গম্ উপদেজ্ 15:33 - Chakma Bible

³³ লগেপ্রভু উগুরে ভোক্তিবলা দর্ মান্‌জ্যরে জ্ঞান শিগেয়, আর নম্রতাগানে সর্মান আনে।

গম্ উপদেজ্ 15:33 ပူးပေါင်းရင်းမြစ်များ

ইষ্টের 2:15

মর্দখয় তা কুত্‌তো অবীহয়িলোর যে মিলেবোরে নিজোর ঝি ইজেবে মানি লোইয়্যে সে মিলেবোর, অত্তাৎ ইষ্টেরর্‌ যেক্কে রাজার ইদু যেবার্‌ পালা এলঅ সেক্কে হারেমর চেইচিদিয়্যেগুনে রাজার নেযেয়্যে ইজিরে হেগয় তারে যিয়েনি নেযেবাত্তে কলঅ সিয়েনি বাদে তে আর কিচ্ছু ন-চেলঅ। যে কনজনে ইষ্টেররে চেলে তা চোগোত্‌ তারে গম্‌ লাগিদো।

ইয়োব 28:28

সে পরেদি তে মানুচ্চুনোরে কলঅ, ‘প্রভু উগুরে ভোক্তিবলা দরান্ অলঅ জ্ঞান, আর ভান্ন্যেয়ত্তুন্ সুরে যানাগানই অল বুদ্ধি।’ ”

গীতসংহিতা 111:10

লগেপ্রভু ইদু ভোক্তিপূর্ণ দরান অলঅ জ্ঞানান্; যিগুনে সে ইজেবে কাম গরন্ তারা গম্ বুদ্ধি পান্। লগেপ্রভুর নাঙ্ গিনেনাগান্ উমরত্তে থিদেবর্।

গীতসংহিতা 34:11

পুয়ো-ছাগুন্, এজঅ, মঅ কধানি শুনো, মুই তমারে শিগেম্ কেধোক্ক্যেন্ গুরি লগেপ্রভুরে ভোক্তি গরা পরে।

গম্ উপদেজ্ 1:2

ইয়েনি লেগা ওইয়্যেদে যেন মানুচ্চুনে গম্ বুদ্ধি আর শিক্ষ্যে পান, যেন তারার বিচের্ বুদ্ধি বাড়ে,

গম্ উপদেজ্ 1:7

লগেপ্রভুরে ভোক্তি গুরিনে দরানা অলঅ জ্ঞানর গড়াগান্, মাত্তর্ যিগুনোর চিদে চজ্জা বাজে ধরনর তারা গম বুদ্ধি আর শিক্ষ্যেনি ঈচ্ গরন।

গম্ উপদেজ্ 15:32

যে মান্‌জ্যে শাজন্ এলাফেলা গরে তে নিজোরে তুচ্চো গরে, মাত্তর্ যে মান্‌জ্যে সংশোধন কধানি শুনে তে বুদ্ধি পায়।

গম্ উপদেজ্ 16:1

মান্‌জ্যে মনে মনে সল্লা গরন্, মাত্তর্ মুয়োন্দি সিয়েনি ফগদাং গুরিবার খেমতা লগেপ্রভুত্তুন্ এজে।

গম্ উপদেজ্ 18:12

মান্‌জ্যর মনর্ বাড়্‌বো গরানাগানে ভস্ত অনা ডাগি আনে, মাত্তর্ নম্রগানে সর্মান আনে।

গম্ উপদেজ্ 29:23

বাড়্‌বো গরানাগানে মান্‌‌‌‌‌‌জ্যরে তলে ফেলায়, মাত্তর্ নম্র স্বভাবর মান্‌‌জ্যে সর্মান পান্।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”

যাকোব 4:10

প্রভুর মুজুঙোত্ নিজোরে তলে গরঅ, সালে তেয়ই তমারে তুলি ধুরিবো।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”