গম্ উপদেজ্ 15:28 - Chakma Bible

²⁸ গোজেন ভক্ত মান্‌জ্যর মনানিয়ে চিন্তে গুরিনে জোব্ দে, মাত্তর্ পাজিগুনোর মুয়োনিত্তুন্ ভান্ন্যেই কধানি নিগিলি এজে।

গম্ উপদেজ্ 15:28 ပူးပေါင်းရင်းမြစ်များ

গীতসংহিতা 59:7

চাহ্, তারা মুয়োন্দি কি বেক্ কধানি নিগিলেয়োন্, তারার ঠুদোত্তুন যেন লাম্বা ছুরি নিগিলি এজের্; তারা কদন, “আমা কধানি কনজনে ন-শুনিবাক্।”

গম্ উপদেজ্ 10:19

বেজ্ কধা ভিদিরে ভান্ন্যেই কিজু থায়, মাত্তর্ যে তা মুয়োন দোঙেই রাগায় তে বুদ্ধবলা।

গম্ উপদেজ্ 10:32

গোজেন ভক্তগুনোর্ মুয়োনিয়ে যোগাজ্যেগুরি কধা কোই জানে, মাত্তর্ পাজিগুনোর মুয়োনিয়ে বানা বেঙা বেঙা কধা কয়।

গম্ উপদেজ্ 13:16

উজিয়ারবলা মানুচ্ জ্ঞানদোই কাম গরন্, মাত্তর্ কান্ড জ্ঞান নেইয়্যে মানুচ্ তার ভুলানি ফগদাং গরে।

গম্ উপদেজ্ 15:2

জ্ঞানী মান্‌জ্যর মুয়োনে জ্ঞানান্ গমেডালে বেবহার গরে, মাত্তর্ জ্ঞাননেইয়্যে মুয়োনিত্তুন্ ভুল্-বেদমা গঙার ধোক্ক্যেন নিগিলি এজে।

গম্ উপদেজ্ 16:23

জ্ঞানী মান্‌‌জ্যর মনানে তা মুয়োনরে পরিচালনা গরে, সেক্কে তা শিক্ষ্যেলোই অন্যগুনোর জ্ঞান বাড়ে।

গম্ উপদেজ্ 29:11

বিবেচনা নেইয়্যে মান্‌‌জ্যে তা রাগ্‌‌কান বেক্কান ফগদাং গরে, মাত্তর্ জ্ঞানী মান্‌‌জ্যে তা রাগ্‌‌কান দোঙেই রাগায়।

গম্ উপদেজ্ 29:20

তুই কি এধোক্ক্যেন মান্‌‌জ্যরে দেখ্যচ্ যে যাদিমাদি গুরিনে কধা কবাত্তে যায়? তাত্তুন্ বরং বিবেচনা নেইয়্যেগুনো পৌইদ্যেনে আজা আঘে।

উপদেশক 5:2

তঅ মুয়োনে যাদিমাদি গুরিনে কধা ন-হোক্; গোজেন ইদু যাদিমাদি গুরিনে কনঅ কধা ন-কোচ্। গোজেনে স্বর্গত্ আঘে আর তুই আগচ্ পিত্‌থিমীত, সেনত্তে তঅ কধাগান্ যেন কম অয়।

উপদেশক 5:6

তঅ মুয়োনে যেনে তরে পাপ পধেদি ন-নেযায়। “মর্ মানত্ গরানা ভুল্ ওইয়্যে,” এ কধাগান্ উবোসনা ঘরর্ সেবাগুরিয়্যেবোরে ন-কবে। তঅ কধাগানত্তে কিত্তে গোজেনে বেজার্ ওইনে তঅ আঢ কামানি বর্‌বাত্ গুরিবো?

মথি লেখ্যে গম্ হবর্ 12:34

সাপ গুট্টিগুন! নিজে ভান্ন্যেই ওইনে কেধোক্ক্যেন্ গুরি তুমি গম্ কধা কোই পারঅ? মান্‌জ্যর্ মনানি যিয়েনিলোই ভরা থায় মুয়োনে দঅ সে কধানি কয়।

১ পিতর 3:15

বরং খ্রীষ্টরে তমা মন ভিদিরে প্রভু ইজেবে জাগা দুয়ো। তমার্ আজা-ভরসা পৌইদ্যেনে যুনি কেঅ পুযোর্ গরন্ সালে তারে জোব্ দিবাত্যে নিত্য যুক্কোল্ থেয়ো, মাত্তর্ ইয়েনর্ জোব্‌পান্ চিদে আর ভোক্তি গুরিনে দুয়ো।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।