গম্ উপদেজ্ 15:8 - Chakma Bible

⁸ পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 15:8 ပူးပေါင်းရင်းမြစ်များ

২ শমূয়েল 15:12

উৎসর্ব গুরিবার্‌ অক্তত্‌ অবশালোমে দায়ূদোর গীলোনীয় মন্ত্রী অহীথোফলরে তা আদাম গীলোত্তুন্‌ ডাগিনে আনিলো। কুজুরোমিগান বেশ্ দাঙর্‌ ওই উদিলো, কিত্যে অবশালোম পক্ষেন্দি মানুচ্চুন্‌ বেজত্তুন বেশ্‌ বাড়া ধুরিলাক্।

১ রাজাবলী 3:10

শলোমন ইয়েনই চেইয়্যে দেগিনে লগেপ্রভু হুজি অলঅ।

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

গীতসংহিতা 141:2

মঅ তবনাগান্ যেন তুম্বাজ্ আগর্‌বাট্টি ধোক্ক্যেন্, মঅ আঢ্‌তান তুলোনা যেন সাজোন্যে উৎসর্ব ধোক্ক্যেন্ তঅ মুজুঙোত্ আজিল্ অন্।

গীতসংহিতা 17:1

ও লগেপ্রভু, তুই ন্যায়র্ কধা শুনোচ্, মঅ কানানিগান কান্ পাত্; মর্ ছলনা নেইয়্যে মুয়োর্ তবনাগান শুন্।

গম্ উপদেজ্ 10:24

পাজি মানুচ্চুনে যিয়েনি দরান্ সিয়েনি তারা উগুরে ঘুদিবো, মাত্তর্ গোজেন ভক্তগুনোর্ আওজ্‌চানি পুরেই দিয়্যে অবঅ।

গম্ উপদেজ্ 15:29

লগেপ্রভু পাজিগুনোত্তুন্ দূরোত্ থায়, মাত্তর্ তে গোজেন ভক্তগুনোর্ তবনাগানি শুনে।

গম্ উপদেজ্ 15:7

জ্ঞানীগুনোর্ মুয়োনিয়ে জ্ঞান ছিদি দে, মাত্তর্ জ্ঞাননেইয়্যেগুনোর মনানি সিয়েনি ন-গরে।

গম্ উপদেজ্ 21:27

পাজিগুনোর উৎসর্বয়ানি লগেপ্রভু ঘিনেই, আর সিয়েনি যুনি ভান্ন্যেই আজাই আনা অয় সালে সিয়েনি আরঅ ঘিন্ গরেপারা অয়।

গম্ উপদেজ্ 21:3

লগেপ্রভু ইদু য়েমান-উৎসর্ব গরানাত্তুন্ ঠিগ্ আর গম্ কাম গরানা আরঅ দোল্।

গম্ উপদেজ্ 28:9

লগেপ্রভুর সুদোমানির কধা যুনি কনজনে শুনিনেয়ো ন-শুনোন্, সালে তার তবনাগান গ্রাজ্য ন-অয়।

উপদেশক 5:1

গোজেন ঘরত্ যেবার অক্তত্ তঅ টেঙানি উজিয়ারে ফেলেচ্। যিগুনে নিজো অন্যেয়ানি ন-বুঝোন্ সে ভুল্ মানুচ্চুনো ধোক্ক্যেন্ উৎসর্বর অনুষ্ঠান গুরানাত্তুন্ বরং গোজেনর্ বাধ্য অনা গম্।

পরমগীত 2:14

মর্ কবো, তুই মুড়োবোর্ ফাদাগানত্, মুড়োবো ইদু লুগেয়্যে জাগানত্ আগচ্; মরে তঅ মুয়োন্ দেগা, তঅ মুয়োর্ রবো শুনিবাত্তে দে, কিত্তে তঅ রবো মিদে আর মুয়ো চেঙারাগান্ দোল্।

যিশাইয় 61:8

লগেপ্রভু কোইয়্যেদে, “মুই ন্যায়বিচের গম্ পাং আর ডাগেত্ গরনা আর অন্যেয়ানি ঘিনাং। মর্ বিশ্বেজ্‌চান্দোই মুই তারারে বক্‌শিজ্ দিম আর তারাত্তে এক্কান উমরর্ বেবস্থা থিদেবর্ গুরিম।‍‍‌‍‍

যিশাইয় 66:3

মাত্তর্ যে এক্কো গোরু উৎসর্ব গোজ্যে তে যেন মানুচ্ খুন গোজ্যে, যে এক্কো ভেড়া ছঅ উৎসর্ব গোজ্যে তে যেন কুগুরো গত্তনাবো ভাঙি দের্, যে শোজ্য উৎসর্ব গোজ্যে তে যেন শূগোর লো দের্, আর যে মঅ নাঙে আগর্‌বাট্টি জালার্ তে যেন মূত্তি পূজো গরের্। তারা তারার্ নিজো নিজো পথ বেঈ লোইয়োন; তারার ঈচ্ গরেদে পযাপিরানিলোই তারা হুজি অন্।

যিরমিয় 6:20

ও মর্ মানুচ্চুন, শিবা দেজত্তুন্ যে আগর্‌বাট্টি এজে বা দূর্ দেজত্তুন্ যে মিদে বচ এজে সিয়েনত্ মর্ কি দরকার? তমার পুজ্যে-উৎসর্বর অনুষ্ঠানানে মরে হুজি ন-গরে।”

দানিয়েল 9:23

তুই তবনা আরাম্ভ গত্তে ন-গত্তে গোজেনে সিয়েনর জোব্ দিলো, আর সিয়েন মুই তরে জানেবাত্তে এচ্চ্যং, কিয়া তে তরে অমকদ কোচ্‌পেদঅ। সেনত্তে এ হবরান পৌইদ্যেনে তুই চিদে গুরি চাহ্ আর দর্শনান্ বুঝি লঅ।‌‌‌‌‌

লেবীয় 7:18

যুনি সে য়েরাগান্‌ তিন দিনেয়ো হা অয়্‌ ছালে লগেপ্রভু সে উৎসর্ববো মানি ন-লবঅ। উৎসর্ব গুরিয়্যেবোর্‌ পক্ষে সিবে ধরা ন-অবঅ, কিত্তে সেই য়েরাগান্‌ সেক্কে এক্কান্‌ ফি-বলা জিনিস ওই যেবঅ। যে সেই য়েরাগান্‌ হেবঅ তারে সে অন্যেয়ত্তে দায়ী গরা অবঅ।

মীখা 6:6

মুই কিলোই লগেপ্রভুর মুজুঙোত্ যেইম্ আর স্বর্গর্ গোজেনর্ উবোসনা গুরিম? মুই কি পুজ্যে-উৎসর্বত্তে এক বোজোজ্যে কয়েক্কো গোরু ছঅলোই তা মুজুঙোত্ যেইম্?

মীখা 6:7

লগেপ্রভু কি আজার্ আজার্ ভেড়া বা দশ আজার গাঙ্ ভরা জলপাই তেল্লোই হুজি অবে? মর্ অন্যেয়ত্তে কি মুই মর্ পত্তম পুয়োবো, মর্ পাপত্তে মঅ কিয়্যের্ ফল উৎসর্ব গুরিম?

হগয় 2:14

সেক্কে হগয় কলঅ, “লগেপ্রভু কোইয়্যেদে, ‘ঠিগ্ সেবাবোত্যেগুরি মঅ চোগেদি এ মানুচ্চুনে আর এ জাদ্‌তুন অসিজি। সেনত্তে তারা যিয়েনি গরন্ আর যিয়েনি উৎসর্ব গরন্ সিয়েনিয়ো অসিজি।‌‌‌

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

যোহন 4:24

গোজেনে আত্মা; যিগুনে তার্ উবোসনা গরন্, আত্মায় আর সত্যলোই তারার্ সে উবোসনা গরা পুরিবো।”