গম্ উপদেজ্ 16:21 - Chakma Bible

²¹ যিবের মনত্ জ্ঞান আঘে তারে বুদ্ধিবলা কুয়ো অয়, আর মিদে মিদে কধালোই কাররে শিগেলে তার জ্ঞান বাড়ে।

গম্ উপদেজ্ 16:21 ပူးပေါင်းရင်းမြစ်များ

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

গীতসংহিতা 45:2

মানুচ্চুনো ভিদিরে তুই অমকদ দোল্; তর্ দ্বিবে ঠুদোর কধা মধুলোই ভিজেয়্যে; গোজেনর উমরর্ আশিদ্‌‌বাদ্‌‌তান তঅ উগুরে ঝুরি পড়ের্।

গম্ উপদেজ্ 10:13

যিগুনোর বিচেরবুদ্ধি আঘে তারা মুয়োত্ জ্ঞান পাহ্ যায়, মাত্তর্ যিগুনোর বুদ্ধি নেই তারা পিঠ্‌তানিত্ আগেদে লুদিক্।

গম্ উপদেজ্ 10:23

বজং কাম গরানা ভুল্ মানুচ্চুনোর রঙ্গফুত্তি, মাত্তর্ বুদ্ধিবলাগুনোর রঙ্গফুত্তি অল জ্ঞান।

গম্ উপদেজ্ 10:8

যিবের্ মনত্ জ্ঞান আঘে তে উগুম মানে, মাত্তর্ বেশ্ কধা কোইয়্যে বাজে মানুচ্চুন ভস্ত ওই যেবাক্।

গম্ উপদেজ্ 15:7

জ্ঞানীগুনোর্ মুয়োনিয়ে জ্ঞান ছিদি দে, মাত্তর্ জ্ঞাননেইয়্যেগুনোর মনানি সিয়েনি ন-গরে।

গম্ উপদেজ্ 16:22

যিবের বুদ্ধি আঘে সে বুদ্ধিগান তাইদু জিংকানির পয়নালা ধোক্ক্যেন্; বাজে-বিবেক্ মান্‌‌জ্যর ভুল্ কামানি তারার সাজা।

গম্ উপদেজ্ 23:15

মঅ পুয়োবো, তঅ মনান্ যুনি জ্ঞানে ভর্‌পুনং অয় সালে মঅ মনান্ সুগি অবঅ, অয়, মুই সুগি ওম্।

গম্ উপদেজ্ 27:9

তুম্বাজ্ তেল আর আগর্‌বাট্টি্‌‌বো মনানরে হুজি রাগায়; ঠিগ্ সেধোক্ক্যেন সমাজ্যের্ দিয়্যে উবদেজ্ সমাজ্যে ইদু মিদে লাগে।

উপদেশক 12:10

তে যগাজ্যে রঅ তোগেয়্যে, আর তে যিয়েন্ লেখ্যে সিয়েন্ খাটি আর সত্য।

যিশাইয় 50:4

প্রভু লগেপ্রভু মরে শিক্ষিতগুনোর্ জিলানি দিয়্যে যেনে মুই কধালোই বল্‌‌পোজ্যে মানুচ্চুনোরে সাহায্য গুরি পারং। তে মরে পত্তিদিন বেন্যেমাদান্ জাগেই দে আর মঅ কানানরে সজাক্ গরে যেনে মুই এক্কো শিচ্চ্য ধোক্ক্যেন শুনোং।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

লূকে লেখ্যে গম্ হবর্ 4:22

মানুচ্চুনে বেক্কুনে তারে নাঙ্ গিনিলাক্ আর তা মুয়োদি এই দোল্ দোল্ কধানি শুনিনে আমক্ অলাক্, “ইবে কি যোষেফর্ পুয়োবো নয়?”

যোহন 7:46

সেই চাগরুনে কলাক্, “মানুচ্চো যেবাবোত্যেগুরি কধা কয় সেবাবোত্যেগুরি আর কেঅ কনদিন্অ কধা ন-কয়।”

রোমীয় 16:19

তমা বাধ্যতার কধা বেক্কুনে শুন্ন্যন্, আর সেনত্তে মুই তমা উগুরে হুজী ওইয়োং। মুই চাং যেন তুমি গমানরে চিনিনে মানি লঅ আর বজঙত্তুন্ দূরোত্ থাগঅ।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।