গম্ উপদেজ্ 14:28 - Chakma Bible

²⁸ মানুচ্ বেশ্ অলে রাজার বাঈনী অয়, মাত্তর্ প্রজা কম্ থেলে রাজার দজা অয়।

গম্ উপদেজ্ 14:28 ပူးပေါင်းရင်းမြစ်များ

২ শমূয়েল 19:7

ইক্কিনে তুই বারেন্দি যেইনে তঅ মানুচ্চুনোরে উচ্চোমি তুলি দে। মুই লগেপ্রভুরে সাক্ষী রাগেইনে কঙর্‌, তুই যুনি সৈন্যগুনো ইদু ন-যাচ্‌ সালে এচ্চ্যে রেদোত্‌ এক্কো মানুচ্‌অ তঅ সমারে ন-থেবাক্। তর্‌ চিগোনত্তুন্‌ ধুরি এচ্চ্যে সং তঅ উগুরে যেদক্কানি অমংগল ঘোট্যে সিয়েনিত্তুন্‌ ইয়েনই অবঅ দাঙর্‌ ফারাদযা।”

২ শমূয়েল 24:3

জোবত্‌ যোয়াবে রাজারে কলঅ, “তঅ গোজেন লগেপ্রভু যেনে মানুচ্চুনোরে একশতগুন্‌ বাড়েই দে, আর মঅ গিরোজ্‌ মহারাজে যেনে তা নিজোর চোগেন্দি দেগে। মাত্তর্‌ মঅ গিরোজ্‌ মহারাজে এবাবোত্যে কাম্ কিত্তে গুরিবাত্তে চার্‌?”

১ রাজাবলী 20:27

ইন্দি ইস্রায়েলীয়গুনোরে এগত্তর্‌ গরা অলঅ। তারারে হানা-দানা যুগেই দেনার্‌ বেবস্থা গরা অলে যেরেন্দি তারায়ো অরামীয়গুনোর লগে যুদ্ধো গুরিবাত্তে নিগিলি গেলাক্‌। ইস্রায়েলীয়গুনে অরামীয়গুনোর্‌ মুজুঙেন্দি তারার্‌ তাম্বুলান্‌ ফেলেলাক্‌। তারারে দেগিনে মনে অর্‌ দ্বিবে ছাগল পাল, আর ইন্দি অরামীয়গুনে পুরো দেজ্‌ছানত্‌ ছিদি পুরিলাক্‌।

২ রাজাবলী 13:7

পঞ্চাশজন ঘোড়া সৈন্য, দশছান্‌ রথ আর দশ আজার আত্যের্‌বলা সৈন্য বাদে যিহোয়াহসর সৈন্যদলত্‌ আর কনজনে ন-এলাক্‌, কিত্তে অরামর রাজা বাদবাগি বেক্কুনোরে ভস্ত গুরি দিলো। তে তারারে মাদি ধোক্ক্যেন টেঙোই উজ্যে।

যাত্রা 1:12

মাত্তর্‌ তারা উগুরে যেদক্‌ অত্যেচার্ গরা অলঅ সেদক্‌ তারা জনেদি বাড়ি যেইনে দেজ চেরোকিত্তেদি ছিদি পড়িলাক্। সেক্কে ইস্রায়েলীয়গুনোত্তে মিসরীয়গুনো মনত্‌ অমকদ দর্‌বুক সোমেল।

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

গম্ উপদেজ্ 14:27

লগেপ্রভু উগুরে ভোক্তিবলা দর্ অলঅ জিংকানির পয়নালা ধোক্ক্যেন; সিয়েন মান্‌জ্যরে মরণ ফালত্তুন্ দূরোত্ রাগায়।

গম্ উপদেজ্ 14:29

যে মানুচ্চো এনেবাদে রাগ্ ন-গরে তে বুদ্ধিবলা, মাত্তর্ যে মানুচ্চো অদাদৎ রাগ্ তুলে তে ভুলান্ ফগদাং গরে।

যিরমিয় 13:20

লগেপ্রভু কোইয়্যেদে, ও যিরূশালেম, তুই চোগ্ তুল্, রিনি চাহ্, উত্তোরেত্তুন্ শত্রুগুনে এত্তন্। যে পাল্লো তঅ আঢত্ দিয়্যে ওইয়্যে, যে ভেড়াগুনোরে নিইনে বাড়্‌বো গুরিদে তারা কুদু?