গম্ উপদেজ্ 14:32 - Chakma Bible

³² পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

গম্ উপদেজ্ 14:32 ပူးပေါင်းရင်းမြစ်များ

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

ইয়োব 13:15

তে যুনি মরে মারেয়ো ফেলায় তো তা উগুরে মুই আজা রাগেম্‌; মুই হামাক্কাই তা মুজুঙোত্‌ মঅ পক্ষেদি কধা কোম্‌।

ইয়োব 18:18

তারে পহ্‌রত্তুন্‌ আন্ধারত্‌ দূর্‌ গরা অবঅ; সংসারত্তুন্‌ তারে ধাবেই দিয়্যে অবঅ।

গীতসংহিতা 16:11

জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 23:4

ঘুর্‌‌গুজ্যে আন্ধারে ঢাক্যে কলগ্‌কানি পার্ ওয়া পুড়িলেয়ো মুই দজা এলে ন-দোরেম, কিত্যে তুয়ই মঅ সমারে আগচ্; তর্ মুগোর্ আর লুদিক্কুনে দযার্ দর্‌গরেদেগানি দূর্ গুরি দুয়োন।

গীতসংহিতা 37:37

নিদ্দুযি মানুচ্চুনোর জিংকানিগানি ইন্দি চাহ্; সেই গম্ মানুচ্চুনো ইন্দি চাহ্। যিগুনে সুগ্-শান্দি গম্ পান তারার্ বংশগুন থেবাক্।

গীতসংহিতা 58:9

তমা পিলেগুনোত্ আগুনো জিলান্ বাঁজিবার আগেদি শুগুনো আর নুয়ো কাব্যে দার্‌বোনি তে ঝড়ে উড়েই দিবো।

গীতসংহিতা 73:24

তর্ উগুম্মোই তুই মরে চালেবে, আর যেরেন্দি তর্ মহিমালোই মরে মানি লবে।

গম্ উপদেজ্ 11:5

গম মানুচ্চুনোর গোজেন ভোক্তিগানে তারাত্তে উজু পথ্ বানেই দে, মাত্তর্ পাজিগুনোর পতন অয় তারার পাজি কামানিলোই।

গম্ উপদেজ্ 14:33

যিগুনোর বিচের বুদ্ধি আঘে তারার মনত্ জ্ঞানানি ঠান্দা গুরি থায়, মাত্তর্ জ্ঞান নেইয়্যেগুনে তারার জ্ঞানানি বাড়্ গুরিবাত্তে হিজে-হিস্যে বাজান্।

গম্ উপদেজ্ 24:16

কিত্তে গোজেন ভক্ত মান্‌‍জ্যে সাত পল্লা পুড়িলেয়ো আরঅ উদে, মাত্তর্ পাজিগুনোর দজা এলে তারা এক্কুবারে ভাঙি পড়ন্।

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

গম্ উপদেজ্ 6:15

সেনত্তে আদিক্ক্যেন্‌গুরি তা উগুরে দজা এবঅ; যে কনঅ সময়োত্ তে ভস্ত ওই যেবঅ, তে আর্ উদি ন-পারিবো।

লূকে লেখ্যে গম্ হবর্ 2:29

“প্রভু, তুই তর্ কধা মজিম্ তঅ চাগর্‌বোরে ইক্কিনে সুগে শান্দিয়্যে বিদেয় দুয়োর্,

যোহন 8:21

যীশু আরঅ ফরীশীগুনোরে কলঅ, “মুই যাঙর্। তুমি মরে তোগেবা, মাত্তর্ তুমি তমা পাপে মুরিবা। মুই যিধু যাঙর্ তুমি সিধু এই ন-পারিবা।”

যোহন 8:24

সেনত্তে মুই তমারে কঙর্, তুমি তমার্ পাপে মুরিবা। যুনি তুমি বিশ্বেজ্ ন-গরঅ যে, মুয়ই সিবে, সালে তুমি তমা পাপে মুরিবা।”

রোমীয় 9:22

ঠিগ্ সেবাবোত্যেগুরি গোজেনে তা রাগ্‌কান্ আহ্ খেমতাগান্ দেগেবাত্তে চেইয়্যে; তো যে মানুচ্চুনো উগুরে তা রাগ্‌কান্ ফগদাং গুরিবো, খুব ধৈজ্জ্য ধুরিনে তে তারারে সোজ্জ্য গুরিলো। এ মানুচ্চুনোর বানা এক্কান্ পাওনা এলদে ভস্ত অনা।

২ করিন্হীয় 1:9

আমি মনে গোজ্জ্যেই, এবেরা আমি খামাক্কায় মুরি যেবং। মাত্তর্ এ অবস্থাগান আমার্ ইয়েনত্যে ওইয়্যে যেন আমি নিজো উগুরে নির্ভর ন-গুরিনে গোজেন, যিবে মরাগুনোরে জেদা গুরি তুলে, তা উগুরে নির্ভর গুরিই।

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

ফিলিপীয় 1:21

কিয়া মর্ পক্ষে জিংকানি অলঅ খ্রীষ্ট আর মরণান্ অলঅ লাভ।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”