গম্ উপদেজ্ 15:27 - Chakma Bible

²⁷ লুভি মান্‌জ্যে তা পরিবারত্ দুঘ্ তাঙায়, মাত্তর্ যে মান্‌জ্যে ঘুষ্ ঘিনায় তে দোল্ জিংকানি পেবঅ।

গম্ উপদেজ্ 15:27 ပူးပေါင်းရင်းမြစ်များ

১ রাজাবলী 2:40

সেক্কে শিমিয়ি তা গাধাবো উগুরে উদিনে তার্‌ চাগরুনোরে তোগেবাত্তে গাতত্‌ আখীশোর ইদু গেলঅ আর সিয়োত্তুন্‌ তারারে ফিরেই আনিলো।

২ রাজাবলী 5:27

সেনত্তে নামানর্‌ ফারাঙিগান্‌ তর্‌ আর তর্‌ বংশধরুনোর্‌ ভিদিরে জিংকানিবর্‌ লাগি থেবঅ।” সেক্কে গেহসি ইলীশায়র মুজুঙেত্তুন্‌ আদি গেলঅ আর তা কিয়্যেগান্‌ ফারাঙিয়্যে দুব্‌ ওই গেলঅ।

গীতসংহিতা 15:5

সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

যাত্রা 18:21

তুই বেক্‌ মানুচ্চুনো ভিদিরেত্তুন্‌ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্‌। তারারে তুই মানুচ্চুনোর্‌ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে।

যাত্রা 23:8

ঘুষ ন-হেবা, কিত্তে যার্‌ চোগ আঘে তারেয়ো ঘুষে চোগ্‌ কান গুরিদে। ঘুষ গম্‌ মান্‌জ্যর্‌ কধাত্‌‌অ‌ প্যাজাল্‌ লাগেই দে।

গম্ উপদেজ্ 1:19

ভান্ন্যেই পধেদি কনঅ কিজু পেবাত্তে যিগুনে যান তারার বেক্কুনোর দজা এবাবোত্যে অয়; তারা যিয়েনি পান সিয়েনিলোই তারা জিংকানিগানি শেজ্ গুরি দুয়োন।

গম্ উপদেজ্ 11:19

যে গোজেন ভোক্তিলোই আঘে তে দোল্ জিংকানি পায়, মাত্তর্ যে ভান্ন্যেয়দি মনান্ দে তে নিজো মরণান ডাগি আনে।

গম্ উপদেজ্ 11:29

যে তা গিরিত্ দুঘ আনে; তা ভাগত্ বোইয়্যের্ বাদে আর কিচ্চু ন-থেবঅ; আর যিগুনোর বুদ্ধি বাজে তারা জ্ঞানীগুনোর্ চাগর্ অবাক্।

গম্ উপদেজ্ 15:26

লগেপ্রভু বেক্ কুজুরোমিগানি ঘিনায়, মাত্তর্ ভালেদির কধাবাত্তানি তা চোগেদি দোল্।

গম্ উপদেজ্ 20:21

বাবঅ সোম্বোত্তির ভাগ্ যুনি যাদিমাদি পাহ্ যায় সালে যেরেদি সিয়েনত্ আশীদ্‌বাদ্ পাহ্ ন-যেবঅ।

গম্ উপদেজ্ 23:4

ধন পেবাত্তে হিজে-হিচ্যে ন-ওইয়ো; এ পৌইদ্যেনে তঅ বুদ্ধিগান উগুরে বিশ্বেজ্ ন-গুরিচ্।

গম্ উপদেজ্ 28:16

যে শাজন্ গুরিয়্যেবোর বিচের বুদ্ধি নেই তে অমকদ অত্যেচার গরে; যে শাজন্ গুরিয়্যেবো লুভ গরানা ঘিনেই তে ভালোক্‌দিন বাঁজি থায়।

গম্ উপদেজ্ 28:25

যে মানুচ্চো লুভি তে কোল্-কোজ্যে বাজেই দে, মাত্তর্ যে লগেপ্রভু উগুরে বিশ্বেজ্ গরে তার ভালেদি অয়।

গম্ উপদেজ্ 29:4

ন্যায়বিচেরলোই রাজা দেজ্‌‌ছানরে থির্ রাগায়, মাত্তর্ যে ঘুষ্ হেবাত্তে গম্‌‌পায় তে দেজ্‌‌ছানরে ভস্ত গুরি ফেলায়।

যিরমিয় 17:11

“অন্য বদাত্ উম্ দিইনে চঅ পেইয়্যে তিতি পেগো ধোক্ক্যেন সেই মানুচ্চো, যে ভান্ন্যেই গুরিনে ধন লাভ গরে। তা বয়জর্ সংমোধ্যে সময়ানত্ সেই ধনানিয়ে তারে ছাড়িনে যেবগোই, আর যেরেদি তে বেদমা বিলিনে ফগদাং অবঅ।”

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

দ্বি’লম্বর বিররণ 7:26

কনঅ ঘিনাইদে জিনিস তমা ঘরত্‌ ন-আনিবা। সিয়েনি তুমি মনে-পরাণে ঘিনেবা আর ঈচ্ গুরিবা, কিত্যে সিগুনো উগুরে আগেদে ভস্ত অবার্‌ অভিশাব। সিয়েনি যুনি তুমি ঘরত্‌ আনঅ সালে তমা উগুরেয়ো ভস্তর্‌ অভিশাব লামি এবঅ।

১ তীমথিয় 6:10

নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।

যিহোশূয় 6:18

মাত্তর্ যেদক্কানি জিনিস ভস্তর্ অভিশাবর্ তলে সিয়েনিত্তুন তুমি দূরোত্‌ থেবা যেনে সিয়েনিত্তুন কনঅ‌ কিজু নিজোত্তে নেযেইনে তুমি নিজো উগুরে দযা ডাগি ন-আনঅ‌। সিয়েন গুরিলে তুমি ইস্রায়েলীয়গুনোর তাম্বুলানি উগুরে দযা ডাগি আনিবা আরঅ তারারে দযাত্ ফেলেবা।

১ শমূয়েল 12:3

মুই ইয়োদোই আগং; মর্‌ বিরুদ্ধে যুনি তমার কিজু কবার্‌ থায় সালে লগেপ্রভু আর তার অভিষেগ-গোজ্যে মানুচ্চোর মুজুঙোত্‌ সিয়েনিই কঅ। তুমি সাক্ষি দুয়ো, মুই কার্ বলত্তো বা কার্ গাধাবো অন্যেয়গুরি নেযেয়োং? মুই কার উগুরে অত্যেচার গোজ্যং? কার উগুরে বজং বেবহার গোজ্যং? কাত্তুন্‌ ঘুষ নেযেইনে মুয়োন বন্ধ গুরি রাগেয়োং? ইয়েনির কনগান যুনি মুই গুরি থাং সালে সিয়েনির ক্ষতিপূরণ দিম।”