গম্ উপদেজ্ 16:20 - Chakma Bible

²⁰ যে মানুচ্চো গোজেনর কধা শুনে তার ভালেদি অয়, আর যে লগেপ্রভু উগুরে বিশ্বেজ্ গরে তে বর্ পেইয়্যে।

গম্ উপদেজ্ 16:20 ပူးပေါင်းရင်းမြစ်များ

১ বংশধর 5:20

ইগুনো সমারে যুদ্ধো গুরিবার্‌ সময়োত্‌ গোজেনে তারারে বল্‌ দিয়্যে। তে হাগরীয় আর তারা পক্ষেন্দি বেক্‌ মানুচ্চুনোরে তারা আদত্‌ তুলি দিয়্যে, কিত্তে যুদ্ধোত্‌ তারা গোজেন ইদু তবনা গোজ্যন্‌। তারা তা উগুরে বিশ্বেজ্ গোজ্যন্‌ বিলিনে তে তারার্‌ তবনা জোবপান্‌ দিয়্যে।

গীতসংহিতা 125:1

যিগুনে লগেপ্রভু উগুরে বিশ্বেজ্ গরন তারা সিয়োন মুড়োবো ধোক্ক্যেন দরমর আর উমরত্তে থিদেবর্।

গীতসংহিতা 146:5

বর্‌পেইয়্যে সেই মানুচ্চো, যাকোবর গোজেন যিবের সাহায্যগুরিয়্যে, গোজেন লগেপ্রভু উগুরে যিবের্ আজা।

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 32:10

পাজি মানুচ্চোর বোউত্ দুখ্‌পা পড়ে, মাত্তর্ যে লগেপ্রভু উগুরে বিশ্বেজ্ গরে লগেপ্রভুর গভীন্ কোচ্‌পানায় তারে ঘিরি রাগায়।

গীতসংহিতা 34:8

যগা চাহ্ লগেপ্রভু মংগলময়; বর্‌পেইয়্যে সেই মানুচ্চো, যিবে তাইদু আশ্রয় নেযায়;।

গম্ উপদেজ্ 13:13

যে মানুচ্চো গোজেন কধানি বাজে মনে গরে তে নিজো দজাগান্ ডাগি আনে, মাত্তর্ যে মানুচ্চো গমেডালে দোরেইনে গোজেন উগুমানি মানে তে তার পাওনা পায়।

গম্ উপদেজ্ 13:15

যিবের বুদ্ধিগান গম্ তে সর্মান পায়, মাত্তর্ অবিশ্বেজি মানুচ্চুনে শেজ্ ওই যেবাক্।

গম্ উপদেজ্ 17:2

পরিবারত্ অসর্মান আনেদে পুয়োবো উগুরে বুদ্ধিবলা চাগর্‌বো সদ্দার্ অয়, আর ভেইয়ুনো সমারে তেয়ো সোম্বোত্তির্ ভাগ্ পায়।

গম্ উপদেজ্ 19:8

যে নিজোরে কোচ্‌পায় তে বুদ্ধি পায়; যে বিচেরবুদ্ধি বেবহার গুরিনে চলে তে আশিদ্‌বাদ পায়।

গম্ উপদেজ্ 8:35

কিত্তে যে মরে পায় তে জিংকানি পায় আর লগেপ্রভুত্তুন্ দোয়্যে পায়।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

দানিয়েল 3:28

সেক্কে নবূখদ্‌নিৎসরে কলঅ, “শদ্রক, মৈশক আর অবেদ্‌-নগোর গোজেনর বাঈনী ওক্, যিবে তা স্বর্গদূত্বোরে পাধেইনে তা চাগরুনোরে উদ্ধোর্ গুরিলো। ইগুনে তা উগুরে বিশ্বেজ্ গুরিনে রাজার উগুমান ন-পালান্ আর তারার্ নিজো গোজেন বাদে অন্য কনঅ দেবেদারে সেবা আর পূজো গরানার বদলে মুরিবাত্তেয়ো রাজি এলাক্।

দানিয়েল 6:23

সেক্কে রাজা অমকদ হুজি অলঅ আর সেই গাদ্‌‌‌‌‌তোত্তুন্ দানিয়েলরে তুলি আনিবার উগুম দিলো। দানিয়েলরে তুলোনার পরেদি তা কিয়্যেত্ কনঅ আঘাত্ দেগা ন-গেলঅ, কিত্যে তে তার গোজেন উগুরে বিশ্বেজ্ গোজ্যে।

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।