গম্ উপদেজ্ 15:18 - Chakma Bible

¹⁸ রাগী মান্‌জ্যে কোল্-কোজ্যে বাজান্, মাত্তর্ যে মান্‌জ্যে সহজে রাগ ন-গরে তে কোল্-কোজ্যে থামেই দে।

গম্ উপদেজ্ 15:18 ပူးပေါင်းရင်းမြစ်များ

২ শমূয়েল 19:43

জোবত্‌ ইস্রায়েলর মানুচ্চুনে যিহূদার মানুচ্চুনোরে কলাক্, “আমি দশ গুট্টি বিলি রাজা দায়ূদো উগুরে তমাত্তুন বেশ্‌ আমার অধিকার অাঘে। সেনত্তেই তুমি কিত্তে আমারে এধোক্ক্যেনগুরি ঈচ্ গরর্‌? আমা রাজারে ফিরেই আনিবার কধা কি আমি পোইল্যে ন-কোই?” মাত্তর্‌ ইস্রায়েলর মানুচ্চুনোত্তুন্‌ বেশ্‌ যিহূদার মানুচ্চুনোর কধানি কোচ্‌‌কোচ্যে বিলিনে মনে অলঅ।

গম্ উপদেজ্ 10:12

ঈচ্ গরানাগানে কোল্-কোজ্যে বাজেই দে, মাত্তর্ কোচ্‌পানাগানে বেক অন্যেয়ানিরে ঢাগি রাগায়।

গম্ উপদেজ্ 14:29

যে মানুচ্চো এনেবাদে রাগ্ ন-গরে তে বুদ্ধিবলা, মাত্তর্ যে মানুচ্চো অদাদৎ রাগ্ তুলে তে ভুলান্ ফগদাং গরে।

গম্ উপদেজ্ 15:1

গমেডালে জোব্ দিলে রাগ্ কুমি যায়, মাত্তর্ কড়া কধানিয়ে রাগ্ বাড়েই দে।

গম্ উপদেজ্ 15:19

আল্‌সি মান্‌জ্যর পথ্‌তান দ্বিকিত্তেদি কাদা বেড়া দিয়্যে পধ ধোক্ক্যেন, মাত্তর্ গম্ মান্‌জ্যর পথ্‌তান যেন রাজপদ ধোক্ক্যেন।

গম্ উপদেজ্ 16:14

রাজার রাগ্‌কান মরণ দূতো ধোক্ক্যেন্, মাত্তর্ জ্ঞানী মান্‌‌জ্যে সে রাগ্‌‌কান থামেই দুয়োন।

গম্ উপদেজ্ 16:28

যে মানুচ্চো কুজুরো তে কোল্-কোজ্যে বাজায়, আর যে মানুচ্চো ইংসে-নিন্দে গরে তে দাংগুত্ব ভাঙি ফেলায়।

গম্ উপদেজ্ 22:24

মেজাজ্ গরম মান্‌জ্য লগে দাংগুত্ব ন-গোজ্য; যে সহজে রাগ্ তুলে তা সমারে ন-মিজেয়ো।

গম্ উপদেজ্ 25:15

রাগ্ দোঙেই রাগেলে নেতারে নিজোর তপ্পে আনা যায়; নম্র কধাবাত্তা আড়্‌‍গড়া ভাঙি ফেলেই পারে।

গম্ উপদেজ্ 26:21

জোল্-জোল্যে আঙারা ভিদিরে আরঅ আঙারা দিলে আর আগুনো ভিদিরে আরঅ দার্‌বো দিলে যেধোক্ক্যেন্ অয়, সেধোক্ক্যেন কোল্-কোজ্যের আগুনান্ জালেবাত্তে কোল্ বাজেয়্যে মানুচ্।

গম্ উপদেজ্ 28:25

যে মানুচ্চো লুভি তে কোল্-কোজ্যে বাজেই দে, মাত্তর্ যে লগেপ্রভু উগুরে বিশ্বেজ্ গরে তার ভালেদি অয়।

গম্ উপদেজ্ 29:22

রাগী মান্‌‌জ্যে কোল্-কোজ্যে বাজেই দুয়োন্, আর বদ্‌‌মেজাজী মান্‌‌জ্যে বোউত্ পাপ গরন্।

উপদেশক 10:4

শাজন্‌গুরিয়্যেবো যুনি তঅ উগুরে রাগ্ গরে তো তুই তঅ পোজিশনান্ ন-ছাড়িচ্; শান্তভাব থেলে দাঙর্ দাঙর্ অন্যেয়অ খেমা গরা যায়।

মথি লেখ্যে গম্ হবর্ 5:9

মান্‌‌জ্যর্ জিংকানিত্ শান্তি আনিবাত্তে যিগুনে কাম্ গরন্ তারা বর্‍‍‍পেইয়্যে, কিয়া গোজেনে তারারে নিজোর্ পুয়ো বিলিনে ডাগিবো।