গম্ উপদেজ্ 14:35 - Chakma Bible

³⁵ যে মানুচ্চো বুদ্ধি গুরিনে কাম গরে রাজা তারে গমেডালে চায়, মাত্তর্ যে মানুচ্চো লাজ্ গরেপারা কাম গরে তে তার রাগী মানুচ্ অয়।

গম্ উপদেজ্ 14:35 ပူးပေါင်းရင်းမြစ်များ

পত্থম 41:38

ফরৌণ তা চাগরুনোরে কলঅ, “এ মানুচ্চুনো ভিদিরে এমন্ কিজু আঘে যিয়েন্‌ এ পিত্‌থিমীত্‌ নেই। ইবে ধোক্ক্যেন আর কারে আমি তোগেই পেবং?”

ইষ্টের 7:7

রাজা রাগে আংগুর-রস্‌চান্ থোইনে উদিলো আর নিগিলিনে রাজঘরর্‌ বাগানত্‌ গেলঅ। রাজা হামনর ভাগ্যগান ঠিগ্‌ গুরি ফেলেয়্যে বুঝিনে তে রাণী ইষ্টের ইদু পরাণান ভিক্ষ্যে চেবাত্তে সিয়েনত্‌ থেলঅ।

গম্ উপদেজ্ 10:5

জ্ঞানীবলা পুয়ো হ্‍রান্যেত্ ফসল তুবেই রাগায়, মাত্তর্ লাজেয়্যে পুয়ো ফসল কাবিবার অক্তত্ ঘুমোত্ পুড়ি থায়।

গম্ উপদেজ্ 14:34

গোজেন উগুরে ভোক্তি জাদরে সর্মান গরে মাত্তর্ পাপ জাদরে অসর্মানত্ ফেলায়।

গম্ উপদেজ্ 16:13

সত্য কধা কোইয়্যে মুয়োনিয়ে রাজাগুনোরে ফুত্তি দে; যে মানুচ্চো সত্য কধা কয় রাজাগুনে তারে কোচ্‌‌পান।

গম্ উপদেজ্ 17:2

পরিবারত্ অসর্মান আনেদে পুয়োবো উগুরে বুদ্ধিবলা চাগর্‌বো সদ্দার্ অয়, আর ভেইয়ুনো সমারে তেয়ো সোম্বোত্তির্ ভাগ্ পায়।

গম্ উপদেজ্ 19:26

যে পুয়োবো বাবঅ উগুরে অত্যেচার গরে আর মাবোরে ধাবেই দে, তে তারা উগুরে লাজানাগান্ আর অগমানান্ ডাগি আনে।

গম্ উপদেজ্ 20:26

চাপ্ দিইনে যেধোক্ক্যেন্ শোজ্য মাড়া অয়, সেধোক্ক্যেন জ্ঞানীবলা রাজা তা খেমতাগান বেবহার গুরিনে পাজিগুনোরে দূর্ গুরি দে।

গম্ উপদেজ্ 20:8

রাজাবো যেক্কে বিচের্ গুরিবাত্তে সিংহাসনত্ বজে সেক্কে চোগো ইজিরেলোই তে বেক্ পাজি কামানিরে দূর্ গুরি দে।

গম্ উপদেজ্ 22:11

যে মানুচ্চো গম্ মনান্ কোচ্‌পায় আর দোয়্যে-মেয়্যে কধাবাত্তা কয় তে রাজার সমাজ্যে অয়।

গম্ উপদেজ্ 25:5

পাজি চাগর্‌‍বোরে রাজা মুজুঙেত্তুন্ সোরেই দুয়ো, সালে গম্ কামর ভিদিরেদি তা সিংহাসনান্ থির্ থেবঅ।

গম্ উপদেজ্ 29:12

যে শাজন্‌গুরিয়্যেবো মিজে কধা শুনে তার বেক চাগরি গুরিয়্যেগুন পাজি।

মথি লেখ্যে গম্ হবর্ 25:21

সেক্কে তা গিরোজ্‌‌সো তারে কলঅ, দোল্ কাম গোজ্যস্, তুই গম্ আর বিশ্বেজি চাগর্। তুই কম্ টেঙালোই বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মঅ হুজির্ ভাগীদার্ অ।

মথি লেখ্যে গম্ হবর্ 25:23

সেক্কে তা গিরোজ্‌সো তারে কলঅ, গম্ কাম গোজ্যস্। তুই গম্ আর বিশ্বেজি চাগর্। তুই কম পৌইদ্যেনে বিশ্বেজি বিলিনে মুই তরে ভালোক্কানি কামর্ ভার্ দিম্। আয়, মর্ হুজির্ ভাগীদার্ অগি।