গম্ উপদেজ্ 15:3 - Chakma Bible

³ লগেপ্রভুর চোগ্‌কুন বেক্কানিত্ আঘে; সিয়েনি গম্-ভান্ন্যেই মানুচ্চুনো উগুরে খিয়েল্ আঘে।

গম্ উপদেজ্ 15:3 ပူးပေါင်းရင်းမြစ်များ

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

ইয়োব 24:23

তে শদানুনোরে গমেডালে জিরেবাত্তে দি পারে, মাত্তর্ তা চোগ্‌‌কুন তান্দে তারার পথ্‌তান ইন্দি।

ইয়োব 28:24

কিত্যে তে পিত্‌থিমীর শেজ্ দুযিগান্‌অ দেগে; আগাজ তলে বেক্কানি তা চোগোত্ পড়ে।

ইয়োব 31:4

তে কি মর্ আদাউদো গরানা ন-দেগের্? মর্ পত্তি পোইদ্যাগুন্ তে ন-গণের্?

গীতসংহিতা 33:13

লগেপ্রভু স্বর্গত্তুন্ তলেন্দি রিনি চায় আর বেক্ মানুচ্চুনোরে খিয়েল্ গরে।

গম্ উপদেজ্ 15:4

যে কধাগানে মান্‌জ্য জিংকানিত্ ভালেদি আনে সিয়েন জিংকানি-গাজ ধোক্ক্যেন্, মাত্তর্ ছলনা কধাগানিয়ে মান্‌জ্যর মনানি ভাঙি দে।

গম্ উপদেজ্ 5:21

মানুচ্চুনোর্ আঢাউদো উগুরে লগেপ্রভু চোগ্ রাগেয়্যে; তারার বেক্ পথ্‌তানি তে পোরোক্ষ্যে গুরি দে।

যিরমিয় 16:17

তারার বেক আঢাউদোগানি উগুরে মঅ চোগ্‌কুন রোইয়্যে; তারা মঅ চোগ্‌কুনোত্তুন লুগেয়্যে নয় আর তারার পাব্‌‍‍‍পানিয়ো মত্তুন্ গুমরত্ নয়। ‍‍‍

যিরমিয় 23:24

কনজনে কি এমন গুমুরো জাগাত্ লুগেই পারে যিয়েনত্ মুই তারে ন-দেগং? মুই কি স্বর্গ আর পিত্‌‌‌‌থিমীর বেক্ জাগায়ানত্ ন-থাং‌?”

যিরমিয় 32:19

তর্ উদ্দশ্যগান দাঙর্ আর তর্ বেক কামানি খেমতাবলা। মান্‌‌জ্যর বেক চালচলনর্ ইন্দি তঅ চোগ্‌‌‌‌কুন খুলো রাগেয়োচ্; তুই পত্তিজনরে তার চালচলনর্ আর কামর্ ফল দি থাচ্।

সখরিয় 4:10

এদকদিন যে সামান্য কাম্ ওইয়্যে সিয়েন মান্‌‌‌জ্যে তুচ্ছো মনে গোজ্যন্। মাত্তর্ সরুব্বাবিল আঢত্ ওলনদড়িগান দেগিনে মানুচ্চুনে ফুত্তি গুরিবাক্।” সে পরেদি মুই শুনিলুং, “এই সাত্‌‌‌‌তো বাত্তি অলঅ লগেপ্রভুর চোগ্ যিগুনে পুরো দুনিয়েগান দেগন্।”

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।