গম্ উপদেজ্ 15:20 - Chakma Bible

²⁰ জ্ঞানী পুয়ো বাবর্ জিংকানিত্ হুজি আনে, মাত্তর্ জ্ঞাননেইয়্যে মান্‌জ্যে মাবোরে ঈচ্ গরে।

গম্ উপদেজ্ 15:20 ပူးပေါင်းရင်းမြစ်များ

১ রাজাবলী 2:9

মাত্তর্‌ ইক্কিনে তুই তারে গম্‌ বিলিনে মনে ন-গুরিবে। তুই বুদ্ধিবলা; তা উগুরে তুই কি গুরিবে সিয়েন তুই নিজেই বুঝি পারিবে। তার বুড়ো বয়জত্‌ লো-ঝরানার মাধ্যমে তারে মরণজাগাত্‌ পাধেই দিবে।”

১ রাজাবলী 5:7

শলোমনত্তুন্‌ এ হবরান্‌ পেইনে হীরমে অমকদ হুজি ওইনে কলঅ, “এচ্যে লগেপ্রভুর বাঈনী ওক্‌, কিত্তেই এ দাঙর্‌ জাদ্‌তো উগুরে রাজাগিরি গুরিবাত্তে দায়ূদোরে তে এন্‌ ইক্কো জ্ঞানী পূঅ দান গোজ্যে।”

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

গম্ উপদেজ্ 10:1

শলোমনর্ গম্ উপদেজ্। জ্ঞানীবলা পুয়ো বাবরে হুজি গরে, মাত্তর্ ভুল-বেদমা পুয়ো মাগুনো জিংকানিত্ দুগ্ আনন্।

গম্ উপদেজ্ 13:1

জ্ঞানীবলা পুয়ো বাব শাজন্ মানে, মাত্তর্ ঠাট্টা-ঈচ্ গুরিয়্যেবো সংশোধনত্ কান্ ন-পাদে।

গম্ উপদেজ্ 15:19

আল্‌সি মান্‌জ্যর পথ্‌তান দ্বিকিত্তেদি কাদা বেড়া দিয়্যে পধ ধোক্ক্যেন, মাত্তর্ গম্ মান্‌জ্যর পথ্‌তান যেন রাজপদ ধোক্ক্যেন।

গম্ উপদেজ্ 23:22

তঅ বাবঅ কধা শুন্ যিবে তরে জর্ম দিয়্যে; তর্ মাবো বুড়ো ওই গেলে তারে ঈচ্ ন-গুরিচ্।

গম্ উপদেজ্ 23:24

গোজেন ভক্তবোর্ বাব্‌পো বোউত্ হুজি অয়; জ্ঞানীবলা পুয়োবোর বাব্‌পো তা পুয়োবোলোই সুগি অয়।

গম্ উপদেজ্ 29:3

যে মানুচ্চো জ্ঞান কোচ্‌‌পায় তে তা বাবরে হুজি গরায়, মাত্তর্ যে বেশ্যেগুনো লগে থায় তে তার ধন বরবাত্ লাগায়।

গম্ উপদেজ্ 30:17

যে চোগ্‌‌কুনে বাবরে ঠাট্টা গরন্ আর মাবোর বাধ্য অবাত্তে ঈচ্ গুরিনে অস্বিগের্ গরন্, সে চোগ্‌‌কুন কলগ কবাগুনে কুদি কাদায় নিগিলে দিবাক্, আর শকুন ছঅগুনে সিগুন হেই ফেলেবাক্।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

ফিলিপীয় 2:22

মাত্তর্ তুমি কোই পারঅ, তীমথিয় তার্ যোগ্যতাগান প্রমাণ গোজ্জ্যে, কিয়া যেধোক্ক্যেন গুরিনে পুয়োবো বাব সমারে কাম্ গরে সেধোক্ক্যেন গুরিনে তে মঅ সমারে যীশু খ্রীষ্ট পৌইদ্যেনে গম হবর্ প্রচারর্ কামত্ দুঘ্ গোজ্জ্যে ।