গম্ উপদেজ্ 15:13 - Chakma Bible

¹³ মনত্ হুজি থেলে মুয়োন্‌অ হুজি লাগে, মাত্তর্ মনত্ দুঘে মন ভাঙি যায়।

গম্ উপদেজ্ 15:13 ပူးပေါင်းရင်းမြစ်များ

নহিমিয় 2:2

সেনত্তেই রাজা মরে কলদে, “তর্‌ দঅ অসুখ্‌ ন-অয়, সালে তঅ মুয়োন্‌ এদক্‌ সুদোমু দেগা যার্‌ কিত্তে? ইয়েন্‌ দঅ মনত্‌ দুগ্‌ বাদে আর কিচ্ছু নয়।” এ কধাগান শুনিনে মুই অমকদ দোরেলুঙ্‌,

গম্ উপদেজ্ 12:25

বাজে চিদে-চজ্জালোই মান্‌জ্যর মনানি ভাঙি পড়ে, মাত্তর্ এক্কেনা উচ্চোমির কধাগানে তারে ফুত্তি আনি পারে।

গম্ উপদেজ্ 14:30

শান্ত মন কিয়্যেগানরে গম্ রাগায়, মাত্তর্ ইংসে কিয়্যেগানরে অসুগ্ বানায়।

গম্ উপদেজ্ 15:15

দুঘি মান্‌জ্যর দিনুন্ দুঘে ভরা, মাত্তর্ যিবের মনান্ হুজি থায় তার বেক্ দিনুন যেন হানার দিন।

গম্ উপদেজ্ 17:22

আজি-হুজি মনানে কিয়্যেগানরে গম্ রাগায়, মাত্তর্ ভাঙা মনানি কিয়্যেগানরে বর্‌বাত্ লাগায়।

গম্ উপদেজ্ 18:14

অসুগো অক্তত্ মন বলানে মান্‌জ্যরে ধুরি রাগায়, মাত্তর্ ভাঙা মনান্ কন্না সোজ্য গুরি পারে?

যোহন 14:1

“তমা মনানি যেন আর থির্ নেইয়্যে ন-অয়। গোজেন উগুরে বিশ্বেজ্ গরঅ, মঅ উগুরেয়ো বিশ্বেজ্ গরঅ।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 2:7

তুমি বরং ইক্কিনে তারে ক্ষেমা গরঅ আর সান্তনা দুয়ো, যেন অমকদ দুঘোত্ তে আজা ন-আরায়।

২ করিন্হীয় 7:10

গোজেনে যে দুঘ্ দে সেনত্যে পাপত্তুন্ মন ফিরে আর সিয়েনত্যে পাপত্তুন্ উদ্ধোর্ পাহ্ যায়, আর সিয়েনত্যে দুঘ্ গুরিবার কিচ্চু ন-থায়। মাত্তর্ জগদর্ দিয়্যে দুঘ্ মান্‌জ্যর মরণান্ ডাগি আনে।