গম্ উপদেজ্ 16:1 - Chakma Bible

¹ মান্‌জ্যে মনে মনে সল্লা গরন্, মাত্তর্ মুয়োন্দি সিয়েনি ফগদাং গুরিবার খেমতা লগেপ্রভুত্তুন্ এজে।

গম্ উপদেজ্ 16:1 ပူးပေါင်းရင်းမြစ်များ

২ শমূয়েল 7:5

তুই যেইনে মঅ চাগর্‌ দায়ূদোরে কঅ, লগেপ্রভু কোইয়্যেদে, তুই কি মর্‌ থেবাত্তে এক্কান্‌ ঘর্‌ বানেবে?

২ বংশধর 18:31

রথর্ সেনাপতিগুনে যিহোশাফটরে দেগিনে মনে গোজ্যন্দে, তে হামাক্কাই ইস্রায়েলর রাজা। সেনত্তেই তারা ফিরিনে তারে আক্রমণ গরা ধুরিলো মাত্তর্‌ যিহোশাফটে রঅ ছাড়িনে উদিলো, সেক্কে লগেপ্রভু গোজেনে তারে বল্‌ দিলো আর সেক্কে তারা তা কায়-কুরেত্তুন্‌ গেলাক্‌।

ইষ্রা 7:27

আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

নহিমিয় 1:11

ও প্রভু, কোজোলি গরঙ্‌, তর্‌ এ চাগর্‌বোর তবনালোই আর যিগুনে তর্‌ নাঙান্‌ ভক্তি গুরিনে ইদোত্‌ তুলোন্‌ তর্‌ সে চাগরুনোর্‌ তবনাগানি তুই শুনিচ্‌। তর্‌ চাগর্‌বোরে এচ্ছ্যে ফোলেই দে আর এ রাজাবো ইদু দোয়্যে-মেয়্যের্‌ মানুচ্চো গর্‌।” মুই রাজার আংগুর-রস ভাগগুরি দিয়্যে এলুঙ্‌।

ইয়োব 17:11

মর্‌ আয়ুগান পেরায় থুম্‌ ওইয়্যে, মর্‌ বেক্‌ সল্লাগানি বিফল্‌ ওইয়্যে, মর্‌ মনর্‌ আওজ্‌ছানিয়ো বর্‌বাত্‌ ওই যেইয়্যে।

গীতসংহিতা 10:17

ও লগেপ্রভু, নম্রগুনোর্ মন আওজর্ কধানি তুই শুন্যচ্; তুই তারারে সাহস দুয়োর্, তারার্ কানানিগানি তুই শুন্যচ্।

গীতসংহিতা 119:36

ভান্ন্যেয়ন্দি মঅ মনান যেনে ন-ফিরে, তঅ কধা মজিম তুই মঅ মনান ফিরেই দে।

যাত্রা 4:15

তুই যেক্কে তা লগে কধা কবে সেক্কে তারে কোই দিবে কি কুয়ো পুড়িবো। মুই তমা দ্বিজনরে কধা কবাত্যে বল্‌ দিম আর কি গরা পুড়িবো সিয়েন তমারে শিগেই দিম।

গম্ উপদেজ্ 15:33

লগেপ্রভু উগুরে ভোক্তিবলা দর্ মান্‌জ্যরে জ্ঞান শিগেয়, আর নম্রতাগানে সর্মান আনে।

গম্ উপদেজ্ 16:9

মান্‌‌জ্যে মনে মনে নিজো পথ্‌তান পৌইদ্যেনে সল্লা গরন, মাত্তর্ তা টেঙ পোইদ্যেবো লগেপ্রভু চালায়।

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

গম্ উপদেজ্ 20:24

বীরমরত্তুনোর্ আঢিবার পথ্‌তানি যুনি লগেপ্রভু ঠিগ্ গুরি দে, সালে সাধারন মান্‌জ্যে তা নিজোর পথ্‌তান কেধোক্ক্যেন গুরি বুঝিবো?

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

যিরমিয় 10:23

ও লগেপ্রভু, মুই হবর্ পাং মান্‌জ্যর জিংকানির-পথ্‌‍তান তার নিজোর্ নয়; তার টেঙ পোইদ্যেগুন উগুম দেনায়ো তার কাম নয়। ‍‍

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।