গম্ উপদেজ্ 15:11 - Chakma Bible

¹¹ লগেপ্রভু দঅ ভস্ত অনার্ জাগায়ান, অত্তাৎ মরণ জাগায়ান দেগে; সালে মান্‌জ্যর মনানি তে আরঅ কত্তমান্ বেশ্ গুরি তে দেগে!

গম্ উপদেজ্ 15:11 ပူးပေါင်းရင်းမြစ်များ

২ বংশধর 6:30

সালে তর্‌ থেবার জাগা স্বর্গত্তুন্‌ তুই সিয়েনি শুনিজ্‌ আর তারে খেমা গুরিচ্‌। তার্‌ বেক্‌ কামানি অনুসারে বিচের্‌ গুরিচ্‌, কিয়া তুই দঅ তার্‌ মনর্‌ অবস্থাগান জানচ্‌-বানা তুয়ই বেক্‌ মানুচ্চুনোর্‌ মনর্‌ হবরানি জানচ্‌।

ইয়োব 26:6

গোজেন মুজুঙোত্ মরণনর্ জাগায়ান নাঢা যেইয়্যে নেই; ভস্ত অবার জাগায়ান খুলো রোইয়্যে।

গীতসংহিতা 139:8

যুনি আগাজত্ যেইনে উদোং, সিদু তুই; যুনি পাদালত্ মঅ বিচ্ছোনান্ পাদং, সিদুয়ো তুই;

গীতসংহিতা 44:21

সালে গোজেনে কি সিয়েনি হবর্ ন-পায়? তে দঅ আমার মনর্ গুমুরোগানি বেক্কানি হবর্ পায়।

গীতসংহিতা 7:9

ও ধার্মিগো গোজেন, তুই পরাণানিরে আর মনানিরে যগা চাজ্; তুই পাজিগুনোর্ শদানিগানি শেজ্ গর্ মাত্তর্ তঅ ভক্তগুনোরে গমেডালে থিদেবর্ রাগা।

গম্ উপদেজ্ 15:10

যিগুনে গম্ পথ্‌তান ছাড়দন্ তারাত্তে দরমর সাজাগানে বাজ্জেই আঘে; যে মানুচ্চো সংশোধন কধা ঘিনেই তে মুরিবো।

গম্ উপদেজ্ 17:3

রূবো পোরোক্ষ্যে গুরিবাত্তে গোলেবার পিলে আঘে আর সনাত্তে আগেদে চুলো, মাত্তর্ লগেপ্রভু মনান্ পোরোক্ষে গরে।

গম্ উপদেজ্ 27:20

গোর জাগা আর নরগর্ যেধোক্ক্যেন কনদিন্অ ঈল্ ন-অয়, সেধোক্ক্যেন্ মান্‌‌জ্য চোগোর্‌‌অ ঈল্ ন-অয়।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

প্রেরিত্‌ 1:24

সে পরেদি তারা ইয়েন কোইনে তবনা গুরিলাক্, “প্রভু, তুই বেক্কুনো মনানি কোই পারচ্। যিহূদা তার পাওনা সাজা পেবাত্যে দিপাধেয়্যেগুনো পদ কামান্ ইরি দিয়্যে। ইক্ক্যে এ দ্বিজনত্তুন্ সেই পদ্‌তানত্তে যিবেরে তুই বেঈ লোইয়োচ্ সিবেরে আমারে দেগেই দে।”

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।

ফগদাং পেইয়্যে 9:11

গভীন গাঢ্ দুনোবো এলদে এই পুগ্-যুগ্‌কুনোর্ রাজা। ইব্রীয় কধাদি সেই দূত্‌তোর নাঙান এলঅ আবদ্দোন আর গ্রীক কধাদি আপল্লুয়োন, অত্তাৎ ভস্ত গুরিয়্যে।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”