে পেইয়্যেগানি ঝড় ধোক্ক্যেন গুরি ঝুড়ি পোড়োক্, মর্‌ কধানি শিরোপানি ধোক্ক্যেন গুরি লামি এজোক্‌। আল্‌গা এক ফুদো ঝড় ধোক্ক্যেন গুরি সিয়েন নুয়ো ঘাস উগুরে ঝুড়ি পোড়োক্‌, আর গাজ-বাজঅ উগুরে জদবদে ঝড় ওইনে সিয়েন পোড়োক্‌।

ফগদাং পেইয়্যে 10:10

সেক্কে স্বর্গদূত্‌তো আঢত্তুন্ মুই সেই চিগোন বোইবো লোইনে হেই ফেলেলুং। মঅ মুয়োনত্ সিবে মধু ধোক্ক্যেন মিধে লাগিলো, মাত্তর্ হেই ফেলানার্ পরেদি মঅ পেট্‌তো তিদে ওই গেলঅ।