গম্ উপদেজ্ 15:9 - Chakma Bible

⁹ লগেপ্রভু পাজিগুনোর পথ্‌তানি ঘিনেই, মাত্তর্ যিগুনে গম্ কাম গুরিবাত্তে উজেই যান্ তারারে তে কোচ্‌পায়।

গম্ উপদেজ্ 15:9 ပူးပေါင်းရင်းမြစ်များ

গীতসংহিতা 1:6

কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

গীতসংহিতা 11:7

লগেপ্রভু গম্ বিলিনে ন্যায়র্ কামানি তে কোচ্‌‌পায়; যিগুনে খাটি তারা তা মুয়োন্ দেগিবাক্।

গীতসংহিতা 139:24

তুই চাহ্ মইদু এমন্ কিজু আঘে নাহি যিয়েনিয়ে দুখ্ দে; তুই মরে শেজ্ ন-ওইয়্যে জিংকানির পধেন্দি চালা।

গীতসংহিতা 5:5

যিগুনে বার্‌বো গরন্ তারা তঅ মুজুঙোত্ থেই ন-পারন; যিগুনে বজং কাম্ গুরিনে বেড়ান্ তারারে তুই এলাফেলা গরচ্।

গম্ উপদেজ্ 15:10

যিগুনে গম্ পথ্‌তান ছাড়দন্ তারাত্তে দরমর সাজাগানে বাজ্জেই আঘে; যে মানুচ্চো সংশোধন কধা ঘিনেই তে মুরিবো।

গম্ উপদেজ্ 21:21

যে মানুচ্চো আওজ্ গুরিনে সততা আর বিশ্বেজ্ পধেদি চলে তে জিংকানি, আশীদ্‌বাদ্ আর সর্মান পায়।

গম্ উপদেজ্ 21:4

পাজিগুনোর চোগো ইজিরে বাড়্‌বো আর মনানি অহংকারে ভরা; তারার জিংকানি-চেরাগ্‌কো পাপে ভরা।

গম্ উপদেজ্ 21:8

দুষি মান্‌জ্যর জিংকানির-পথ্‌তান বেঙা-কঙা, মাত্তর্ খাটি মান্‌জ্যে গমেডালে কাম গরন্।

গম্ উপদেজ্ 4:19

মাত্তর্ পাজিগুনোর পথ্‌তানি গভীন আন্ধার ধোক্ক্যেন্; তারা হবর্ ন-পান কুবোন্দোই তারা উজোত্ হান।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

যিশাইয় 26:7

গোজেনভক্ত মানুচ্চুনোর পথ্‌তান্ সং থায়; ও ন্যায়বলা, তুই গোজেন ভক্তগুনোর্ পথ্‌তানি সং গুরি থাচ্।

যিশাইয় 51:1

লগেপ্রভু কত্তে, তুমি যিগুনে গমেডালে চলিবাত্তে চঅ আর মঅ আওজ্‌মজিম চলিবার চেট্ট্যা গরর্, তুমি শুনো। যে পাত্তর্‌বোত্তুন্ তমারে কাবি নেযা ওইয়্যে আর যে গাদ্‌তোত্তুন্ তমারে খুড়িনে তুলো ওইয়্যে সিবে ইন্দি রিনি চঅ।‍‌‌‍‌‍‌‌‍‌‍‌

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

হবক্‌‌‌‌কূক 1:13

তুই এদক্ আজল্ যে, তুই ভান্ন্যেয়দি রিনি চেই ন-পারচ্ আর অন্যেয় সোজ্য গুরি ন-পারচ্। সালে তুই কেধোক্ক্যেনগুরি সেই বেঈমানীগুনোরে গম্ চোগেদি দেগর্? পাজিগুনে যেক্কে তারাত্তুন্অ বেশ্ গম্ মানুচ্চুনোরে গিলোদন্ সেক্কে কিত্তে তুই জুরো গুরি থাচ্?

মথি লেখ্যে গম্ হবর্ 7:13

চিবেচিপ্প্যে গেদো ইন্দি সমঅ, কিয়া যে পথ্‌তানে ভস্ত অইদ্যে ইন্দি নেযায় সিয়েনর দোরান্অ দাঙর্ আর পথ্‌তান অযার। বোউত্ মানুচ্ সিয়েনদি সমন।

দ্বি’লম্বর বিররণ 7:13

তে তমারে কোচ্‌পায়, বর্ দিবো আর তমা মান্‌জ্যর সোংখ্যেগুন বাড়েই দিবো। যে দেজ্‌ছান তমারে দিবার্‌ কধা তে তমার পুরোণি মানুচ্চুনো ইদু শমক্‌ খেইনে কোইয়্যে সে দেজত্‌ তে তমারে বর্ দিবো। সেক্কে তমার্‌ ভালোক্কুন্‌ পূঅ-ছা অবাক্‌, তমা ভূইয়োত্তুন্‌ তুমি জদবদে শোজ্য, আংগুরো-রস আর তেল পেবা, আর তমার্‌ গোরু, ছাগল আর ভেড়াগুনোরঅ ভালোক্কুন ছঅ অবাক্।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 2:22

গাবুজ্জ্যে কালর্ ভান্ন্যেই কামনা-বাসনাত্তুন্ তুই ধেই যাগোই আর যিগুনে খাটি মনে প্রভুরে ডাগন্ তারা সমারে সৎ জিংকানি, বিশ্বেজ্, কোচ্‌পানা আর শান্তিত্যে আয়োজি অ।